Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

Telegram Analytics

Subscribe to stay informed about TGStat news.
img
ad

TGStat Bot

Bot to get channel statistics without leaving Telegram
img
ad

TGAlertsBot

Monitoring of keywords in channels and chats
img
ad

ELTUZ

@eltuz2022
Channel's geo and language: Uzbekistan, Uzbek
Category: Politics

Бизга мурожаат қилмоқчи бӯлсангиз, бот манзилимиз: @eltuzportali_bot.
Реклама учун мурожаат қилмоқчи бӯлсангиз, бот манзилимиз: https://t.me/eltuz_reklama

Related channels  |  Similar channels
Channel's geo and language
Uzbekistan, Uzbek
Category
Politics
Statistics
Is this your channel? Confirm Channel history
Posts filter

ELTUZ

21 Nov, 20:01

Open in Telegram Share Report
ДАВЛАТЧИЛИК ТАҚОЗОСИ

Конфуцийдан шогирди “энг муҳим нарса нима?” деб сўради.

"Давлат ҳаммадан мухим," деди Конфуций

"Чунки давлат йўл қуради, бу йўлдан динсиз ҳам диндор ҳам, бой ҳам гадо ҳам юради. Давлат бойлардан солиқ олиб қашшоқнинг очдан ўлмаслигини таъминлайди."

Шогирд тушунмади. Шунда Конфуций ўз аравасида турган ëйни қўлига олиб тушунтирди.

"Мана ëй. Ëйнинг тепасини бойлар деб атасак. Пастини эса қашшоқлар десак."
Шундан кейин Конфуций ëйнинг тепа қисмидаги ипни қайта боғлаб иккки сантиметрга камайтирди.

"Нимани кўрдинг" деди у шогирдга.

"Ëйнинг тепа қисми икки сантиметрга пасайди ва паст қисми икки сантиметр кўтарилди" деди шогирд.

"Худди шундай. Минг олтини бўлган бойнинг икки олтини камайса унинг ҳаëти деярли ўзгармайди. Аммо икки олтин камбағал одам яшамини тубдан ўзгартиради. У касал боласини даволатади, чакка ўтган томини яматади ва эт олиб, қозон осиб шўрва ичиб юзига қизил югуради. Бу қашшоқ ўша камоннинг паст қисми эди. Икки сантиметр кўтарилганида аҳволи анча яхшиланди"

"Бунинг давлат билан нима алоқаси бор?" деб сўради шогирд.

Чунки, деди Конфуций, камонни эгиш ҳуқуқи давлатда бор. Агар давлат бошидаги одам фақат ўз курсисида маҳкам ўтиришни ўйлаб эл улусни унутса ундан ëмон от қолади"

Конфуций қиссасидан ҳисса нима?

Мана Каримов ҳам ўлди, бу тожу тахт унга вафо қилмади. У одам золим, деспот, лавозимни конституцияга зид тарзда эгаллаган дегенерат сифатида тарих ахлатига улоқтирилди. Афсус, Ўзбекистон иқтисодини чўктирди.Оддий конвертацияга ҳам эриша олмади. Хотини, қизлари, куëв ва қариндошлари мамлакатни тинимсиз ўғирлашди.

Коррупция ва бедодлик Каримов даврида авж бўлди. ОВИР, чиқиш визаси деган Шимолий Кореяга ўхшаш зулм тизимлари Каримов даврида мукаммаллашди. Ëзувчи Эмин Усмон Каримов зиндонида уриб ўлдирилди. Каримов эркин матбуотни ва умуман мамлакат сиëсий ҳаëтини паралич қилди. Ундан ëлғонлар устига қурилган салтанат қолди.

Ҳозирги раҳбарлар бундан сабоқ олиши керак. Чунки давлатчилик шуни тақозо қилади.


💬Telegram |📱Facebook |
🐦Twitter |📱Instagram | ▶️YouTube
15.4k 2 25 4 105
ELTUZ

21 Nov, 18:31

Open in Telegram Share Report
ГАНДИМИЁН КЕЛИШУВИ ВА ХИВА ХОНИНИНГ РОССИЯГА ТАСЛИМ БЎЛИШИ

Бугунги кунни англаш учун тарих илмини билиш керак. Тарих - бу ўликлар ҳақидаги илм. Ўлганларни тинч қўйинг дейдиган ошқовоқ каллаларга қулоқ солинса тарих фани йўқ бўлиши керак.

