Bambini - Ota onalar uchun

Tanlash imkonini bering – bu juda muhim!

Hatto eng kichkina bola ham uning fikri ahamiyatli ekanini his qilishi kerak.

Oddiy narsalardan boshlang:
🟣Qaysi futbolkani kiyamiz – qizilmi yoki ko‘kimi?
🟣Uxlaguncha nima o‘qiymiz – quyoncha haqidagi ertakmi yoki mashinalar haqidagimi?

Bu orqali bolaning mustaqilligi va o‘ziga ishonchi rivojlanadi! 🌷

Yana tun... yana o‘sha bir xil holat. 😴

Aytishadi, bolalar qayerda iliqlik bo‘lsa, o‘sha yerga intiladi.
A dada-chi? U esa... qayerda pol bo‘lsa, o‘sha yerda uxlaydi! 😂

🌿 Onalikdagi hissiy charchoq: qanday tan olish va nima qilish kerak

Ona bo‘lish — bu sevgi, g‘amxo‘rlik va iliqlik.
Ammo shu bilan birga — bu charchoq, xavotir va “men hammasini qilishim kerak” degan bosim ham.

Agar onalik zavqi yo‘qolayotgandek tuyulsa, kuch qolmagan bo‘lsa — ehtimol siz hissiy charchash (emosional “yo‘nib ketish”) holatiga tushgansiz.

Qanday belgilar bo‘ladi?
— Doimiy charchoq, hatto uxlab turganingizdan keyin ham.
— “Men yaxshi ona emasman” degan his.
— Hech narsa quvontirmaydi, yolg‘izlik istagi ortadi.

Qanday yordam berish mumkin o‘zingizga?

🟣Yordam so‘rashdan uyalmang.
Turmush o‘rtog‘ingiz, buvingiz, dugonangiz — hech bo‘lmasa bir soatga bolani olib tursin. Bu oddiy va tabiiy ehtiyoj.

🟣“Ishlar tugagach” emas, balki hoziroq dam oling.
Charchoqni kutmang. 10 daqiqa sokinlik, choy va adyol bilan — kichik bo‘lsa ham boshlang.

🟣 Sizni to‘ldiradigan faoliyat bilan shug‘ullaning.
Bir oz yolg‘izlikda sayr, sevimli mashg‘ulot, yengil sport — faqat oila emas, sizning qalbingiz ham e’tiborga loyiq.

🟣G‘azab, charchoq va tinchlik istashi — tabiiy.
Ularni ichingizda bosmang. O‘zingizga ayting: “Ha, men charchadim — bu normal holat.”

Siz mukammal bo‘lishingiz shart emas. Chunki baxtli ona — bu baxtli bola degani.🌷

Qanday qilib bolani kutishni va sabrli bo‘lishni o‘rgatish mumkin?

Sabr — bu bola ulg‘aygani sari shakllanadigan ko‘nikma, tayyor tug‘ma fazilat emas.

🟣Sabr o‘yini o‘ynang.
Masalan, "sekundomer" o‘yini: “Keling, 5 soniyaga kutamiz!” deb ayting va vaqt tugagach maqtang. Sekin-sekin kutish vaqtini oshiring.

🟣O‘zingiz namunali bo‘ling.
Bolalar kattalarni kuzatib o‘rganishadi. Qanday qilib siz navbatda, transportda yoki kofe tayyor bo‘lishini sabr bilan kutayotganingizni ko‘rsinlar.

🟣Aniq tushuntiring.
“Qachon?” va “Nima uchun kutish kerak?” degan savollarga javob bering.
Masalan: “Men gapimni tugatganimdan keyin sen o‘ynaysan.”
Bu bola uchun aniq chegarani belgilaydi va kutish osonroq bo‘ladi.

Sabrni o‘rgatish — bu jarayon.
Muhimi – bosim emas, izchil izoh, rag‘bat va sevgi bilan o‘rgatish. 🌷

💌 Barcha onalarga eslatma:

Ba’zida charchashingiz, ikkilanishingiz, sabringiz tugashi mumkin — bu tabiiy holat. Ammo bolangiz uchun siz eng aziz, eng mehribon va eng ishonchli odamsiz.

Farzandingiz uchun eng yaxshi ona — bu sizsiz! ❤️

✨ Unutmang:
O‘zingizga g‘amxo‘rlik qilish — bu farzandingizga ham g‘amxo‘rlik qilishdir. Bir piyola choy iching, chuqur nafas oling, o‘zingizni xursand qiling. Siz ham dam olishga loyiqsiz.

