БУХОРО ДАВЛАТ УНИВЕРСИТЕТИ ТАЛАБАЛАРИ ПОРАХЎРЛИККА ҚАРШИ МУРОЖААТДАН СЎНГ БОСИМГА УЧРАМОҚДА
Бухоро давлат университети иқтисод факультети талабалари ўқитувчи Гавҳар Хидирова томонидан имтиҳонлардан пул йиғилаётгани ҳақида мурожаат қилганларидан сўнг, университет раҳбарияти томонидан босимга учраётганликларини маълум қилишди.
Талабаларнинг Элтузга таъкидлашларича, университетнинг коррупцияга қарши курашиш департаменти бошлиғи Ёрқин ва ректор маслаҳатчиси Иззатулло Гавҳар Хидировани ҳимоя қилиб, мурожаатга жавобан ҳақиқатни аниқлаш ўрнига, талабалардан ким шикоят ёзганини аниқлашга уринмоқда.
Телефонлар йиғиб олинди, таҳдидлар қилинмоқда
Талабаларга кўра, ректор маслаҳатчиси Иззатулло улар билан учрашув ташкил қилиб, телефонларини йиғиб олган. У, шунингдек, талабаларни қўрқитиб, уларга босим ўтказган.
"Иззатулло бизга Элтуз порталини хорижий мамлакатлар билан боғлиқ, деб айтиб, мурожаатимизни сиёсий тусга киритиш билан таҳдид қилди. У бизга 'келажагингни куйдириб юбораман' деб айтди", — дейди талабалар.
Улар телефон олиб қўйилганлиги учун мазкур учрашув аудиосини ёза олишмаган.
Муаммо ҳал этилмаяпти, имтиҳонларда яна коррупция хавфи бор
Талабалар университет раҳбариятига бир неча бор шикоят қилган бўлишса-да, ҳанузгача Гавҳар Хидировага нисбатан ҳеч қандай чора кўрилмаган. Баъзи талабалар ўқитувчи университетдаги юқори лавозимлардаги қариндошлари сабабли жазодан қутулиб қолмоқда, деб ҳисобламоқда.
Ҳозирда якуний имтиҳонлар бошланган ва талабаларнинг маълум қилишича, Гавҳар Хидирова имтиҳонларда пора тўламаган талабаларга паст баҳо қўйиш билан таҳдид қилмоқда.
"Биздан мустақил ишни қабул қилиш учун 50,000—80,000 сўм олиш талаб қилинди. Энди якуний имтиҳонлар учун ҳам алоҳида сумма тўлашимиз шарт эканлиги айтилаяпти", — дейди мурожаат йўллаган талабалар.
Талабалардан мурожаат: "Бизга ёрдам беринг!"
Бухоро давлат университети иқтисод факультети талабалари қийин вазиятга тушиб қолганликларини таъкидлаб, оммавий ахборот воситалари ва юқори ташкилотлардан ёрдам сўрамоқда.
"Биз коррупцияга қарши курашда ёлғиз эмаслигимизни билишни истаймиз. Илтимос, мурожаатимиз давлат раҳбарларига етиб борсин!", — дейилади мурожаатда.
Талабаларнинг сўзларига кўра, ҳозирда улар имтиҳонлардан ўта олмаслик хавфи остида қолишган ва университет раҳбарияти бу ҳолатни ҳал қилиш ўрнига, уларни таҳдид остида ушлаб турибди.
Биз бу ҳолатни кузатиб боришда давом этамиз.
💬Telegram |📱Facebook |
🐦Twitter |📱Instagram | ▶️YouTube
Бухоро давлат университети иқтисод факультети талабалари ўқитувчи Гавҳар Хидирова томонидан имтиҳонлардан пул йиғилаётгани ҳақида мурожаат қилганларидан сўнг, университет раҳбарияти томонидан босимга учраётганликларини маълум қилишди.
Талабаларнинг Элтузга таъкидлашларича, университетнинг коррупцияга қарши курашиш департаменти бошлиғи Ёрқин ва ректор маслаҳатчиси Иззатулло Гавҳар Хидировани ҳимоя қилиб, мурожаатга жавобан ҳақиқатни аниқлаш ўрнига, талабалардан ким шикоят ёзганини аниқлашга уринмоқда.
Телефонлар йиғиб олинди, таҳдидлар қилинмоқда
Талабаларга кўра, ректор маслаҳатчиси Иззатулло улар билан учрашув ташкил қилиб, телефонларини йиғиб олган. У, шунингдек, талабаларни қўрқитиб, уларга босим ўтказган.
"Иззатулло бизга Элтуз порталини хорижий мамлакатлар билан боғлиқ, деб айтиб, мурожаатимизни сиёсий тусга киритиш билан таҳдид қилди. У бизга 'келажагингни куйдириб юбораман' деб айтди", — дейди талабалар.
Улар телефон олиб қўйилганлиги учун мазкур учрашув аудиосини ёза олишмаган.
Муаммо ҳал этилмаяпти, имтиҳонларда яна коррупция хавфи бор
Талабалар университет раҳбариятига бир неча бор шикоят қилган бўлишса-да, ҳанузгача Гавҳар Хидировага нисбатан ҳеч қандай чора кўрилмаган. Баъзи талабалар ўқитувчи университетдаги юқори лавозимлардаги қариндошлари сабабли жазодан қутулиб қолмоқда, деб ҳисобламоқда.
Ҳозирда якуний имтиҳонлар бошланган ва талабаларнинг маълум қилишича, Гавҳар Хидирова имтиҳонларда пора тўламаган талабаларга паст баҳо қўйиш билан таҳдид қилмоқда.
"Биздан мустақил ишни қабул қилиш учун 50,000—80,000 сўм олиш талаб қилинди. Энди якуний имтиҳонлар учун ҳам алоҳида сумма тўлашимиз шарт эканлиги айтилаяпти", — дейди мурожаат йўллаган талабалар.
Талабалардан мурожаат: "Бизга ёрдам беринг!"
Бухоро давлат университети иқтисод факультети талабалари қийин вазиятга тушиб қолганликларини таъкидлаб, оммавий ахборот воситалари ва юқори ташкилотлардан ёрдам сўрамоқда.
"Биз коррупцияга қарши курашда ёлғиз эмаслигимизни билишни истаймиз. Илтимос, мурожаатимиз давлат раҳбарларига етиб борсин!", — дейилади мурожаатда.
Талабаларнинг сўзларига кўра, ҳозирда улар имтиҳонлардан ўта олмаслик хавфи остида қолишган ва университет раҳбарияти бу ҳолатни ҳал қилиш ўрнига, уларни таҳдид остида ушлаб турибди.
Биз бу ҳолатни кузатиб боришда давом этамиз.
💬Telegram |📱Facebook |
🐦Twitter |📱Instagram | ▶️YouTube