Тарихни чўпчаклар ëрдамида эмас, балки ҳужжатлар асосида ўрганиш - тўғри йўл.

Мана хужжат. Рус ва турк тилида ëзилган. Гандимиëн келишуви. 1873 йили Хива яқинидаги Гандимиëн қишлоғида 1873 йилнинг 12 августида Туркистон генерал губернатори Кауфман ва Хива хони Иккинчи Муҳаммад Раҳимхон тарафидан имзоланган.
Гандимиëн келишуви Хиванинг руслар тарафидан босиб олинганидан кейинги капитуляция, яъни таслим бўлиш ҳужжатидир.

Ҳужжатда Хива хони бундан буëн ўзини Россиянинг вассали деб айтилишига иқрор бўлади.

Хива хони истаги билан ҳужжатда у ўзини “Россия императорининг содиқ қули” деб ëзилган.

Русча “покорным слугой императора всероссийского” (Буни хатто Кауфман ҳам ортиқча деб билган)

Хива хонлиги ташқи сиëсатдан маҳрум қилиниши ва хонликдаги Бош вазир дохил муҳим лавозимларга тайинловлар Россия рухсати билан амалга оширилиши алоҳида кўрсатилган.

💬Telegram |📱Facebook |
🐦Twitter |📱Instagram | ▶️YouTube
21.7k 1 47 11 99
ELTUZ

21 Nov, 17:01

Open in Telegram Share Report
ДЕМОКРАТИЯ ВА АВТОКРАТИЯ: ҚУДРАТЛАР АЙРИЛГАН ТУЗУМ АҲАМИЯТИ

Қудратлар айрилган тузум, яъни демократия автократиядан яхшидир. Бу гапни айтавериб тилим қаварди. Демократик жамият бўлган Германия президенти "Анавини ишдан ол, мановди қамаб таша," демайди. Германиядаги вазир ўзининг вазир ашнасига "Мўҳтарам мен билан гаплашмай қўйди. Ишдан обташаса керак" деб йиғламайди.

Дойчебанн темир йўллари бошқарма бошлиғи газетада ишлайдиғон қудасини олдига бориб, "Бош вазирнинг акаси ҳақидаги мақолани обташанг, бўмаса мени қамашади" демайди. Нега демайди? Чунки қудратлар ажралган.

Ҳатто диний зомбилар халифа деб кончат қиб ташайдиган Эрдўғон ҳам Истамбулнинг шарафли ҳокими Акрам Имомўғлини ишдан ололмайди. Ҳозир қамағда ўлимтик бўлиб ëтган Салим деган криминал бир тип "Мирзиëев пошшомиз" деб майкасига ëздирганди. Юридик фанлари кандидати бўлган тройной шаллақи ҳожи ашлачи Юлдуз Усмонова ҳам «пошшойимиз» дейди. Дилпуз деган артс "Султоним" деб чиқувди.

Подшо, султон, қирол ëки амир лавозим отадан болага ўтадиган монархия тизимида бўлади. Ўзбекистондаги раҳбар сайлаб қўйилган хизматкордир, холос. Абсурд шуки, бу ҳақиқатни Мирзиëевнинг ўзи ҳам айтган. «Давлат мулозими - бу хизматкор» деган. Мирзиëев тушунган гапни эл улус тушунишни ҳам истамайди.

Генларида лаганбардорлик кодланган манглайи қора элат бу. Биринчи раҳбарга чекланмаган ваколат бериб, уни тизгинлаш тизимлари ишлашини истамаган халқ чекланмаган зулм билан юзма юз бўлади. Ўша чекланмаган зулм оқибатида ишдан олиниб қамоққа ташланганларни бугун қамоқдан чиқарсангиз яна "султоним" деб ўзини мўҳтарам аяғи тагига отади.

Бўлдида энди,бир ташадинг, икки ташадинг. Яъни булар автократиянинг ëмонлигини тушуниб ета олмайди. Миясида ўша тушунадиган жойи едирилиб кетган. Тарихий параллел келтирсам.

