Diyorbek Egamov

#habit

Yangi yilda yaxshi bir odat shakllantirmoqchiman. Ya’ni oʻqigan kitoblarimga oʻzim uchun kichkina taqrizchalar yozib borishni niyat qildim. Shularni kanalga ham joylashga qaror qildim; balki kimdadir shu asarni oʻqishga qiziqish uyg’onar, yoki oʻqigan insonlar boʻlsa fikr almashishga yordam berar, degan umidda. Bugun 2025- yilgi oʻqigan birinchi kitobim, jadidchilik harakati asoschisi Ismoil Gaspiralining “ Dorur-rohat musulmonlari” asari bilan boshlaymiz. Nasib qilsa har oy 2-3 ta shunday taqrizlar yozib borishni niyat qildim.

@diyorbekegamovblog

#hayotiy

I have been preparing for 2025 for a year. This comeback is going to be personal. May this coming year be beneficial to all of us.

@diyorbekegamovblog

#quote

“A cat that dreams of becoming a lion must lose its appetite for rats.”
- African Proverb

@diyorbekegamovblog

#subyektiv #long_read

Pulning ahamiyati haqida

Yaqin-yaqingacha jamiyatimizda nimagadir boylardan nafratlanib kelingan. Maqollarda, filmlar, kliplarimizda, hatto ertak-u latifalarimizda ham boylar ziqna va zolim qilib ko'rsatilgan. Bu albatta katta xato boʻlgan, hozirgi kunda esa buning teskarisi boʻlib yana bir xatoga yoʻl qoʻyayotgandekmiz. So'nggi yillarda boy bo'lish ortiqcha romantizatsiya qilinayotgandek, ayniqsa bizning avlod orasida. Albatta, kapitalizmda pulning ahamiyati katta bo'lishi tabiiy, ayniqsa dunyo rivojlangani sayin pulga ayirboshlash mumkin bo'lgan tovarlar va xizmatlar oshib boradi. Ammo, bizning jamiyatimiz ortiqcha materialist bo'lib borayotgandek tuyuladi menga, xuddiki boylik muvaffaqiyatli va baxtli hayotning yagona o'lchoviga aylanib qolgandek.

So'nggi paytlarda tezda boyib ketishga undaydigan o'yinlar, har xil biznes treyninglar juda ommalashib ketgani ham fikrimga isbot bo'ladi. Afsuski, bukmekerlik o'yinlari yurtimizda qonuniylashtirildi, odamlarimizning hozirgi birdan boyib ketish kayfiyatidaligida bu qarorning oqibati yanada ayanchliroq bo'ladi deb qo'rqaman. Ijtimoiy tarmoqlarda ham Andrew Tate ga o'xshagan inflyuenserlarga yoki turk seriallardagi noreal hashamatli hayotga bo’lgan havas haddan tashqari ommalashgan. “ Avtobusda baxtli bo’lgandan, Mercedes da baxtsiz boʻlgan yaxshiroq” kabi g’alati gaplar urfga aylangan.

Afsuski, bu holat faqat ijtimoiy tarmoqlardamas. Kundalik hayotda ham insonlarning muvaffaqiyatini o’z sohasidagi ishlari bilan emas topayotgan puli bilan o’lchashga harakat qilishadi. “ Yaxshi oilaga quda bo’lish kerak” iborasida ham yaxshi oila deganda e’tiqodli, jamiyatga foydali va namunali oilanimas aynan boy oila tushuniladi. Eng yomoni boy bo’lish noqonuniy ishlar qilishga ham imkon berishiga ishonishadi.

Albatta, moliyaviy erkinlik farovon hayot uchun juda muhim. Lekin, boy boʻlish marra emas shunchaki orzularga yetishdagi bir vosita bo’lishi kerak, nazarimda. Puldan muhim narsalar talaygina: sog’lik, yaqinlar, e’tiqod, qadriyatlar va hkz.

Menimcha, baxtsiz insonga boylik ham tatimaydi: avtobusda yig’laysanmi, mersedesdami nima farqi bor, to’g’rimi?
Har holda hozircha shunday fikrdaman, balki mersedes olsam fikrim o’zgarar)

@diyorbekegamovblog

#quote

What are you afraid of losing, when nothing in the world actually belongs to you.
– Marcus Aurelius

@diyorbekegamovblog

#hayotiy

I feel like Mbappe nowadays. I had very high expectations on myself, on my university life. My close people believed in me. In reality, I can’t even score penalties anymore.

