Davron Solijonov

Balki tayyor emasdurmiz?

Aleksandr Fleming penitsilin ni tasodifan, omadi kelib ixtiro qilgan deyishadi.

Mendeleyev davriy jadvalni birinchi tushida ko’rib keyin ixtiro qilgan deyishadi.

Vilgelm Rentgen rentgen nurlarini(X-ray) tasodifan, omadi kelib ixtiro qilgan deyishadi.

Bu «omadli ixtirolarni» bir narsa bog’lab turadi.

Fleming 20 yil mobaynida mikroblar va infeksiyalarni o’rganish ustida ishlagan.

Mendeleyev 10 yil davomida kimyoviy elementlarning xossalari va ular orasidagi bog’liqlikni o’rgangan.

Rentgen esa 20 yildan ortiq elektromagnit nurlanishni o’rgangan.

Ixtiro egalarining miyasiga «evrika» kelguncha ular juda ham uzoq yillar davomida ishlashgan.

Ular omadga tayyor turishgan.

Omad - bu tayyorgarlik va imkoniyatlar bir chorrahada uchrashishi.

Kimdirga juda katta omad kelganini ko’rdikmi?

Bilaylikki, 99,9% holatda u shu katta omadga tayyor turgan.

Biz kutgan katta omad kelmayaptimi?

Bilaylikki, biz u omadga hali tayyor emasdurmiz. Bir ishni uzoqroq vaqt qilaylik, shunda balkim biz ham 5-10 yildan keyin «evrika» deb baqirarmiz.

Barchasiga vaqt kerak.

@davronsolijonov

G'olib va mag'lub

G'olib bo'lganimizda negadir barchasiga o'zimiz erishganimizni sababchi qilamiz,
Mag'lub bo'lganimizda esa o'zimizdan boshqa hammani aybdor deb bilamiz.

Qachonki mag'ubiyatlarni doim o'zimizdan,g'oliblikni shunchaki qilgan mehnatimiz bir natijasi,Ota-Onamiz,Aka-Uka, Do'stlar,Ustozlar qo'llab quvvatlashi deb tan olsak,doim yutamiz.

Bahonalar ko'p,xozir to'lov qila olmaydigan arzon(balkim qimmat)foydali narsalarimiz,kelajakda xozirgidan juda qimmatroq narx evaziga sotib olishga majbur bo'lamiz.

Biz ,insonlar ko'z oldida maqtanish uchun emas,insonlar oldida ilmsizligimizdan xijolat tortganimiz, ko'proq bizga ta'sir qilishi kerak.
(Eng avvalo Robbimiz oldidagi burchimizni ado etish )

Har qanday G'oliblikning ortida to'lovlar turadi,to'lovlardan qochganlar G'olib bo'lmaydi,
G'oliblik biz o'ylaganday yengil yuk emas,kerak vaqtda chidab turib berish kerak,yengil ko'ringanlariga esa aldanmaslik kerak.

Insonga muammolar va extiyojlar beriladi,inson esa o'sha extiyojlarni bartaraf etish uchun harakat qiladi.

Nima muammongiz bor bo'lsa, o'sha joyni to'g'irlashga, o'zgartirishga harakat qiling,qochish bilan muammolar hal bo'lmaydi.

@davronsolijonov

Tanqidiy fikrlash/Reytinglar

O'z fikrlarimizni shubha ostiga qo'yishimiz kerakmi ?

Har qanday tanqidiy fikrlash darajasiga erishmoqchi bo'lganlar,o'zini,fikrlarini, bilimlarini savol ostiga qo'ya olishi,izlanishdan,haqiqiy bilimlarni noto'g'rilaridan ajrata oladigan darajaga chiqishi kerak.

Shunda dalillar asosida muammolarga to'g'ri yechim topa olamiz.

Bilamizki eng maxshur universitetlar Top reytingdagi o'rnini saqlash uchun yil davomida,turli xil dissertatsiyalar,ilmiy maqolalar,talabalar natijalari bilan o'z o'rinlarini saqlab turishadi.