Ўрис босиб олишидан бир ҳафта олдинги Хива хонлиги. Хоноғо (Мадримхон) битта вазирни коррупцияда айблаб ишдан бўшатади. Ўша вазир хоноғонинг ëши катта қариндошлари қалбига хитрлик йўллари билан кириб, "ишдан бўшатиш"ни атмен қилдиришни сўрайди.

Хоноғанинг ëши катта қариндоши эрталаб Мадрмхоннинг олдига боради. "Отанг сендан хапа. Нега анави вазирни ишдан олдинг," дейди. Хоноға ҳайрон бўлиб: "Отам палон йили ўлувди¸ давно кўкариб чиққан. Қандай қилиб хапаўлади," дейди. Қариндош ҳам бўш келмай: "Тушимга кириб айтди," дейди. Хоноға бўлса "Нега мени тушимга кирмади" деса, қариндош унга: "Чунки сендан хапа," дейди. Аргумент - бетон.

Шундан кейин хоноға вазирни бўшатиш ҳақидаги фармонни йиртиб ташлаб, "ишга қойтариб қўйинглар бу тўрамни, ойлигини оширинглар, мендан битта тўн ҳам падарка қилинглар. Илло ўлган отам рози бўлсин мендан," дейди.

Бу анекдод эмас бўлган воқеа. Баëний ëзиб қолдирган. Бу ўрислар Хивани босиб олишидан сал олдин 1873 йил бошида бўлган воқеа. Ўша йили Испан халқи ўз қиролини онтариб ташаб республика эълон қилган эди.


💬Telegram |📱Facebook |
🐦Twitter |📱Instagram | ▶️YouTube
24.9k 1 36 8 142
ELTUZ

21 Nov, 15:50

Open in Telegram Share Report
Янги кўзанинг ичидаги сув совуқ бўлармиш¸ янги супурги тозароқ супирармуш. Эй пийпл сенга янги вазирлар қутлуғ бўлсин. Сен уларга лойиқсан.

Сип свежий вазирлар:
Лазиз Шавкатович Кудратов – Ўзбекистон Республикаси инвестициялар, саноат ва савдо вазири;
Ботир Эркинович Захидов – Ўзбекистон Республикаси камбағалликни қисқартириш ва бандлик вазири;
Иброхим Юлчиевич Абдураҳмонов – Ўзбекистон Республикаси қишлоқ хўжалиги вазири;
Шавкат Рахимович Хамраев – Ўзбекистон Республикаси сув хўжалиги вазири;
Шерзод Саиджанович Хидоятов – Ўзбекистон Республикаси қурилиш ва уй-жой коммунал хўжалиги вазири;
Илхам Рустамович Махкамов – Ўзбекистон Республикаси транспорт вазири;
Жўрабек Турсунпулатович Мирзамаҳмудов – Ўзбекистон Республикаси энергетика вазири;
Бобир Фархадович Исламов – Ўзбекистон Республикаси тоғ-кон саноати ва геология вазири;
Шерзод Хотамович Шерматов – Ўзбекистон Республикаси рақамли технологиялар вазири;
Азиз Абдукахарович Абдухакимов – Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири;
Асилбек Анварович Худаяров – Ўзбекистон Республикаси соғлиқни сақлаш вазири;
Хилола Уктамовна Умарова – Ўзбекистон Республикаси мактабгача ва мактаб таълими вазири;
Конгратбай Авезимбетович Шарипов – Ўзбекистон Республикаси олий таълим, фан ва инновациялар вазири;
Адхам Ильхамович Икрамов – Ўзбекистон Республикаси спорт вазири;
Озодбек Ахмадович Назарбеков – Ўзбекистон Республикаси маданият вазири;
Акбар Джурабаевич Ташкулов – Ўзбекистон Республикаси адлия вазири;
Бахтиёр Одилович Саидов – Ўзбекистон Республикаси ташқи ишлар вазири;
Абдулла Хамидуллаевич Кулдашев – Ўзбекистон Республикаси фавқулодда вазиятлар вазири;
Пўлат Раззақович Бобожонов – Ўзбекистон Республикаси ички ишлар вазири;
Баходир Низамович Курбанов – Ўзбекистон Республикаси мудофаа вазири Ўзбекистон Республикаси Вазирлар Маҳкамаси аъзолари этиб тайинланди.

