Абдуахатова Хилола Бахтиёровна - РИОваРИАТМ невропатолог шифокори.

Канцерофобия: Қўрқув касалликка айланганда
Саратон кўрқувини енгиш - шифокор тавсиялари.

Канцерофобия — бу онкологик касаллик ривожланишидан ҳаддан ташқари қўрқиш бўлиб, беморнинг ҳаётида марказий ўринни эгаллайди. Бу ҳолат соматоформ ёки хавотирли бузилишларга тегишли бўлиб, кўпинча яққол намоён бўлувчи психовегетатив реакциялар билан бирга кечади.

Неврологик нуқтайи назардан, канцерофобия лимбик тизимнинг дисфункцияси ва симпатоадренал тизимнинг гиперфаоллиги натижасида шаклланади. Бу ўзгаришлар доимий хавотир ҳисси, тахикардия, уйқусизлик, зўриқиш бош оғриғи ва бошқа автоном дисфункция аломатларига олиб келади.

Нима учун канцерофобия ривожланади?

Унинг сабаблари қуйидагилар бўлиши мумкин:

Травматик воқеалар (яқин кишининг саратон туфайли вафоти);

Ўз танасидаги симптомларга ортиқча эътибор;

Руҳий таъсирчанлик ёки хавотирли шахс типи;

Тиббий маълумотларнинг етишмаслиги ёки нотўғри талқини.

Нима қилиш керак?

1. Мутахассисга мурожаат қилиш. Кўпинча беморлар чексиз текширувлардан ўтишни бошлайдилар, бу эса хавотирни янада кучайтиради. Ушбу доирани бузиш учун шифокор билан маслаҳатлашиш керак.

2. Нейропсихологик коррекция. Когнитив-хулқ-атвор терапияси усуллари ҳалокатли фикрларни ўзгартиришга ёрдам беради.

3. Дори-дармон билан даволаш. Агар хавотир ва вегетатив дисфункция кучли бўлса, тинчлантирувчи дори воситалари ёки антидепрессантлар  буюрилиши мумкин.

4. Ахборот манбаларини назорат қилиш. Онкология ҳақидаги шубҳали маълумотларни ўқишни чеклаш.

Канцерофобия оддий хавотир эмас, балки мураккаб ёндашувни талаб қилувчи ҳолатдир. Неврологлар ва психотерапевтлар беморнинг хотиржамлигини ва ҳаёт сифатиини қайта тиклашга ёрдам бера олади.
Соғлигингизни сақлаб қолиш учун ҳар бир инсон оддий, лекин самарали қоидаларга риоя қилиши зарур. Узоқ ва сифатли ҳаётнинг асоси соғлом турмуш тарзидир. Бу тўғри овқатланиш, мунтазам жисмоний машқлар ва уйқу режимини сақлашни ўз ичига олади. Фақат шу йўл билан организм тўлиқ тикланиш ва юкламаларни енгиш имкониятига эга бўлади.

Яна бир муҳим қадам — бу доимий равишда тиббий кўрикдан ўтиш. Ҳар олти ойда профилактика мақсадида соғлиқни текширтириш мумкин бўлган муаммоларни эрта босқичда аниқлашга ёрдам беради. Ахир касалликни даволашдан кўра унинг олдини олиш осонроқ ва енгилроқ.

Ўзингизни ва соғлигингизни асранг !

telegram | sayt | instagram