Siz uddalayapsiz. Siz yolg‘iz emassiz.
Siz — ajoyib onasiz. 🤍

Qachon eng ko‘p charchagansiz? Yoki qachon faqat menda qiyinchilik deb o'ylagansiz va qanday yengansiz? Sizning hikoyangiz boshqa bir onaga kuch bag‘ishlashi mumkin. ⬇️

Farzandingiz kitob o‘qishni xohlamayaptimi?

Ko‘plab onalar shunday holatga duch kelishadi: "Kitoblarga umuman qiziqmayapti!"
Ammo xavotir olmang — kitobga muhabbatni bosim bilan emas, mehr bilan uyg‘otish mumkin.

1. O‘zingiz o‘qishni namuna qiling
Bolalar kattalardan o‘rnak oladi. O‘zingiz gazeta, kitob yoki retseptlarni o‘qiyotganingizni ko‘rsin.

2. Majburlamang — qiziqtiring
Ovozlar chiqarib, rollarga bo‘lib o‘qing. O‘rtada savollar bering. Har safar kitob — sarguzasht bo‘lsin.

3. Kitobni bola tanlasin
U qaysi kitobni, qachon va qayerda o‘qishni o‘zi tanlasin. Tanlov erkinligi — bu qiziqishning kaliti.

4. Kitobxonlik burchagi yarating
Yumshoq adyol, yostiqchalar, chiroyli yorug‘lik va sevimli kitoblar — bu kichkintoyingiz uchun iliq va xotirjam muhit yaratadi.

📖 Eng muhimi — bosim emas, iliqlik.
Muhabbatli muhitda bola o‘zi qiziqib kitobga intiladi.

Sizni uyizgizda kitob burchagi mavjudmi izohlarda o'z fikrlaringiz qoldiring ⬇️

Bola immunitetini mustahkamlovchi mahsulotlar (yoshga mos tavsiyalar)

6–12 oyliklar uchun:

🧡 Brokkoli (yaxshi pishirilgan, ezilgan): Antioksidant va S vitamini bilan boy.

🥕 Sabzi (bug‘da pishirilgan pyure): A vitamini manbai, immun hujayralarni faollashtiradi.

🎃 Qovoq: Beta-karotinga boy, yengil hazm bo‘ladi.

🍌 Banan: Oshqozon uchun yengil, B6 vitamini mavjud.

-------------------------------

1–2 yoshli bolalar uchun:

🍊 Sitrus mevalar (apelsin, mandarin – mayda bo‘laklarda): S vitamini yuqori, shamollashga qarshi.

🐓 Tovuq, 🐇 Quyon, 🐏 Qo'y, 😘 Baliq go'shti (pishirilgan, maydalangan): Protein manbai, immun hujayralar uchun kerakli.

-------------------------------

2–5 yoshli bolalar uchun:

🍓 Mevalar (qulupnay, ko‘k mevalar): Antioksidant va S vitaminiga boy.

🥚 Tuxum (Uy tuxumi) (to‘liq pishirilgan): Rux va selen, immunitetni qo‘llaydi.

🍯 Asal (1 yoshdan keyin): Tabiiy antiseptik, yo‘talga foydali.

🥬 Yaproqli ko‘katlar (ismaloq, rukkola, mikrozelen): A, C, E vitaminlariga boy.

🍽 Qachon qo‘shimcha ovqat boshlash kerak va qanday xatolardan saqlanish lozim?

Bu bizga eng ko'p tushadigan savollardan...

Qo‘shimcha ovqatni to‘g‘ri va o‘z vaqtida boshlash — bolaning sog‘lom va muvozanatli rivojlanishi uchun muhim qadamdir.

Qachon boshlash kerak? AAP va pediatrlar tavsiyasiga ko‘ra, 6 oylikdan boshlab qo‘shimcha ovqat kiritish mumkin. Bu vaqtda bolaning hazm va immun tizimi murakkabroq ovqatlarga moslasha boshlaydi.

Agar bola:

🟣Yordam bilan o‘tirsa,

🟣Yutish refleksi rivojlangan bo‘lsa (tili bilan ovqatni chiqarib tashlamasa),

🟣Ovqatga qiziqish bildirsa,

✅ bu – qo‘shimcha ovqatga tayyorligidan darak.

Xatolardan qanday saqlanish kerak?

🟣Bir vaqtning o‘zida bir nechta yangi ovqat bermang. Har bir yangi mahsulotdan keyin 3–5 kun kuting, bu allergiya yoki nojo‘ya ta’sirni aniqlashga yordam beradi.