💬Telegram |📱Facebook |
🐦Twitter |📱Instagram | ▶️YouTube
28.1k 1 180 26 225
ELTUZ

21 Nov, 15:01

Open in Telegram Share Report
ТEЛEГРАМДАГИ РАДИКАЛ КАНАЛЛАР КУЗАТУВДАМИ?

Жиззахлик фуқаро телеграмда азжон*** номли канал очиб радикал диний даъват мазмунидаги 380 та аудио, турли фото ва видеоларни мунтазам равишда жойлаб келган.

2024 и‌ил 8 январь куни Жиззах вилояти ИИБ ва ДХХ Жиззах вилоят бошқармаси ходимлари ўтказган тезкор тадбирда канал эгаси қўлга олинди. Тергов жараёнида ҳам, суд мажлисида ҳам тарғиботчи араб тилини билмаслиги, нашидлар мазмунини тушунмаслигини таъкидлаган. Одам ўзи тушунмаган нарсага фанат бўлиб тарқатиши учун ИҚ қай даражада бўлиши керак?

Жиззах вилояти суди радикал “диний” тарғиботчининг бир боласи борлиги ва “чин дилдан пушаймонлиги”ни инобатга олиб 2 йил 3 ой 27 кунга озодликдан маҳрум қилди.

Қамағда.


💬Telegram |📱Facebook |
🐦Twitter |📱Instagram | ▶️YouTube
28.3k 1 29 10 57
ELTUZ

21 Nov, 14:15

Open in Telegram Share Report
ҚЎШМАЧИЛИК БИЗНЕСИ КАСОДГА УЧРАДИ

Жиззахлик фуқаро уч боланинг онаси Алибоева Дилдора Нори қизи қўшмачиликни ўзига касб қилиб, Чирчиқ шаҳрида икки фоҳиша қизни мижозларга таклиф қилиш билан шуғулланиб келган.

Бир қизнинг хизмат нархи бир соатга 400 минг сўм деб белгиланган. Навбатдаги мижоз ИИБ тузоғи, берган 800 минг сўми махсус белгиланган купюра бўлиб чиқди.

Чирчиқ шаҳар суди қўшмачига 4 йил 2 ойлик озодликни чеклаш жазосини қўллади. Шу вақт ичида Алибоева Дилдора Нори қизи кечаси фақат уйда ухлайди. Кундузги фаолиятга чеклов йўқ.


💬Telegram |📱Facebook |
🐦Twitter |📱Instagram | ▶️YouTube
29.4k 1 21 11 110
ELTUZ

21 Nov, 13:30

Open in Telegram Share Report
Video is unavailable for watching
Show in Telegram
БЎКАДА ТУҒРУҚХОНА ШИФОКОРЛАРИ АЙБИ БИЛАН ОНА-БОЛА ЎЛДИ

19 яшар ҳомиладор келинчак ўз оёғи билан туғруқхонага кириб борган. Унинг саломатлиги, ҳолати яхши бўлган.

Дўхтирлар томчи дори қуйгач, дорининг икки-уч кубик ҳажми организмга кетиб аёлнинг аҳволи оғирлашган. Ундан қон кета бошлаган. Соат 15:00 да шошилинч операция пайтида она-бола ўлди.

Қариндошларининг таъкидлашича дўхтирлар ўлган аёлни кеч соат 23:44 гача кушеткада ёнбошлатиб ёткизиб қўйган. Ҳолат юзасидан жиноий иш очиладими?


💬Telegram |📱Facebook |
🐦Twitter |📱Instagram | ▶️YouTube
30.1k 1 72 42 139
ELTUZ

21 Nov, 12:01

Open in Telegram Share Report
32.5k 1 204
ELTUZ

21 Nov, 12:01

Open in Telegram Share Report
33.1k 1 203
ELTUZ

21 Nov, 12:01

Open in Telegram Share Report
СОЛИҚ ХОДИМЛАРИНИНГ ДАРДЛАРИ: ОДДИЙ ҲОДИМЛАРНИНГ ҲУҚУҚЛАРИ ҚАЧОН ҲИМОЯ ҚИЛИНАДИ?

