Аммо, ... ҳамма жойда иш яхши кетаётганида битта аммо чиқади-да, ишлар пачава бўлади... Иқтисодиёт ва молия вазирининг Давлат тили бўйича маслаҳатчиси Обиддин Аббасович Маҳмудовнинг фаолиятини ўрганганимда филолог, журналист ёки тил билан боғлиқ мутахассис эмас, иқтисодчи эканини билгач, ҳафсалам пир бўлди. Шунча ислоҳот бекорга кетгандай туюлди. Бевосита Иқтисодиёт ва молия вазирининг Маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш бўйида маслаҳатчисининг ўзининг қўл остида тайёрланган материалларни таҳлил қилишга қарор қилдим. Натижалар, афсуски, мен кутгандай чиқди, чунки номутахассис ва соҳани тушунмайдиган раҳбардан муваффақиятли натижалар чиқиши амри маҳол.

Ушбу материалга илова қилинадиган файлларда ўзингиз ҳам гувоҳ бўласиз жуда қўпол хатоларга йўл қўйилган.

- Расмий ҳужжатларнинг номлари қўпол хатолар билан ёзилган (энг ёмони, бундай ҳужжатлар вазирнинг Давлат тили бўйича маслаҳатчиси томонидан имзоланган!!!);
- Ходимларнинг исмлари хато (Муроджон – Мудоржон) ёзилган. Ахир бу инсонга ҳақорат эмасми.
- Вазирликнинг расмий тузилмаларининг номлари хато ёзилган.
- Ҳужжат тайёрлаш қоидаларига риоя қилинмаган.

Очиғи бу ҳолатдан кейин ушбу вазирликнинг иқтисодчи, молиячи мутахассислари тайёрлаган материалларни таҳлил қилишга эҳтиёж сезмадим. Чунки уларни имло элагидан ўтказадиганларнинг элаги тешик. Бу вазирликнинг табибининг ўзи бемор. Тузалмайдиган дардга чалинган. Фақат, қизиқ, ўзининг нутқи ва мулоқотидаги таъсирчанлиги билан менда ижобий тасаввур қолдирган Иқтисодиёт ва молия вазири Жамшид Анварович Қучқоров ўзининг ислоҳотларидан шунжай ғужала натижа чиққанини билармикин...

Ҳурматли, Элтуз жамоаси,

Ҳаммамиз ҳам шу халқнинг фарзандларимиз. Тилимиз завол топса, бизнинг шунча ижод маҳсулимиз ҳам ўлик ҳолатга келади. Шунинг учун бу саводсизликка қарши биргаликда курашайлик ва ўз асарларимизни, халқимизнинг нутқини, она тилимизнинг гўзалликларини сақлаб қолайлик.

💬Telegram |📱Facebook |
🐦Twitter |📱Instagram | ▶️YouTube