Dilnura Madaminova | kitobxonlik tomon

Абдулла Орипов 1941 йил 21 мартда Қашқадарё вилояти, Косон туманига қарашли Некўз қишлоғида туғилди. У 1958 йилда орта мактабни ,,Олтин медал” билан битирди.  Шу йили ТошДУ нинг филология факултетига ўқишга кирди.  1963 йилда ўқишни имтиёзли диплом билан  тугатиб, "Ёш гвардия" нашриётига муҳаррир  бўлиб ишга кирди. 1967-1974 йилларда  ,"Ғофур Ғулом" нашриётида муҳаррир сифатида фаолият юритди ва 1974-1976 йилларда ,,Шарқ юлдузи” журналининг назм бўлимини бошқарди. 1976-1982 йилларда Ёзувчилар уюшмасида адабий маслаҳатчи, 1982-1983 йилларда масул  котиб, 1983-1985 йилларда ,"Гулхан" журналининг бош муҳаррири, 1985 йилда Ўзбекистон Ёзувчилар уюшмаси котиби, 1988 йилда Ўзбекистон Республикаси  Муаллифлик ҳуқуқларини ҳимоя қилиш қўмитаси раиси лавозимларида фаолият юритди. 1996 йил март ойидан 2009 йил май ойига қадар Ўзбекистон Ёзувчилар уюшмаси раиси вазифасида ишлади. 1983 йилда ижодкорга Ҳамза номидаги Давлат мукофоти ҳамда  Ўзбекистон Халқ шоири унвони берилди. Абдулла Орипов 1994 йилда Алишер Навоий номли Давлат мукофоти, 1998 йилда Ўзбекистон Қаҳрамони унвони билан тақдирланди. Унинг илк китоби – “Митти юлдуз”  1965 йилда нашр этилган. “Кўзларим йўлингда” (1967), “Онажон” (1969), “Руҳим”, “Ўзбекистон” (1971), “Хотирот”, “Юртим шамоли” (1974), “Юзма-юз”, “Ҳайрат” (1979), “Нажот қалъаси” (1981), “Йиллар армони” (1983), “Ҳаж дафтари”, «Муножот» (1992), “Сайланма” (1996), “Дунё”, “Бедорлик”(1999), “Шоир юраги” (2003), “Эверест ва уммон” (2016) сингари шеърий китоблари нашр этилган.  Шоир озбек адабиётини қуйидаги достонлар билан бойитди: “Жаннатга йўл” (1978), “Ҳаким ва ажал”(1980), “Ранжком” (1988). Буюк Амир Темур А.Орипов қалби ва тафаккурини доимо толқинлантириб келди. Истиқлол шарофати туфайли бу даҳо қиёфани бутун мураккаблиги, улугворлиги билан, эркин, холис гавдалантириш имкониятига эга болди. Ана шундай ҳаракатлар самараси олароқ, 1996 йилда буюк шоир “Соҳибқирон” драмасини яратди.  Ушбу  шеърий драма республиканинг барча йирик театрларида саҳналаштирилди.  Шунингдек, “Эрк ҳаққи”, “Адолат офтоби”, “Ватан”, “Халқ”, “Темур” каби манзумалар ҳам Абдулла Орипов қаламига мансуб. Буюк ижодкор таржимачилик соҳасида ҳам баракали қалам тебратди: Алигери Дантенинг “Илоҳий комедия”си, А.Н.Некрасов, Л.Украинка, Т.Шевченко, Р.Ҳамзатов, Қ.Қулиев каби ижодкорларнинг асарлари шулар жумласидандир. Дантенинг “Илоҳий комедия” асари таржимаси  Италия ҳукумати томонидан этироф этилди.
     Абдулла Орипов Ўзбекистон Республикаси Давлат мадҳиясининг муаллифидир. Саккиз мингга яқин шерлар муаллифи болган ижодкорнинг 50 дан ортиқ китоблари нашр этилган. 
    Буюк шоир 2016 йил 5 ноябрда Хюстон шаҳридаги (АҚШ, Техас штати) касалхонада 75 ёшида вафот этди. Ижодкор “Чиғатой” қабристонида дафн этилган.