Ассалому алайкум, Элтуз,

Биз Навоий вилоятидан ёзмоқдамиз. Вилоятимиз ҳудуди мамлакатдаги энг катта вилоятлардан бири ҳисобланади. Аммо солиқ ходимларининг шароитига эътибор қаратиш зарур. Солиқ инспекторларининг хизмат автомобиллари йўқ, фермерларга, тадбиркорларга ва маҳаллаларга бориб келишга улар кўп қийналиб, ўз ҳисобидан таксига пул сарфлашга мажбур бўладилар. Қишлоқлар ва овуллар ўзаро узоқ масофада жойлашганини ҳисобга олсак, бу масала янада оғирлашади.

Элтуз, сиздан миннатдормиз. Картошка пули, премия ва ойлик маошлар каби масалаларда ҳақиқатни айтишингиз биз учун жуда муҳим. Ҳозир шов-шувлар бор, ўзгаришлар бўлиши кутилмоқда.

Бироқ, солиқ тизимида ҳар ҳафта ўтказиладиган "секс-селекторлар" (бирорта раҳбар бундан бехабар эмас!) қуйидаги ҳолатларни янада мураккаблаштирмоқда.

Раҳбарлар ўз муаммоларини ҳал қилиб, "оддий" ходимларга қийинчиликларни юкламоқдалар. Вилоят ва туманлардаги раҳбарлар ва уларнинг ўринбосарлари яхши яшамоқда. Чунки уларнинг бошқа манбалари бор. Аммо оддий ходимларнинг косаси ҳали ҳам оқармайди.

Маҳалла еттилиги ишни янада оғирлаштирди. Ҳамма бу ҳақда яхши хабардор. Қўмита томонидан чиқарилган 333-рақамли буйруқда раҳбарлар ходимларни ижтимоий жиҳатдан ҳимоя қилиш мажбуриятлари ҳақида аниқ ёзилган. Аммо раҳбарлар бу буйруққа амал қилмаяпти. Улар ходимларнинг бола-чақаси ҳақида қайғуришмайди. Биз эса картошка пули, йўл кира пули ва овқат пули сингари ҳақларимиздан маҳруммиз.

Касаба уюшмаси ташкилоти мавжуд, аммо улар фақат ўз манфаатларини кўзлашади. Ойликларимиздан 1% ушлаб қолинади, лекин улар картошка, гурунч, овқат пули, йўл пули ва бошқа имтиёзлардан баҳраманд. Ҳатто 8 март байрамида эркак касабачиларга мукофот пули берилади "уларнинг хотини бор" деган важ билан. Лекин оддий ходимларнинг ҳақ-ҳуқуқлари ҳимоя қилинмайди.

Илтимос, бизнинг муаммоларимизни янада кенгроқ ёритиб беринг. Балки, ҳурматли раҳбарларимиз ва ҳукуматимиз бу муаммоларга эътибор қаратиб, бизларнинг ҳаётимизда ўзгариш ясар.

Олдиндан раҳмат!

Бундай муаммоларни очиқлаш орқали ислоҳотлар қилинишига умид қиламиз. Элтузга ҳамкорлик учун миннатдорлик билдирамиз.


💬Telegram |📱Facebook |
🐦Twitter |📱Instagram | ▶️YouTube
30.4k 1 206 16 133
ELTUZ

21 Nov, 11:02

Open in Telegram Share Report
Video is unavailable for watching
Show in Telegram
ШОВОТ БУЮМ БОЗОРИДАГИ АБГОР САНИТАРИЯ ҲОЛАТИ

Қайсидир юртнинг ободлигини кўрмоқчи бўлсанг, бозори билан мозорини кўр, деб айтишган қадимда.

Видеода Хоразм вилояти Шовот тумани буюм бозоридаги ҳолат акс этган.

Тумандаги чиқиндиларни олиб кетиш учун масъул бўлган "Эко Кластер" МЧЖга бир неча бор мурожаат қилдик, аммо натижа бўлмади.