Endi esa dunyo Top universitetlari o'zlarining talabalari o'rtasida reytingda kim o'zarlik (alochilar sindromi) paydo bo'lgani uchun, yuqori reytingga kirish fokusi ortidan bilimlar soxtalashishi ortganini seza boshlashdi va bu Universitetlarni Top reytingni ushlash maqsadi plankadan tusha boshladi.

Yuqori ballar,5 baho olish uchun o'qish asosiy o'lchov mezoniga,fokusiga aylanmasligi kerak.

Tanqidiy fikrlash bu joyda ishlashni boshlaydi.
•Nega bu bilim menga kerak,muhimlik darajasi qanday?
•Yuqori baho olish fan mazmunini qolganlardan yaxshiroq o'rganganimni beradimi o'zi?
•Olayotgan ma'lumotlarim haqiqatdan to'g'rimi?
•Qanchalik to'g'ri tushundim?

Bu yerda reyting va baholash sistemasi haqida umuman o'ylanmaydi.

Hamma Universitetlar balkim kelajakda baholash sistemasidan qutulib,o'rgangan bilimlar haqida gaplashishar.

Biz esa top1000 reytingga kirish uchun hali ham pul sarflab yotibmiz.Bilim olingan olinmagani asosiy maqsadimiz emas.

Top1000 reyting kirish uchun kriteriylarni bajargandan ko'ra haqiqiy bilim bilan tepaga chiqishimiz haqiqatga yaqinroq bo'lardi.

Ko'proq savollar bering, o'zingizga, atrofdagilarga, shundagina dalillarga asoslangan bilim paydo bo'ladi.

@davronsolijonov

Birorta fandan kurs o'qimoqchi bo'lsangiz(2-3-4 oylik ~)xozirdan plan qilib harakatni boshlaganingiz yaxshi.

Sababi institut Imtihonlaridan keyin,vaqtingiz bo'sh bo'ladi, bahorgi semestr yakunigacha kamida 1-1.5 ta fanni tugatasiz xozir boshlasangiz,yozda esa yana 1-1.5 ta o'qib qo'yasiz,kuzda ham 1-1.5 ta fan o'qigan bo'lasiz

Yil oxirigacha 3-5 tacha fundamental fanni mukammal o'qib qo'yish,yil oxirida qanday o'zgarishlar bo'lganini sezishga yordam beradi.

Vaqt borida o'qish kerak,yildan yilga sizga bog'liq va bog'liq bo'lmagan sabablar ortaveradi.U vaqtda esa xozirgidan 3-4 barobar ko'proq mehnat,chalg'ishlar bilan kurashasiz.
(Yuqori kurslar buni tasdiqlasa kerak,ayniqsa vaqtini asosiy qismini ishda o'tkazadiganlar)

Ps/ Mustaqil o'qishda balkim vaqt tejalib,bundan ham tez o'qirsiz,lekin ma'lumotlarni esdan chiqarish faktorlarini ham unutmang,hech bo'lmasa self study ma'lumotlarni kimgadir tushuntirib bering.
Konspekt eng muhim qism.

2024

O'tkan yili 30-dekabr kuni shu maqsadlarni yozib qo'ygandim.
Har safar uyga borganda o'zimga shularni eslatib turdim.

Ko'p narsa yozganman,ko'pini qila olsa bo'lar edi,lekin proksinatsiya/dangasalik sabab ulgurmadim.

Boshidan boshlasak:
•2-3 hafta o'zim(jamoasiz) Online darslar o'tib ko'rdim,lekin to'liq yo'lga qo'yolmadim,nasib bunga hali qaytaman ✅

• 3ta videodars yozib ko'rdim(1ta video Anatomiya Uz ga kanaliga qo'yildi 9K),Canva dasturi va turli xil Su'niy intellektlar orqali ishlashni o'rgandim.Nasib qilsa hali ko'p videolar bo'ladi.

