Daydibadar📌

You tubeda oʻzim kuzatadigan foydali kanallarni siz bilan baham koʻrmoqchiman)


🎗Nima gap – har xil soha vakillari bilan turli mavzuda, ochiqchasiga suhbat qilishadi.
🎗Xurmo – turli davlatlarning qiziqarli kontentlarini oʻzbek tiliga dublyaj qilishadi. Maslan, rus you tuberi Yan Toples. Aynan shu tarjimalar menga juda yoqadi va koʻplab bilimlar beradi.

🎗Jamshidxon Ziyoxonov – chet eldagi oʻzbeklar / talabalar bilan suhbat oʻtkazadi. Qayerga, qachon sayohat qilgan maʼqul, chet elda ishlash/oʻqish/yashash haqida intervyular.

Dedim: "Zanjir bordir..." Dedi: "boʻynimda".
Dedim: "O'lim bordir..." Dedi: "Yo'limda".
Dedim: "Bilakuzuk?" Dedi: "Qoʻlimda".
Dedim: "Qo'rqarmisan?" U dedi: "Yo'q, yoʻq".

...

#mutolaa


Sahar vaqi ko‘rdim ko‘zim sultonini,
Dedim: “Sultonmisan?” U dedi: “Yo‘q, yo‘q”.
Ko‘zlari otashli, qo‘llar xinoli;
Dedim: “Cho‘lponmisan?” U dedi: “Yo‘q, yo‘q”.
Dedim: “Isming nedir?” Dedi: “Oyxondir”.
Dedim: “Yurting qay yer?” Dedi: “Turfondir”.
Dedim: “Boshingda ne?” Dedi: “Hijrondir”.
Dedim: “Hayronmisan?” U dedi: “Yo‘q, yo‘q”.
Dedim: “Oyga o‘xshar...” Dedi: “Yuzimmu?”
Dedim: “Yulduz kabi...” Dedi: “Ko‘zimmu?”
Dedim: “Yolqin sochar...” Dedi: “So‘zimmu?”
Dedim: “Vulqonmisan?” U dedi: “Yo‘q, yo‘q”.
Dedim: “Qiyiq nedir?” Dedi: “Qoshimdir”.
Dedim: “Qunduz nedir?” Dedi: “Sochimdir”.
Dedim: “O‘ng besh nedir?” Dedi: “Yoshimdir”.
Dedim: “Jononmisan?” U dedi: “Yo‘q, yo‘q”.
Dedim: “Dengiz nedir?” Dedi: “Dilimdir”.
Dedim: “Ra’no nedir?” Dedi: “Gulimdir”.
Dedim: “Shakar nedir?” Dedi: “Tilimdir”.
Dedim: “Bir totsaydim...” U dedi: “Yo‘q, yo‘q”.
Dedim: “Zanjir bordir...” Dedi: “Bo‘ynimda”.
Dedim: “O‘lim bordir...” Dedi: “Yo‘limda”.
Dedim: “Bilakuzuk?” Dedi: “Qo‘limda”.
Dedim: “Qo‘rqarmisan?” U dedi: “Yo‘q, yo‘q”.
Dedim: “Chin, qo‘rqmassan?” Dedi: “Tangrim bor”.
Dedim: “Yana ne bor? Dedi: “Xalqim bor”.
Dedim: “Yana bormu? Dedi: “Ruhim bor”.
Dedim: “Shukronmisan?” U dedi: “Yo‘q, yo‘q”.
Dedim: “Istak nedir?” Dedi: “Gulimdir”.
Dedim: “Kurashlar bor?” Dedi: “Yo‘limdir”.
Dedim: “O‘tkir kimdir?” Dedi: “Qulimdir”.
Dedim: “Sotarmisan?” U dedi: “Yo‘q, yo‘q”.

Hofizning ovozi hammani sehrladi. Ko‘zlardan otilgan yoshlar qaynoq edi. Ming yillarki, Yer yuzining gavhari bo‘lgan Vatan, insoniyatning eng mukammal pokiza xalqlaridan bo‘lgan Uyg‘urning dardi shu misralarda, shu ohanglarda butun olamga o‘t qo‘yishga qodir edi, go‘yo...

©Akrom Malik
Halqa 🔗

GOʻDAK FARYODI

Nega uxlab qolding jim?
Hali quyosh botgan yoʻq.
Tunmomojon, osmonga
Yulduzchalar otgan yoʻq.

Tur onajon,
Tur onam!
Choʻzilib tosh qotmasding!
Qancha horib, charchama,
Men uxlamay yotmasding.

Toʻshakchamdan bir qarich
tushsam,
Tortib qoʻyarding.
Yigʻlar boʻlsam koʻzlarim
Oʻpib, artib qoʻyarding.

Jon onajon,
Jon ona!!!
Ishtoncham hoʻl,
Qornim och.
Kimdir tutgan shirmoyni
Senga beray, koʻzing och!

Qoʻllaringni uqalab,
Yuzlarimga suraman.
Sal qimirla, boshingga
Yostiq boʻlib turaman .

Tur onajon!
Hech goʻdak mustar boʻlib kutmasin!
Uygʻonmasang, dunyoni
Qiyomatlar yutmasin!

Kim suratga olib jim,
Kim qopib, kim aljirar.
Ertaklardan tirilib.
Keldimikin boʻjilar?