Туман ҳокими "Эко Кластер" олдида тили қисиқми?

Бир неча бор туман ҳокимига ҳам мурожаат қилдик, лекин ҳеч қандай чора кўрилмади.

Энди вилоят ҳокимига мурожаат қилишни режалаштиряпмиз, "Эко Кластер" МЧЖ Шовот туманидаги чиқиндиларни ўз вақтида олиши учун.


💬Telegram |📱Facebook |
🐦Twitter |📱Instagram | ▶️YouTube
31k 1 61 7 48
ELTUZ

21 Nov, 10:00

Open in Telegram Share Report
Video is unavailable for watching
Show in Telegram
ҲАҚИҚИЙ МАСЪУЛИЯТМИ ЁКИ ИККИЮЗЛАМАЧИЛИК?

Наманган вилояти ҳокими ва туман ҳокимлари ҳамда сув таъминоти бошқарма бошлиғига тегишли ушбу видео ҳақида.

Мазкур ариқдан бир неча ойдан бери сув оқиб келаётгани кузатилмоқда, аммо масъул ходимлар бу ҳолатни кўзлари билан кўриб туриб, гўё кўрмаганга олиб кетишади.

Аммо аҳолининг қарзи бўлса 10 га яқин ходим келиб қарзни олиш учун ҳаракат қилади. Бу қандай адолат?

"Сувни исроф қилманг!" деб оғизда айтилади, аммо амалда бу қоидага риоя қилинмаётганини кўриш мумкин. Нега шундай иккиюзламачилик билан иш олиб борилмоқда? Қачонгача бундай муносабат давом этади?

Бу каби вазиятларда ҳақиқий масъулият ва амалий чоралар талаб қилинади.


💬Telegram |📱Facebook |
🐦Twitter |📱Instagram | ▶️YouTube
30.5k 1 23 7 66
ELTUZ

21 Nov, 08:30

Open in Telegram Share Report
UZAUTO ИШЧИЛАРИ: АЁЛЛАР ҲУҚУҚЛАРИ ПОЙМОЛ ҚИЛИНМОҚДА!

Ассалому алайкум!

Биз Асаканинг UzAuto машина заводидан сизларга мурожаат қиляпмиз. Илтимос, ушбу мурожаатни кенг ёритиб беришингизни сўраймиз.

Муҳтарам Президентимиз Ш.М. Мирзиёев ва Раисимиз У.У. Рўзиқуловга етиб боришини истаймиз.

Биз автомобиль заводининг ишлаб чиқариш цехида меҳнат қилаётган ишчилармиз. Ҳозирда кадрлар бўлими бошлиғи Фаррух ака томонидан босимга учрамоқдамиз. У киши биз аёлларни чақириб: "Ошхонага ўтиб ишлайсизлар. Хоҳласангиз, шундай. Бошқа йўл йўқ", деб айтмоқда.

Биз олий маълумотли бўлган аёллар, идиш-товоқ ювиш учун ошхонага ўтишни истамаймиз. Бизнинг ҳам орзу-умидларимиз бор. Нима, бу завод уларнинг шахсий мулкими? Хоҳлаганларини қилишадими? Аёл бўлганимиз учун дардимизга қулоқ соладиган одам йўқми?

Кадрлар бўлимига Зикриё деган янги бошлиқ тайинлангандан бери заводда ишчиларнинг хотиржамлиги йўқолди. Нима учун деганда, у киши интизомий жазо олган ишчиларга бир йил давомида жазони тўлатади. Шундан кейин, рағбатлантириш, KPI ва моддий ёрдам каби пулларни берилмаслигини айтяпти.

Ахир биз Туркманистон ёки Шимолий Кореяда эмас, мустақил Ўзбекистонда яшаймиз. Ишчиларнинг ҳуқуқлари чекланишига қандай сабаб бор? Бизнинг маошларимиз бюджет ташкилотларига нисбатан анча кам. Бюджет ташкилотларида охирги тўрт йилда пенсия ва ойликлар 55% ошди, бизда эса беш йилда атиги 12%. Раҳмат шунинг ўзига ҳам, лекин ишчилар жуда қийналмоқда.

