#subyektiv #kitob
Aktyor O’lmas Temurning mana shu ikkita videosi juda mashhur bo’lib ketdi, men bu fikrlarga umuman qo’shilmayman. To’g’risi u aytgan asarlarning hech birini o’qimaganman. Lekin, mazmunan nima demoqchilikini tushundim, chunki badiiy bo’yoqlari kam, qahramonlar faqat oq va qoraga ajratilgan bir ikkita asarlarni o’qiganman. Turk adabiyotida mana shunaqa yengil asarlar ko’pligini va ularni Turkiyaning o’zida ham o’qimasliklarini bilaman. Men albatta bu sohada mutaxassis emasman, lekin bu yigitning fikrlarini ayniqsa berayotgan xulosasi xato deb bilaman.
Birinchidan, badiiy asar tanlash ham musiqa tinglash yoki film ko’rishga o’xshaydi, har kimning o’z sevimli janri bor. Ko’ngil va did uzrli - kimningdir tanlovi boshqacha bo’lgani uchun uni kamsitish, yoki o’zini boshqalardan ustun qo’yish kerak emas. Qolaversa, bunday asarlar o’qilishi oson bo’lgani uchun kitob o’qishni endi boshlayotganlar uchun ayni muddao. Odat shakllanib olgach, balki murakkabroq asarlarga ham o’tishar. Bu haqida Xayrulla Hamidov juda zo’r intervyu bergandi.
Ikkinchidan, har qanday materialni tanqid qilish va uni ta’qiqlanishini targ’ib qilishning farqi bor. Hech qanday asar, agar unda noqonuniy materiallar bo’lmasa, ta’qiqlanmasligi kerak. Senzura hech qachon yechim emas, chunki bugun “saviyasizligi” uchun bir kitob ta’qiqlansa ertaga boshqa sabab bilan kitoblar ta’qiqqa tushishi mumkin. Agar asar rostdan ham juda yomon va saviyasiz bo’lsa unga talab keskin tushib ketadi va bozorning o’zi uni keraksiz qilib qoʻyadi, buning uchun hech qanday cheklov shart emas.
Eng muhimi, kitob o’qing, qanaqa janrdagini o’qish esa o’zingizga bog’liq. Boshqalarning tanlovini esa doim hurmat qiling, unutmang kitob sizni aqlliroq qilishi mumkin lekin hech qachon boshqalardan ustun qilib qo’ymaydi.
@diyorbekegamovblog
Aktyor O’lmas Temurning mana shu ikkita videosi juda mashhur bo’lib ketdi, men bu fikrlarga umuman qo’shilmayman. To’g’risi u aytgan asarlarning hech birini o’qimaganman. Lekin, mazmunan nima demoqchilikini tushundim, chunki badiiy bo’yoqlari kam, qahramonlar faqat oq va qoraga ajratilgan bir ikkita asarlarni o’qiganman. Turk adabiyotida mana shunaqa yengil asarlar ko’pligini va ularni Turkiyaning o’zida ham o’qimasliklarini bilaman. Men albatta bu sohada mutaxassis emasman, lekin bu yigitning fikrlarini ayniqsa berayotgan xulosasi xato deb bilaman.
Birinchidan, badiiy asar tanlash ham musiqa tinglash yoki film ko’rishga o’xshaydi, har kimning o’z sevimli janri bor. Ko’ngil va did uzrli - kimningdir tanlovi boshqacha bo’lgani uchun uni kamsitish, yoki o’zini boshqalardan ustun qo’yish kerak emas. Qolaversa, bunday asarlar o’qilishi oson bo’lgani uchun kitob o’qishni endi boshlayotganlar uchun ayni muddao. Odat shakllanib olgach, balki murakkabroq asarlarga ham o’tishar. Bu haqida Xayrulla Hamidov juda zo’r intervyu bergandi.
Ikkinchidan, har qanday materialni tanqid qilish va uni ta’qiqlanishini targ’ib qilishning farqi bor. Hech qanday asar, agar unda noqonuniy materiallar bo’lmasa, ta’qiqlanmasligi kerak. Senzura hech qachon yechim emas, chunki bugun “saviyasizligi” uchun bir kitob ta’qiqlansa ertaga boshqa sabab bilan kitoblar ta’qiqqa tushishi mumkin. Agar asar rostdan ham juda yomon va saviyasiz bo’lsa unga talab keskin tushib ketadi va bozorning o’zi uni keraksiz qilib qoʻyadi, buning uchun hech qanday cheklov shart emas.
Eng muhimi, kitob o’qing, qanaqa janrdagini o’qish esa o’zingizga bog’liq. Boshqalarning tanlovini esa doim hurmat qiling, unutmang kitob sizni aqlliroq qilishi mumkin lekin hech qachon boshqalardan ustun qilib qo’ymaydi.
@diyorbekegamovblog