Kimdir turtib, kim boya
Tepib oʻtdi bilmading.
Aybimiz ne?
Birovga -
Hech yomonlik qilmovding....

Jilmayarding chiroyli,
Turgin ona, kulib tur!
Yugurtirmay mayliga,
Qimirlab tur, yurib tur!

Oq sut bergan koʻkraging,
Muzlamasdi bunchalik.
Eslamading emsam ham,
Unutdingmi shunchalik?!

Turgin ona,
Tur ona!
Bilakchamga kuch boʻlgin!
Mehring darigʻ tutmagin,
Yurakchamga kuch boʻlgin!

Uygʻon ona!
Jon onam,
Alla aytib alqab tur!
Yovga kuchim yetguncha
Polvonim deb, maqtab tur!

Uygʻon ona!
Mayliga,
Urishib tur, urib tur!
Ertak aytma, sheʼr aytma,
Qoʻshiq aytma! Kulib tur!

“Bolajonim” der eding,
Katta boʻlay, koʻr ona!
Shirinsoʻzim, hammadan,
Faqat oʻzing zoʻr ona!

...Afsus! Ancha narsaga
Aqlim yetib turibdi...
Uygʻonmasang, qay qismat
Meni kutib turibdi?

“Hazillashdim” desangchi,
Lol qoldirib olamni.
-Bermayman! -de, hech kimga
—Erkatoyim, bolamni...

Tur onajon!
Tur ona!
Qalqib turgin, qaytib tur!
Qara, quyosh qon qusdi,
Sen oʻrniga balqib tur!!!

Osmon katta, yer katta
Hammaga joy bor, ona!
Togʻlar siqqan, oy siqqan
Dunyosida qol, ona!

Tur onajon!
Tur ona!

Muazzam Ibrohimova
2014y.

#iqtibos

Qalb soʻzining lugʻaviy maʼnosi ham aylanib, oʻzgarib turuvchi degan maʼnoni anglatadi.

#mutolaa

Onam meni chindan ham yaxshi koʻrardi. Bir oʻzim ishlashimga rozi boʻlmadi, dalada men bilan birga mehnat qila boshladi. Biroq, u qari edi, oyoqlari ishlagani qoʻymasdi. Yerga egilsa, qaddini rostlab olish uchun ancha vaqt kerak boʻlardi. Bir marta dalada: "Ona boʻldi, boring uyga", dedim. U boʻlsa, boshini chayqab, "Arg'amchiga qil mador, oʻgʻlim", dedi.


©Yashamoq🌱
Yuy Xua

Arg'amchiga qil mador...

@daydibadar

Stendalning "Qizil va qora" sini oʻqiganmisiz?

Men oʻqiganman. 16 yoshimda.
Baloniyam tushunmaganman lekin😅
Esimda qolgani Jyulen tegirmonchining nozikkina oʻgʻli edi, avvalo oʻzi xizmatchilik qilgan uyning nechtadir ham bolasi bor xonimini sevib qoladi, keyin Matilda ismli qizni sevib qoladi. Voqealar rivoji esimda vale qanday xulosa olganim esimda yoʻq.

Odamzodning tuygʻulari chalkash va oʻzgaruvchan

Vaqt topsam, birr oʻqib chiqaman, nasib)

Seving...

#mutolaa

Oʻzingni baxtli his etsang, kambagʻal boʻlish uyat emas.


Yashamoq🌱

Koʻz yoshlarga gʻarq qilgan asar...

©Yuy Xua

Nido bergil qaydasan, sharpangga quloq tutdim.
Sirli tushlar koʻrib men bor dunyoni unutdim.
Tongda turib nomingga ushbu she'rimni bitdim,
Dildagi ohim mening birinchi muhabbatim,
Yolgʻiz Ollohim mening, birinchi muhabbatim.

©Abdulla Oripov

***
Ozodaga

Qo‘shtepa,
ko‘chalar olmali, qushli,
Erta kirib kelar, kuz – sohibjamol.
Har doimgidan ham esmoqda kuchli,
Demak, sochlaringni sog‘ingan shamol!

Kuylagim kelyapti, tevarak jimdir…

So‘zingni hijjalab etaman tafsir,
O‘zgarib ketadi butunlay tarhim,
Men – shoirman, suyun batafsil,
Men – shoirman, baxtingga qarshi.

Cheti uchib ketgan ko‘nglimni sindir…

Tasbehli qo‘llarda uzatilar may,
Bir qultum ichmayman, va’dami, va’da.
Masjiddan chiqaman ibodat qilmay,
Kechir, qo‘llaringni qaytardim, qadah!

Yig‘lagan men emas, rubobdir, simdir...

Chekinma, men cho‘kdim chekingan sari,
Necha yil men sorig‘ o‘tdim bahordan.
Ishongin, qoshingga bir kecha g‘arib,
Ishongin, qoshingga ulug‘ shahardan

Shaytonga gul otib, qaytadi kimdir...

✍Humoyun Fattoh

Sizlarga ham hayot rangsiz tuyiladimi?

Qop-qora devorga suyanib,
Yop-yorug' xayollar surasan..

Nasib qilmasa ketar qosh-u qovoqdan,
Nasib qilsa kelar Shom-u Iroqdan...