@diyorbekegamovblog

#kuzatuv #subyektiv

Mana shu postni o’qib bir voqeani esladim. Adashmasam, 7-sinf edik, adabiyot fanida ustozimiz o’quvchilardan bir asar qahramoniga ta’rif berishimizni so’ragandi. Bir sinfdoshim javobini “ Falonchi yomon odam...” deb boshlaganda ustozimiz uni to’xtatib, bir muhim gapni aytgandi:

Insonlarga nisbatan yaxshi yoki yomon sifatlarini ishlatib bo'lmaydi. Agarda o'sha qahramon senda yomon taassurot qoldirgan bo'lsa, shu fikrga kelishingga sabab bo'lgan sifatlarini aytishing kerak edi, masalan hasadgo'ylik, baxillik, berahmlik va hkz...

Darhaqiqat, yaxshi yoki yomon insonlar bo'lmaydi, yaxshi yoki yomon odatlar va amallar bo'ladi. Biz yaxshi odam deganda ko'p yaxshi odatlarni o'zida jamlagan, lekin kichik nuqsonlarga ega odamni nazarda tutamiz, xolos. Mutlaq yaxshi yoki mutlaq yomon odamlarni faqat hind va o'zbek kinolaridan topish mumkin.

@diyorbekegamovblog

#kuzatuv

Stereotip juda qiziq narsa. O’zbekistondagi ba'zi tanishlarim hazil aralash " amerikaliklar rostdan ham bilimsiz bo'ladimi? geografiyadan hech nima bilishmaydimi?” deb so'rab qolishadi. Bu yerliklar bilan suhbatda chetda o’qiydigan o'zbekistonliklar haqida aytsam " qizlar ham o'qiydimi yoki faqat yigitlarmi? “ deb so'rashadi...

Mediani kuchi biz o’ylaganimizdan ancha katta.

@diyorbekegamovblog

#hayotiy

Hayot juda tez o’tib ketyapti, kechagina 2016-yil edi. Keyin, Trump prezident bo’ldi va keyingi saylovda yutqazdi. Orada, dunyoda karantin, urushlar sodir bo’ldi. Kecha Trump yana saylovlarda g’olib bo’ldi, lekin Barselona hali YeCHL ni yutgani yo’q)


@diyorbekegamovblog

#long_read #free_palestine

Kuchga tayanmagan adolat zaif, adolatga tayanmagan kuch esa zolimdir.

So’nggi voqealardan keyin shuni tushunib yetdimki, to’g’ri yo’lda bo’lishlikning o’zi yetarli emas ekan, yetarlicha kuchli bo’lish ham kerak ekan.

2022- yil Rossiya Ukrainaga bostirib kirgach, Ilon Mask o’zining Starlink kompaniyasi( Sun’iy yo’ldoshlar yordamida internetni ta’minlovchi tizim, urushdan zarar ko’rgan joylar uchun ayni muddao) Ukrainada internet aloqasini qayta tiklashini va bu orqali ularga yordam berishini e’lon qilgandi. Shundan keyin u asrimizning eng muvaffaqiyatli va muhim insonlaridan biri hamda yaxshilik homiysi sifatida ko’rila boshlandi.

Keyinroq, Isroil G’azodagi genotsidini kuchaytirib, jurnalistlarni o’ldirish va infrastrukturani yoʻq qilish orqali mintaqani dunyodan to’liq uzib qo’ydi. G’azo ahli bilan aloqani tiklash va Isroil armiyasining vaxshiyliklarini dunyoga ko’rsatish maqsadida faollar Ilon Maskdan Ukrainadagi ishini takrorlashni so’rashdi. Mask esa aksincha, Isroil bosh vaziri Netanyahu bilan uchrashib, bu urushda ular haqligini va isroilliklar jabr ko’rayotganini ta’kidladi. Tadbirkor egalik qiladigan va eng katta yangiliklar platformasi hisoblanadigan Tvitterda ham Falastin xayrihohlariga nisbatan adolatsizliklar davom etyapti.

Aslida, bu kabi ikkiyuzlamachiliklar g’arb uchun yangilik emas, deyarli barcha yangilik nashrlari, siyosatchilar Isroil qirg’inini oqlashda va jinoyatga teng sherik bo’lishda bir-biridan qolishmayapti. Meni qayg’uga solgan jihat esa asl adolat tarafdorlarining qo’lidan deyarli hech narsa kelmayotganida, hatto boykotni ham eplolmayapmiz.

Bu genotsidni qo’llayotganlar shubhasiz zolimdirlar. Ammo biz adolat tarafida bo’lsak ham, hozircha ojizmiz. Agarda, o’sha Starlinkni bizlardan kimdir ixtiro qilganda va bizning dunyo iqtisodi, mediasidagi ta’sirimiz kuchliroq bo’lganda balki hozir barchasi boshqacha bo’lardi.

Ammo, Falastin qachondir albatta ozod bo’ladi. Chunki, haqiqat kuchli yoki ojiz tomonida emas, Haq tarafida bo’ladi.

@diyorbekegamovblog