•25ta kitob o'qiy olmadim(adashmasam 5ta o'qildi) , lekin bu yil tahminan 30 ta eng top filmlarni tomosha qildim(deyarli hammasi kitoblar asosida olingan)
Eng yaxshilari:
-Forrest Gamp/-Green mile/
-Saving private Ryan/-Showshank/
-Dune 1-2/-Spirited away
-Tafakkur o'yinlari/-Good Will Hunting/
-Inception/-The Godfather 1-2/
-One flew over the cuckoo's nest/
-Lord of rings 1-2-3/
Kitob darajasini bermasada, o'zim xohlagan ba'zi narsalarni oldim.

• Xalqaro darajadagi Doctor bo'lish uchun qadamlar - qisman USMLE sistemasi manbaalari orqali o'qish,xalqaro talaba/shifokorlarni kuzatish ✅

• Noutbuk olish(juda katta ishlar osonlashdi) ✅

•3ta Fundamental fanni tugatish( to'liq 3ta bo'lmadi)
-Biochemistry (100%)
-Pharmacology (70 % davom etyapti)
-Sistema: Endocrine/Pulmonologiya (100%) yana ba'zilari davom etyapti

Nasib qilsa 2025 yilda Patologiya Mikrobiologiya va Immunologiya tugatish qoldi.

•Xalqaro Olimpiyadada g'olib bo'lish(qatnashishni xohlamadim,sal keyinroq chiqishni niyat qildim)

•Ielts tayyorgarlik boshlashga ulgurmadim, tibbiyotni o'rganishni tanladim(nasib qilsa qolib ketmaydi)

• Sport bilan muntazam shug'ullanish uchun dangasalik qildim(Ko'p kasal bo'lganim menga turtki bo'ldi,endi muntazamlikni yo'lga qo'yaman)

• O'zim uchun Intizomli hayotni to'liq yo'lga qo'yolmadim, lekin atrofdagilarga shunday ko'rinadi.

•Shaxsiy rivojlanish faktorlari ko'p ekanligini bildim,xatolar qildim,bundan xulosa chiqardim.

• Qolgan maqsadlar/harakatlarni ham maksimal unutmaslikka harakat qildim,qanchadir qism o'xshadi bu yil.

2025-yilga boshqacha tomondan rejalar qo'yish kerakligini tushundim
-Endi amaliy qismga o'tish kerak,o'rgangan nimaiki bilim/ko'nikma bo'lsa.(Buni ChatGPT ham aytdi)

Yuqoridagi xulosalar aslida o'zim uchun,xotira uchun yozib qo'ydim, balkim bir necha yillardan so'ng, ishlarim to'g'ri yoki notog'ri bo'lganligini anglarman.

Sizda ham maqsadlar amalga oshgan bo'lgan bo'lsa pastda yozib qoldiring ⬇️

Ps/ Shu kanaldagi barchaga kelayotgan yilda o'zi istagan maqsadlarni amalga oshirish nasib qilsin.

#2024maqsad

Oxirgi daqiqalar

Hech birimiz hayotimiz poyoni qayergacha ekanligini bilmaymiz,lekin hamma narsani kutib yashaymiz

Ibn Umar roziyallohu anhu:
Tong orttirsang,kechni kutma,
Kechga kirsang,tongni kutma.

Lekin butun umr shu hayotni zoe qilish bilan o'tkazvoramiz,aslida buni kech anglasakda

Ustozim o'rgangan nimaiki bilim,mahoratlaring bo'lsa uni ishlatib ko'rmasanglar u yoki befoyda yoki to'liq fikrlash darajasiga chiqmagan degandi
Fikrlash darajasiga chiqmaguncha yodlashdan foyda yo'q ekan

Hayotimiz ham shunday,fikrlamasdan,yuzaki yashab yuraversak,umr poyonida afsuslanishdan boshqa narsa topmaymiz.

Hammamizni hayotimizda bizni to'g'ri va notog'ri yo'llarga,fikrlarga olib boradigan insonlar chiqadi.
Ularni ajrata olish,qaysi fikrga e'tibor berish bermaslikni ajratolmas ekanmiz,doimo qalbdagi,ongdagi urushni to'xtata olmaymiz.