Кўпчилик ишчилар заводни ташлаб, бошқа давлатларга кетмоқда. Масалан, ГАИ жарима ёзса, уни бир марта тўлаймиз, бир йил давомида эмас. Лекин заводда интизомий жазо учун танобимиз бир йил тортилар экан.

Биз мустақил Ўзбекистон фуқаросимиз. Қачонгача сиқув ва босим остида ишлашни давом эттирамиз?

Муҳтарам Президентимиз!

Сиздан ёрдам сўраймиз. Бизни ўз иш жойимизда қолдиришингизни, интизомий жазо муддатини бир ойга амал қилувчи тартибда кўриб чиқишингизни илтимос қиламиз.

Асакадаги UzAuto ишчилари номидан.


💬Telegram |📱Facebook |
🐦Twitter |📱Instagram | ▶️YouTube
31.7k 1 112 16 160
ELTUZ

21 Nov, 07:02

Open in Telegram Share Report
ЖАБРЛАНУВЧИ ОИЛАГА БОСИМ ЎТКАЗИЛМОҚДА

"Мурувват" ногиронлиги бўлган болалар интернат-уйидаги ваҳший тизим" сарлавҳаси остидаги мурожаатдан кейин Ижтимоий ҳимоя миллий агентлиги ўрганиш ишларини олиб бормоқда.

Бироқ, ҳар куни жабрланувчи ногирон боланинг қонуний вакили, буваси Цой Зинаида Анатольеванинг уйига "Мурувват" уйи директорининг одамлари, жабрланувчининг маҳалладоши Сайпат исмли, ҳамма жойга бурнини суқадиган, маҳалла раиси бўлишга интилаётган кўзбўямачи шахс билан келмоқда. Ушбу шахс директор одамларига воситачилик қилиб, улар билан биргаликда пул ва бошқа хизматларни босим остида таклиф қилмоқда. Эвазига жабрланувчи томонидан ёзилган мурожаатдан воз кечишини, чунки директор ишдан олинаётганини таъкидлашмоқда.

Жабрланган оиланинг эътирозлари ва қаршиликларига қарамасдан, улар келишда ва ишни "ёпти-ёпти" қилишга уринишда давом этмоқда.

Бундан ташқари, шу кунгача ҳолат юзасидан жабрланган оиланинг уйига ҳуқуқни муҳофаза қилувчи ҳеч бир орган суриштирув ва тергов ҳаракатларини олиб бориш учун келмаган. Фақат телефон орқали ИИБ ходимлари боғланган, аммо ногирон боласи билан Тошкентга бориш имконияти йўқлигини айтганига қарамай, орган ходимлари томонидан ҳеч қандай жавоб берилмаган.

Мазкур ҳолат юзасидан текшириш ишларини асосан Ижтимоий ҳимоя миллий агентлиги амалга оширмоқда. Вахший тарбиячи ва ходимлар ишлайдиган ўша "Мурувват" уйи айнан шу агентликка тегишли. Шу ўринда савол туғилади:

- Нега суриштирув ишлари нейтрал ташкилотлар ёки ҳуқуқни муҳофаза қилиш органлари томонидан олиб борилмаяпти?
- Агентлик ўзига тегишли бўлган "Мурувват" уйидаги сирларни ошкор бўлишидан қўрқмоқдами?
- Нега агентлик органларни бу ишга яқинлаштирмаяпти?


Омбудсман ва Болалар омбудсмани ҳам ҳолат юзасидан расмий баёнот бермади. Улар боланинг уйига келиб ҳолатни ўрганмади. Ваҳоланки, ижтимоий тармоқлардаги саҳифаларида "жабрланган ёшларни уйларига бориб ёрдам бердик" дея суратлар қўяди.

Давлат хавфсизлик хизмати, Ички ишлар вазирлиги ва Бош прокуратурадан ҳолат юзасидан суриштирув ва тергов ҳаракатларини бошлашларини талаб қиламиз. У ерда қанча ногирон болалар бор, бу ваҳшийлар қанча бечора ногиронларни азоблаб келишган!