🟣Ovqat silliq va pyure ko‘rinishida bo‘lishi kerak. Katta yoki qattiq bo‘laklar berishdan saqlaning — bola bo‘g‘ilib qolishi mumkin.

🟣Majburlamang! Bola rad etsa, bosim o‘tkazmang. Vaqt bering — bu yangi tajriba va bolaning o‘z ritmiga ko‘ra o‘rganadi.

Farzandingizning reaksiyalariga e’tibor bering, sabrli va sokin bo‘ling. Har bir bola o‘ziga xos — eng to‘g‘ri yondashuv sevgi va izchil kuzatuvdir.

🌿 Nega har kuni bolalar bilan sayr qilish muhim?

Kundalik ishlar orasida ba’zida eng oddiy, lekin eng muhim narsani unutamiz — toza havoda sayr qilishni.
Aslida bu oddiy ko‘rinadigan mashg‘ulot bola sog‘ligi va rivoji uchun juda katta ahamiyatga ega.

Har kungi sayrning foydalari:
🟣 Immunitetni mustahkamlaydi.
Bola harakatda bo‘ladi, toza havo bilan nafas oladi — natijada kamroq kasal bo‘ladi.

🟣 Motorika va muvozanatni rivojlantiradi.
Tepalikka chiqish, yugurish, to‘p o‘ynash — bular xona ichidagi mashg‘ulotlarga qaraganda ancha samaraliroq.

🟣 Uxlashi va ishtahasi yaxshilanadi.
Tashqaridagi harakatlar charchatadi va bola tinchroq uxlaydi, ishtaha ham ochiladi.

Qanday qilib sayrni odatga aylantirish mumkin?
🟣 Sayrni kundalik rejaga kiriting.
Har kuni aniq vaqt ajrating — bu majburiyat emas, bola uchun tabiiy ehtiyoj sifatida qarang.

🟣 Ob-havodan qo‘rqmang.
Yomg‘ir, qor — bu faqat kiyim masalasi. Tabiat har faslda bola uchun yangi tajriba manbai.

🟣 O‘yinlar rejalashtiring.
Masalan: "xazina qidirish", barg to‘plash, qushlarni kuzatish. Bola uchun sayr — sarguzasht bo‘lsin.

Har bir sayr — bolangizning sog‘lom va baxtli bolaligi uchun qo‘yilgan kichik, lekin muhim qadamdir.

🎓 Tarbiyada yondashuvlar: Montessori, Valdorf va an’anaviy tizim — qaysi biri sizga mos?

Har bir ona farzandi uchun eng yaxshisini xohlaydi.
Ammo qanday tarbiya usuli aynan sizning bolangizga mos kelishini qanday aniqlash mumkin?

Keling, oddiy misollar bilan tushunishga harakat qilamiz:

⏺️ Montessori — “Menga o‘zim qilishimga yordam ber”
Bu yondashuv bolani mustaqil harakat qilishga undaydi. Kamroq o‘yinchoq, ko‘proq erkinlik va tanlov.

✅ Qanday qo‘llash mumkin:
Bolangizga kurtkasini o‘zi tugmasini taqib ko‘rishga imkon bering yoki qaysi piyolada ichishni o‘zi tanlashiga ruxsat bering. Bu oddiy tanlovlar orqali u mustaqillikni o‘rganadi.

⏺️ Valdorf — Dunyoni o‘yin va ijod orqali anglash
Bu yondashuvda texnologiya cheklangan, e’tibor ertaklar, tabiat va qo‘lda yaratilgan ishlar orqali rivojlanishga qaratilgan.

✅ Qanday qo‘llash mumkin:
Multfilm qo‘yish o‘rniga, birga plastilindan hayvoncha yasang yoki ertak qahramonini birga chizing. Bu tasavvur va his-tuyg‘ularni rivojlantiradi.

⏺️ An’anaviy tizim — “Qanday aytilsa, shunday qil”
Qattiq tartib va aniq qoidalar asosidagi yondashuv. Maqsad — itoat va o‘rganish.

✅ Qanday qo‘llash mumkin:
“O‘yinchoqlarni yig‘amiz, keyin sayrga chiqamiz” kabi aniq chegaralarni belgilab qo‘ying. Bu bola uchun javobgarlikni shakllantiradi.

Xo‘sh, qaysi biri eng yaxshi?
Haqiqat shundaki — mukammal birgina usul yo‘q.
Siz bolangizga mos yondashuvni sinab ko‘rib, aralashtirib, o‘zingiz va oilaviy qadriyatlaringizga mos shaklni topishingiz mumkin. Muhimi — mehr, hurmat va sabr.