Masalan quruq o'qishdan foyda yo'q, USMLE yoki tibbiyotdagi biron o'qish sistemasi bilan qayergacha borasan,undan ko'ra buni qilsang zo'r bo'lib ketasan,deydiganlar doim bo'ladi,sizni bosishga harakat qiladi.

O'zgarish uchun barcha ziyoli insonlar bilan suhbatlashasizmi,kitoblar,ilmga undovchi marafonlarda qatnashasizmi, qalbda bo'lmasa foyda bermaydi.

Xozir kimdir atrofdagilarga maqtanyotgandir qator natijalar bilan,o'zini rejalari bilan,sizning natijalaringiz,rejalaringiz insonlarga ko'rinmayotgandir, lekin sabr bilan ovoza qilmay yurganlaringiz,sizni haqiqiy yutuqga olib boradigan yo'l,xaqiqatdan shu yo'lda bo'lsangiz.

Ko'ringan yuzlar, so'zlar,natijalar yolg'onga to'la.

Har kunimiz futboldagi yutqazayotgan jamoaning oxirgi daqiqalardagi harakatiday bo'lishi kerak.

Bo'lmasa butun umrimiz aslida zulmatda o'tib ketgan bo'ladi.

16.12.2024
@davronsolijonov

Himmat

5,000 yil avval bilimlar faqat og'izdan og'izga o'tib tarqalgan,keyinroq papirus ixtiro qilindi,qoramollar terisiga ham yozildi,qog'oz yaratildi,kitob shakllari paydo bo'ldi.

584 yil oldin Gutenberg yozuv mashinasini ixtiro qildi.Kitoblar yozilishi osonlashdi.

124 yil avval radio,keyinchalik televizorlar ixtirosi davri boshlandi,bilim va ma'lumotlar olish,eshitish,video shaklda ko'rish boshlandi.

20-25 yil oldin internet davri kirib keldi,bilim olish deyarli tekin narsaga aylanishni boshlandi.

Xozir YouTube va internet saytlari,Suniy intellektlar orqali har qanday bilimlarni soniyalari ichida topish mumkin.

Lekin gap bilimni qanday usulda olishda emas edi.

Insonning xohishlarida edi.

Avvalari ilm qadri,kitoblarni topish uchun dunyo kezish kerak edi.

Xozir esa bunga talab yo'q,inson xohishlari esa o'zgardi.

Kitob o'qish dunyoqarashni o'zgartirish uchun eng yaxshi vosita edi.Xozir esa Reels titkilash kitob titkilashdan osonroq.

Bilimlar tekin bo'lgani sari,qadri ham pasayib boraveradi.

Nimalarni bilmasligini bilish,nimalarni bilishidan ko'ra muhimroqligini unutish boshlandi.

Xozir aytishim mumkin,bilim olish rostdan insonlarga qiyin bo'lishni boshladi.Sababi biz atrofdagi oqim bilan yashashimizda.

1% insonlar qatoriga kirish uchun kuchli iqtidor,tinmasdan ishlash emas,vaqtni to'g'ri taqsimlab,shunchaki qolganlar qilmaydigan ishlarni bajarishni o'zi kifoya.

-reels ko'rmaslik
-kechqurungi uyquni to'g'irlash
-bo'sh vaqtda yolg'iz qolish
-shirin gazli,spirtli ichimliklar,sigaretlarni yo'q qilish
-noto'g'ri deb bilgan barcha narsani bajarmaslik

Aslida xozirgiday bilim olish oson bo'lgan davrlar bo'lmagan, imkoniyatlar kelganda uni ushlab qoling.

Himmat baland bo'lsa,umr oxirigacha talaba sifatida yangi ilmlarni o'rganib ketavering.

O'zingizni uyingizgni mustahkam quring.Puflasa sinib, uchib ketmasin.

Ps/ O'ziga kerak narsasini qidirgan inson,izlanib albatta topadi,har qanday zamonda.