💬Telegram |📱Facebook |
🐦Twitter |📱Instagram | ▶️YouTube
32.2k 1 59 8 107
ELTUZ

21 Nov, 06:01

Open in Telegram Share Report
35k 2 15
ELTUZ

21 Nov, 06:01

Open in Telegram Share Report
35.6k 2 15
ELTUZ

21 Nov, 06:01

Open in Telegram Share Report
35.5k 2 15
ELTUZ

21 Nov, 06:01

Open in Telegram Share Report
ШОИР ВА МУНАҚҚИД РАҲИМЖОН РАҲМАТ УЙИ ЁНИБ КЕТДИ

Раҳимжон Раҳмат ёзади: Уйим ёниб кетди.

Касал ҳолимда ноқулай вазиятга тушиб қолдим.

Дори-дармонларим ҳам ёнди.

Совуқ кунда кўчада қолдим.

Тўсинларгача ёнди. Том ўпирилиб тушди. Касал ҳолимда шунақа балога йўлиқдим. Энди ҳозир келиб укамнинг уйида ўтирибман.

Бахтсизлик ҳам эгиз келади дейишади. Бандамиз. Сабр қиламиз. Кўнамиз. Насиб. Дўстлар ёрдамида уйни тиклаб оларман. Шу ҳолимда халқ мени ташлаб қўймас.

Элтуз: Ўзбек халқининг жонкуяри, таниқли шоир ва адабий мунаққидни ёлғиз ташлаб қўймайсиз деб умид қиламиз. Унга ёрдам қўлини чўзмоқчи бўлганларга яқини банк картаси рақамини жойлаймиз.

💬Telegram |📱Facebook |
🐦Twitter |📱Instagram | ▶️YouTube
33.4k 2 18 10 147
ELTUZ

20 Nov, 21:15

Open in Telegram Share Report
Video is unavailable for watching
Show in Telegram
ҲАЙДОВЧИГА ЯРДАМ ҚЎЛИНИ ЧЎЗГАН ГАИ ХОДИМЛАРИГА ТАСАННО

Бухоро шаҳридаги «конечка” автобус бекатида гул дўконига тўхтадим.

Аёл киши билан нима муаммо бўлган экан деб, тўғриси қизиқиб, видеога олишни бошладим.

Қарасам, ГАИ ходимлари аёл киши бошқарувида бўлган автомашина ғилдираги (балони) ни алмаштириб бераётган эканлар.

Мен дастлаб протокол тузиляпти деб ўйлагандим, аммо бундай ҳолатни илгари кўрмагандим.

Халқ хизматига шай туриб, ёрдам берувчи ходимларга тасанно!


💬Telegram |📱Facebook |
🐦Twitter |📱Instagram | ▶️YouTube
35.6k 2 44 35 471
ELTUZ

20 Nov, 20:00

Open in Telegram Share Report
РАССОМ ТУЗ: ЎЗГАРИШНИ ОЛДИНДАН СЕЗИШ

Салвадор Далининг бир асари бор: "Гражданлар урушини олдиндан ҳис қилиш".

Рассом дўстим Ҳакимжон Турдиев эса 1985 йили "Зилзила олдидан" дея номланган расм чизган эди.

Расмда зиллат ва ғафлатга ботган Тошкент маҳалласи тасвирланган эди.

Зилзилани эса фақат ит ва кучуклар сезгани расмда акс этган эди.

Бу расм Москвадаги Манеж майдонида намойиш қилинганида мунаққидлар мақтовига сазовор бўлди.

Таниқли мунаққид бу расмдаги мажоз кодини очиб берган эди.

Мунаққидга кўра, расм бутун мамлакат кутаëтган ижтимоий зилзила ҳақида ишорат эди.

Албатта, биз мунаққиднинг бу гапига эътибор бермадик. Сал ўтмай Совет Иттифоқининг оëғи осмондан келганида Ҳакимжон чизган расм ҳақида эсладик.

Рассом савқи табиий бир ҳис билан улкан талафотни сеза олган ҳолда тасвирлаган эди.

Бугун Тошкент зоҳиран тинч. Аммо Тошкент итлари занжирини узиб осмонга қараб увилламоқда.

Нимадир ўзгаради.


💬Telegram |📱Facebook |
🐦Twitter |📱Instagram | ▶️YouTube
35k 1 46 14 155
20 last posts shown.