Bolalardagi “isterika” yoki injiqlik — bu yomon xulq emas. Bu bolaning o‘sish va his-tuyg‘ularni boshqarishni o‘rganish jarayonidagi tabiiy bosqichdir.

Bola hali o‘z hislarini qanday ifodalashni bilmaydi, shuning uchun bu vaziyatda katta odamning tinchligi va sabr-toqati uning uchun yo‘l ko‘rsatuvchi bo‘ladi.

💛 Avvalo, siz o‘zingizni tinchlantiring.
Chuqur nafas oling, ichingizdan 10 gacha sanang.
Eslang: Siz kattasiz va aynan sizning tinch munosabatingiz bola uchun namuna bo‘ladi: "Qanday holatda bo‘lsam ham, meni tushunadigan odam bor.

💛 Bolaning hissiyotini tan oling va nomlab bering.
“Men ko‘ryapman, sen xafa bo‘lding (yoki: g‘azablanding, ranjiding) — bu tabiiy.”
Bu so‘zlar bolaga: “Meni tushunishyapti”, degan hisni beradi va u tezroq tinchlanadi.

Masalan: “Sen bu o‘yinchoqni xohlayapsan, lekin hozir vaqt emas. Bu seni xafa qildi, men tushunaman.”

💛 Bolaga tanlov huquqini bering.
Vaziyat ustidan nazorat berish, hatto kichik tanlovlar ko‘rinishida bo‘lsa ham, bolani o‘zini ishonchli his qilishiga yordam beradi.
"Sen mana bu koftani kiyishni xohlaysanmi yoki boshqasini?"

Yoki: "Avval biroz dam olaylik, keyin bu haqida gaplashamiz, maylimi?"

Injiqlik – bu his-tuyg‘ularni boshqarish ko‘nikmasi yetarli bo‘lmaganining belgisi.
Bu holatda bolaning asabiylashuvi “noto‘g‘ri xatti-harakat” emas, balki yordamga chaqiruvdir. Biz esa unga yo‘l ko‘rsata olamiz — sabr, tinchlik va muhabbat bilan.

#motorika

🗳 Mayda motorikani rivojlantiruvchi oddiy, ammo foydali o‘yin

Bu oddiy va ijodiy o‘yin bolaning qo‘l-barmoqlarini faollashtiradi, diqqatini jamlaydi va mustaqil faoliyatga jalb etadi. Eng asosiysi — bolaning nutq rivojiga ham foyda beradi, chunki “Qo‘l – bu miyani tashqi ifodasi.”

Sizga kerak bo‘ladi:
✅ Bir parcha oziq-ovqat uchun ishlatiladigan folga qog‘oz
✅ Ichiga solish uchun xavfsiz kichik buyumlar – masalan: yirik loviya donasi, yumshoq shariklar, yog‘och tugmachalar yoki kattaroq to‘qimalar (bolangiz yoshiga qarab tanlang)

O‘yin qanday o‘ynaladi:
1️⃣ Folga varag‘iga kichik buyumlarni joylashtiring va uni shar shaklida yoping.
2️⃣ So‘ng bu “xazina”ni bolangizga bering va: “Keling, birga topamiz, nimalar yashiringan ekan?” – deb taklif qiling.
3️⃣ Bola folgani ochar ekan, barmoqlari bilan uni yirtadi, buklaydi, siqadi – bu har bir harakat motorikani kuchaytiradi.

Nega bu foydali?

Folga bilan ishlash paytida bola:

🤩 barmoqlarni mustahkamlab harakatlantiradi

🤩 diqqatini jamlaydi

🤩 sabr va qiziqish orqali mustaqil faoliyatga sho‘ng‘iydi

🤩 va eng muhimi — bu mayda harakatlar til va nutq rivojiga to‘g‘ridan-to‘g‘ri ta’sir qiladi

📌 Eslatma:
Agar bolangiz 1 yoshgacha bo‘lsa, faqat yirik va yutib yuborish xavfi yo‘q bo‘lgan buyumlardan foydalaning. 2 yoshdan keyin esa bu mashg‘ulotga murakkablik qo‘shish mumkin – masalan, har xil shakldagi buyumlar yashiring.

💪🏻 O‘ziga ishonch – farzandingiz kelajakdagi muvaffaqiyatlarining asosiy omillaridan biri.

💎 Bolani o‘zi bajara oladigan ishda ortiqcha yordam bermang. U ozgina harakat bilan uddalay oladigan vazifani o‘zi bajarsin.

