Toronto aeroportidagi hodisaga ob-havo sabab bo‘lgan bo‘lishi mumkin
Delta Air Lines aviakompaniyasiga tegishli samolyot bortida 80 nafar yo‘lovchi va ekipaj a’zolari bilan 17-fevral, dushanba kuni Toronto Pirsan xalqaro aeroportiga qo‘nish vaqtida ag‘darilib ketdi. Bu vaqtda qattiq shamol va qor bo‘roni kuzatilgan edi.
Aviakompaniya bayonotida aytilishicha, samolyot Endeavour Air aviakompaniyasining 4819-reysini Minneapolis/Sent-Paul shahridan amalga oshirgan. Endeavour Air – Delta aviakompaniyasining sho‘ba korxonasi bo‘lib, Minneapolisda joylashgan.
Dastlabki ma’lumotlarga ko‘ra, halok bo‘lganlar yo‘q, biroq bir nechta yo‘lovchilar (18 ta) jarohat olib, mahalliy kasalxonalarga yetkazilgan. Ularning kamida biri bola bo‘lib, uning ahvoli og‘ir deb baholanmoqda.
Hozircha samolyotning ag‘darilib ketishiga nima sabab bo‘lgani aniq emas. Delta bergan ma’lumotlarga ko‘ra, hodisa sharqiy vaqt bilan soat 15:30 da (Toshkent vaqti bilan 01:30, seshanbada) sodir bo‘lgan.
AQSh Federal aviatsiya boshqarmasi (FAA) AQShdan Torontoga uchib chiqadigan barcha reyslarni vaqtincha to‘xtatganini e’lon qildi. Turli ijtimoiy tarmoqlarda e’lon qilingan foto va videolarda ag‘darilgan samolyot hamda uning atrofida yurgan odamlarni ko‘rish mumkin.
Weather.com meteorologlari ma’lumotlariga ko‘ra, Torontoda vaqt-vaqti bilan kuchli qor yog‘gan, shamol tezligi Ontario provinsiyasida sekundiga 17-22 metrga yetgan.
Bunga qadar aeroport ma’muriyati qor tozalash ishlari davom etayotganini ma’lum qilgan edi.
Bu hodisa AQShda oxirgi bir oy ichida sodir bo‘lgan to‘rtinchi yirik aviatsiya hodisasi bo‘ldi. 29-yanvar kuni mamlakat poytaxti yaqinida tijoriy yo‘lovchi samolyoti va harbiy vertolyot to‘qnashishi natijasida 67 kishi halok bo‘lgan. Oradan ikki kun o‘tib, Filadelfiyada tibbiy transport samolyoti halokatga uchrab, 7 kishi vafot etgan. Shuningdek, Alyaskada sodir bo‘lgan aviahalokatda 10 kishi hayotdan ko‘z yumgan.
Mazkur hodisaning aniq sabablari AQSh Federal aviatsiya boshqarmasi tomonidan olib boriladigan tergov yakunida aniqlanadi.
🔥🔥🔥🔥
Delta Air Lines aviakompaniyasiga tegishli samolyot bortida 80 nafar yo‘lovchi va ekipaj a’zolari bilan 17-fevral, dushanba kuni Toronto Pirsan xalqaro aeroportiga qo‘nish vaqtida ag‘darilib ketdi. Bu vaqtda qattiq shamol va qor bo‘roni kuzatilgan edi.
Aviakompaniya bayonotida aytilishicha, samolyot Endeavour Air aviakompaniyasining 4819-reysini Minneapolis/Sent-Paul shahridan amalga oshirgan. Endeavour Air – Delta aviakompaniyasining sho‘ba korxonasi bo‘lib, Minneapolisda joylashgan.
Dastlabki ma’lumotlarga ko‘ra, halok bo‘lganlar yo‘q, biroq bir nechta yo‘lovchilar (18 ta) jarohat olib, mahalliy kasalxonalarga yetkazilgan. Ularning kamida biri bola bo‘lib, uning ahvoli og‘ir deb baholanmoqda.
Hozircha samolyotning ag‘darilib ketishiga nima sabab bo‘lgani aniq emas. Delta bergan ma’lumotlarga ko‘ra, hodisa sharqiy vaqt bilan soat 15:30 da (Toshkent vaqti bilan 01:30, seshanbada) sodir bo‘lgan.
AQSh Federal aviatsiya boshqarmasi (FAA) AQShdan Torontoga uchib chiqadigan barcha reyslarni vaqtincha to‘xtatganini e’lon qildi. Turli ijtimoiy tarmoqlarda e’lon qilingan foto va videolarda ag‘darilgan samolyot hamda uning atrofida yurgan odamlarni ko‘rish mumkin.
Weather.com meteorologlari ma’lumotlariga ko‘ra, Torontoda vaqt-vaqti bilan kuchli qor yog‘gan, shamol tezligi Ontario provinsiyasida sekundiga 17-22 metrga yetgan.
Bunga qadar aeroport ma’muriyati qor tozalash ishlari davom etayotganini ma’lum qilgan edi.
Bu hodisa AQShda oxirgi bir oy ichida sodir bo‘lgan to‘rtinchi yirik aviatsiya hodisasi bo‘ldi. 29-yanvar kuni mamlakat poytaxti yaqinida tijoriy yo‘lovchi samolyoti va harbiy vertolyot to‘qnashishi natijasida 67 kishi halok bo‘lgan. Oradan ikki kun o‘tib, Filadelfiyada tibbiy transport samolyoti halokatga uchrab, 7 kishi vafot etgan. Shuningdek, Alyaskada sodir bo‘lgan aviahalokatda 10 kishi hayotdan ko‘z yumgan.
Mazkur hodisaning aniq sabablari AQSh Federal aviatsiya boshqarmasi tomonidan olib boriladigan tergov yakunida aniqlanadi.
🔥🔥🔥🔥