Gollandiyalik meteorologlar kuzatuvlar uchun ko‘ngillilarni (volontyor) jalb qilmoqda
Niderlandiya Qirollik Meteorologiya Instituti (KNMI) ob-havo kuzatuvlarini amalga oshirish uchun ko‘ngillilarni faol ravishda jalb qilmoqda. Ko‘ngilli kuzatuvchilar yog‘ingarchilik miqdorini o‘lchashda muhim rol o‘ynaydi. Ular har kuni o‘z bog‘ida yoki tabiatda ushbu o‘lchovlarni amalga oshiradi. Ko‘ngillilar to‘plagan ma’lumotlar KNMI tomonidan turli hududlardagi yog‘ingarchilik miqdori xaritalarini tuzishda qo‘llaniladi. Bu esa ob-havo prognozlarini tuzish va iqlim tadqiqotlarini olib borishda yordam beradi.
Tashkilot ma’lumotlariga ko‘ra, ko‘ngillilar oldin foydalanib kelgan qo‘lda ishlatiladigan yomg‘ir o‘lchagichlarning xizmat muddati tugagan. O‘lchov sifati kafolatlanishi uchun ular yangilanmoqda. Yangi yomg‘ir o‘lchagichlar Jahon Meteorologiya Tashkiloti (WMO) talablariga javob beradi va yanada qulayroq tuzilishga ega. Umuman olganda, ushbu yangilanish kuzatuvchilarga Niderlandiyadagi yog‘ingarchilik miqdori haqidagi qimmatli ma’lumotlarni yanada kengroq yig‘ishga imkon beradi.
KNMI eski va yangi qo‘lda ishlatiladigan yomg‘ir o‘lchagichlarini sinchkovlik bilan sinovdan o‘tkazdi. Shuningdek, keyingi 2 yil davomida 8 ta joyda ham eski, ham yangi yomg‘ir o‘lchagichlar yordamida o‘lchovlar olib boriladi va natijalar solishtiriladi. Bu KNMI ga yomg‘ir o‘lchagichlar orasidagi mumkin bo‘lgan farqlarni tushunish imkonini beradi.
Qo‘lda ishlatiladigan yomg‘ir o‘lchagich qor miqdorini ham aniq o‘lchaydi. Har kuni ertalab soat 9:00 dan oldin (yozda esa bir soat kechroq), 300 dan ortiq ko‘ngilli yomg‘ir o‘lchagichdan foydalanib, zarurat tug‘ilganda, chizg'ich yordamida qor qoplamining qalinligini ham o‘lchaydi. Shuningdek, ular do‘l yog‘gan-yog‘maganini ham qayd etadi. Ko‘ngillilar o‘z o‘lchov natijalarini har kuni raqamli formatda KNMI ga yuboradi.
@ceen_news
Niderlandiya Qirollik Meteorologiya Instituti (KNMI) ob-havo kuzatuvlarini amalga oshirish uchun ko‘ngillilarni faol ravishda jalb qilmoqda. Ko‘ngilli kuzatuvchilar yog‘ingarchilik miqdorini o‘lchashda muhim rol o‘ynaydi. Ular har kuni o‘z bog‘ida yoki tabiatda ushbu o‘lchovlarni amalga oshiradi. Ko‘ngillilar to‘plagan ma’lumotlar KNMI tomonidan turli hududlardagi yog‘ingarchilik miqdori xaritalarini tuzishda qo‘llaniladi. Bu esa ob-havo prognozlarini tuzish va iqlim tadqiqotlarini olib borishda yordam beradi.
Tashkilot ma’lumotlariga ko‘ra, ko‘ngillilar oldin foydalanib kelgan qo‘lda ishlatiladigan yomg‘ir o‘lchagichlarning xizmat muddati tugagan. O‘lchov sifati kafolatlanishi uchun ular yangilanmoqda. Yangi yomg‘ir o‘lchagichlar Jahon Meteorologiya Tashkiloti (WMO) talablariga javob beradi va yanada qulayroq tuzilishga ega. Umuman olganda, ushbu yangilanish kuzatuvchilarga Niderlandiyadagi yog‘ingarchilik miqdori haqidagi qimmatli ma’lumotlarni yanada kengroq yig‘ishga imkon beradi.
KNMI eski va yangi qo‘lda ishlatiladigan yomg‘ir o‘lchagichlarini sinchkovlik bilan sinovdan o‘tkazdi. Shuningdek, keyingi 2 yil davomida 8 ta joyda ham eski, ham yangi yomg‘ir o‘lchagichlar yordamida o‘lchovlar olib boriladi va natijalar solishtiriladi. Bu KNMI ga yomg‘ir o‘lchagichlar orasidagi mumkin bo‘lgan farqlarni tushunish imkonini beradi.
Qo‘lda ishlatiladigan yomg‘ir o‘lchagich qor miqdorini ham aniq o‘lchaydi. Har kuni ertalab soat 9:00 dan oldin (yozda esa bir soat kechroq), 300 dan ortiq ko‘ngilli yomg‘ir o‘lchagichdan foydalanib, zarurat tug‘ilganda, chizg'ich yordamida qor qoplamining qalinligini ham o‘lchaydi. Shuningdek, ular do‘l yog‘gan-yog‘maganini ham qayd etadi. Ko‘ngillilar o‘z o‘lchov natijalarini har kuni raqamli formatda KNMI ga yuboradi.
@ceen_news