@davronsolijonov

Oson(0) va qiyin(1)

Ertalab soat 5da uyg'onish(1)
Kunni telefon bilan boshlash(0)

O'z kiyimlaringizni qo'lda yuvish(1)
Kiyimlarni mashinada yuvish(0)

O'zingiz ovqat tayyorlash(1)
Tayyor ovqat sotib olish(0)

YouTube dan videodarslar,kasbiy ko'nikmalar o'rganish(1)
Instagram story,reels ko'rish (0)

Maqtanish,yolg'on gapirish(0)
Amalda isbotlash,rostgo'ylik (1)

O'zini aybini tan olmaslik (0)
Aybni tushunib tan olish (1)

SMS yozish (0)
Telefon qilish (1)

Pul sarflash (0)
Pul topish (1)

Bitta soha va fanni yaxshi bilish,o'rganish(1)
Duch kelgan joydan gapirish,fikrlarda ma'no yo'qligi (0)

Dars olish(0)
Dars berish(1)

Har kimni tarbiya/farosati haqida gapirish(0)
O'z tarbiya/farosati haqida o'ylash(1)

Darsda jim o'tirish(0)
Darsdan foyda olib chiqish (1)

Qo'llab quvvatlash(1)
Tabriklash (0)

Orzular haqida o'ylash (0)
Maqsadni aniqlashtirish (1)

Maqsadli til o'rganish (1)
Shunchaki hamma o'rgangani uchun borish (0)

Boshlash (1)
Tugatish(1+1)
Tashlab ketish(0)

Postni oxirigacha o'qish(1)
Oxirigacha o'qimaslik(0)

Fikr bildirish(1+1)

@davronsolijonov

Gapirma,ko'rsatma,maqtanma

O'qigan(o'qiyotgan) kitoblarni,darslaringni ko'rsatma.Oxirigacha o'qimay qolishing mumkin.

Tavsiya berib tashlama,hammaga ham to'g'ri kelmasligi mumkin.

Yegan ovqatingni,borgan joylaringni qilgan ishlaringni o'zing bil.Tarmoqga joylama.Iloji boricha ijtimoiy tarmoqlarga kam kir,ishingga aloqasi bo'lmasa,rasm joylama.

Xulosalaring bilan bo'lishib tur,keyinchalik xato qilmaslik uchun.

Real xotiralarni ko'paytir.

2-3oyda hech qaysi fanni/ilmni to'liq o'zlashtira olmaysan turli xil kurslar ham mustaqil o'zing izlanganing kabi bo'lmaydi,ko'p kitoblar o'qigandan,1kitobni ko'p o'qiganing,uni oxirigacha tushunib olishing muhim.

Insonlarni o'ta yaqin ham o'ta uzoq ham olma.Muhimi soxta samimiy bo'lma.

Ota-onang va yaqinlaring bilan ko'proq maslahatlash, suhbatlash,ular yaxshiroq biladi seni.Nima xohlayotganingni to'g'ri tushuntir.

Ko'p yolg'on gapirma,seni ham aldashadi bir kun.

Xotirani yaxshilash uchun miyaga to'g'ri ma'lumotlar kiritishni ko'paytir.

Avtobus,taksi,leksiya,tanaffuslardan ham maksimal foydalan,vaqtga e'tiborli bo'l.Butun kunni foydasiz suhbatlarga qaratma.

Ps/ O'zimga eslatma va xulosalar.

9:23
04.11.2024
📍Sirdaryo-Toshkent yo'li.

@davronsolijonov

*Professor o'z ishlari bilan maqtanmasa,demak u haqiqiy daho yoki soxta.

*O'rganayotgan bilimlarimiz o'zimizgagina kerak,hech kimga bizni nimani o'rganganimiz aslida qiziq emas.

*Agar vaqtni to'g'ri taqsimlash kerak bo'lsa, ijtimoiy tarmoqlardagi vaqtlarni ko'rib chiqish kerak,har 5-10daqiqada bizni bezovta qiladigan xabarlar,asosiy ishdan miyani chalg'itadi.

