Mahzun ko‘zlaringga qarash ko‘p og‘ir,
Hech qachon ko‘z yoshi to‘kmagin, erkam.
Shuncha yig‘laganing kammidi axir?
Kulib yashamoqqa haqlisan sen ham!
Xayolimga chirmash soching jingalak,
Shaydo etmagandir keskir qoshing yo.
Ko‘nglimni ishqida qilgandir halak,
Sendagi ma’sumlik, odob va hayo...
Tuyg‘uni sotguvchi bozorlar ko‘pdir,
Insonning umrini sinar har bir dard.
Dunyoda aziyat, ozorlar ko‘pdir,
Ammo sen ko‘z yoshi to‘kmasliging shart.
O‘zimni kechira olmayman, dildor,
Men ham sug‘urganman kiprigingdan yosh.
Hamma og‘riqlarni qilurman tor-mor,
Faqat yig‘lashingga berolmam bardosh.
Qachon to‘ygan o‘zi, ko‘z yoshga ochun?!
Bas. Yetar! Qalbingga yo‘latmagin g‘am.
Yoshingni asrab qo‘y, oldinda – u kun,
Men hali tirikman, tirikman... erkam!
© Alibek Anvariy
- @ch_k_t
Hech qachon ko‘z yoshi to‘kmagin, erkam.
Shuncha yig‘laganing kammidi axir?
Kulib yashamoqqa haqlisan sen ham!
Xayolimga chirmash soching jingalak,
Shaydo etmagandir keskir qoshing yo.
Ko‘nglimni ishqida qilgandir halak,
Sendagi ma’sumlik, odob va hayo...
Tuyg‘uni sotguvchi bozorlar ko‘pdir,
Insonning umrini sinar har bir dard.
Dunyoda aziyat, ozorlar ko‘pdir,
Ammo sen ko‘z yoshi to‘kmasliging shart.
O‘zimni kechira olmayman, dildor,
Men ham sug‘urganman kiprigingdan yosh.
Hamma og‘riqlarni qilurman tor-mor,
Faqat yig‘lashingga berolmam bardosh.
Qachon to‘ygan o‘zi, ko‘z yoshga ochun?!
Bas. Yetar! Qalbingga yo‘latmagin g‘am.
Yoshingni asrab qo‘y, oldinda – u kun,
Men hali tirikman, tirikman... erkam!
© Alibek Anvariy
- @ch_k_t