* * *

Boshginamga ag‘anagan, katta tog‘lar, alvido!
Men ketarman hasratlanib, ruhi sog‘lar, alvido!

Bu dunyoning sho‘r ishiga navnihollar tebraning,
Esliroq bir bog‘boni yo‘q qoldi bog‘lar, alvido!

Sayr vaqti bosh egmangiz go‘r ustimga jarrohdek,
Yuragimni yorgan bilan unda dog‘lar, alvido!

Siz kelguncha peshrov qilib ikki yuzlik umrini,
Jigarimni cho‘qib ketdi qora zog‘lar, alvido!

Ey, shoira, yorug‘ kunlar hayotingda oz ekan,
To o‘lguncha unutmaymiz, g‘amli chog‘lar, alvido!

© Asqar Qosim

@daydibadar