*Haqiqiy hissiyotni his qilish uchun,real hayotda yashash kerak,o'z ishidan mamnun bo'lishi kerak.
3qavatli uyi bo'ladimi,2xonalimi farqi yo'q, ustaxonada kuni bo'yi qayiq yasab rohat ko'rayotgan bo'lsa, hech qachon u ishdan zerikmaydi.

*Miya uchun eng yaxshi ish o'zini biron nima bilan band qilish.
Proksinatorlar, miyasi dangasalar ham agar miya va tana uchun foydali va to'g'ri mashg'ulot topsa,miya doim shu narsada o'zini qulay his qilishni boshlaydi(ko'nikish)

Prokrastinatsiya qonuni:
Vazifa qanchalik uzoqroqqa qo'yilsa,uni boshlash ham shuncha qiyin bo'ladi

Prekrastinatsiya qonuni:
Vazifani muddatdan ertaroq bajarish,uni sifatsiz bo'lishiga, charchoq va stressga olib keladi.

Karlson qonuni:
Har qanday to'xtatilgan ish,3barobar ko'proq vaqtni oladi,3barobar charchoq hissi.

Dobberin qonuni
Vazifani bajarish uchun qancha ko'p vaqt bo'lsa, uni bajarish uchun shuncha kam vaqt qoladi.

Illich qonuni:
O'qish va ish soatlari ko'paygani sari,samaradorlik pasayib boradi.
(Ishga fokus pasayishi)

Yechim:
* Vazifani kichik bo'laklarga bo'lib har kuni bajarish
* Boshlashdan oldin 10daqiqa hech nima qilmaslik
* Tanaffus qilish, yaxshi dam olish
* Vazifalarni yolg'iz xonada ko'proq bajarish.(chalg'itadigan har qanday narsadan xoli bo'lish)
* Ko'pchilik bo'lgan joylarda,shunchaki chekkaroq ,tinchroq joyda o'z vazifalaringizni bajarish

Ps/ Qisqasi o'zingizni bilmaganga olib,o'z ishingizni bajarishingiz kerak.

@davronsolijonov

Inson barchasiga ko'nika oladi.
*To'qlik va ochlikka;
*Muvaffaqiyat ham qiyinchiliklar ham abadiy emasligiga;
*Boylik va kambag'allikka;

Bir narsa aniq-bugungi kunimiz qanday o'tayotgani kelajagimizni belgilab bermoqda.

O'zimizga savol berishimiz kerak.

Bugun yangi narsa o'rgandimmi?

Bugun do'stimni xafa qilib qo'ymadimmi,shu joyda uni ko'ngli og'rib qolmadimi?

Harakat qilayotgan maqsadim qanchalik real va unga yetishish yo'lida xato qilmayapmanmi?

Mendan shu soha professionali chiqadimi yoki yo'q ?

O'zimni tashqi tarafdan kuzatganimda uyalib qolmaymanmi?

Yolg'onlar soni oshib ketmadimi?

Men uchun borini bera oladiganlar uchun nima beryapman?

Xozir qilayotgan ishim,bajarayotgan vazifalarim menga qanchalik muhim va manfaatli ?

Noshukurlik qilib qo'ymadimmi, o'zimdagi bor narsadan maksimal o'zi foydalandimmi?

O'rgangan narsam bilan cheklanib qolishim kerakmi?

Yangi ilmlarni o'rganmasligimga sabab, qo'rquvmi,dangasalikmi,umrim shunchalik uzoqligidami?

Birovlarni meni hayotimga, ularni hayoti menga qiziqmi?

Nega oxirgi payt ko'p negativ tarafda fikrlab qo'ydim?

Vaqt qadri , barakasi haqida kitoblar o'qib, bloknotga qaydlar yozib qo'yib,o'zim unga amal qilmasligim, isrof qilishim to'g'rimi?

Rejalar meni chalg'ityaptimi,yoki sinov uchun muddat qo'ymaganim meni orqaga tortyaptimi?

15 daqiqa yolg'iz o'tirib ,o'zimizga savollarni bersak javoblarimizdan ko'nglimiz to'ladimi?

PS/ O'zingizga Javob bering.

@davronsolijonov