Masalan: bolangiz o‘yinchoqlarini yig‘ayotganda, barchasini siz yig‘ib qo‘ymang – unga vaqt bering va faqat kerak bo‘lsa, yordam taklif qiling. Bu mustaqillikni mustahkamlaydi.

💎 Kattalar uchun arzimasdek tuyulgan harakatni ham qadrlang, uni maqtang. Chunki bola uchun bu katta qadam bo‘lishi mumkin.

Masalan: “Sen paypoqni o‘zing kiydingmi? Ajoyib! Juda urinibsan, rahmat!” – deb samimiy minnatdorchilik bildiring.

💎 Bolaning gaplariga va harakatlariga befarq bo‘lmang. Unga quloq tutmasangiz, vaqt o‘tib o‘z qadrini past baholay boshlaydi.

Masalan: bola sizga biror narsa aytsa, hatto charchagan bo‘lsangiz ham, unga yuzlanib qarang va aytayotgan gapini tinglang: “Ha, sen shuni demoqchimisan? Juda qiziq!”

💎 Hech qachon boshqa bolalar bilan solishtirmang. Chunki bu bolaning ishonchini yemiradi.

Masalan: “Nega akangdek tez o‘rganmaysan?” o‘rniga “Sen o‘z yo‘ling bilan harakat qilyapsan, bu juda yaxshi. Men senga ishonaman,” – deb ayting.

💬 Siz farzandingizning ishonchini qanday rag‘batlantirasiz? Izohlarda qoldiring.

Bola logopedga qachon olib borilishi kerak?

Avvalo shuni aytish kerakki, nutq bilan muammo darajasi har xil bo‘lishi mumkin. Quyida sizni hushyorlikka chaqiradigan asosiy belgilarning ro‘yxatini beramiz:

Agar 3 yoshga kelib bola nutqida:

🙅‍♂️ So‘zlarni imo-ishora bilan almashtirsa,

🙅‍♂️ Sizning gaplaringizni doim ham tushunmasa.

4 yoshda:

🙅‍♂️ Oddiy gap tuzmasa (masalan, «Ona, suv ichmoqchiman» o‘rniga «ona, suv» yoki «ho pich, tsup» kabi aytsa),

🙅‍♂️ Predloglardan («ustida», «ichida», «yonida») foydalana olmasa,

🙅‍♂️ Gap ichida so‘zlarni to‘g‘ri moslashtirmasa.

5 yoshda:

🙅‍♂️ Juda ko‘p grammatik xatolar bilan gapirsa,

🙅‍♂️ Tovushlarni noto‘g‘ri talaffuz qilsa,

🙅‍♂️ Tovushlarni eshitishda farqlay olmasa.

❕Shuni esda tuting: agar 2 yoshda hali ham mashina uchun «bi-bi» kabi so‘zlardan foydalansa, bu xavotirli emas. Muhimi, bu so‘zlar mos kontekstda ishlatilayotgan bo‘lsa.

Yuqoridagilar maktabgacha yoshdagi bolalarda logoped ko‘magini talab qiladigan muammolar edi.

Maktab yoshidagi bolalarda esa asosiy ogohlantiruvchi belgilar quyidagilar:

❗️ Birinchi sinf oxirigacha o‘qish va yozishni o‘zlashtira olmasa yoki juda qiyinchilik bilan o‘qisa;

❗️Harfni bo‘g‘inlab yoki xatolar bilan o‘qisa;

❗️O‘qiganini tushunmasa;

❗️Yozishda shakli yoki tovushi o‘xshash harflarni adashtirsa;

❗️Qattiqlik va yumshoqlik, qattiq va yumshoq tovushlar, yoki shovqinli va shovqinsiz tovushlar farqini eshita olmasa;

❗️Gapdagi barcha so‘zlarni bir-biriga qo‘shib yozsa va gap chegarasini tushunmasa.

Qancha erta muammoni aniqlasangiz, uni hal qilish shunchalik oson bo‘ladi.

Bu holat normalmi? 🤔

«Siz, yomon onasiz!» — deb baqiradi bola. Biz esa darhol o‘zimizni aybdor his qilamiz, o‘zimizni yomon ota-ona deb o‘ylaymiz. Ammo....

Bolalarning xulq-atvorida ba'zi narsalar bizga normal emasdek tuyulishi mumkin. Lekin aslida bularning barchasi — ulg‘ayish jarayonidagi normal bosqichlardir ☺️

Keling, nima uchun bunday bo‘layotganini birgalikda tahlil qilaylik ⬇️

🛝 Bolalar maydonchasida janjallar.

5 yoshgacha bo‘lgan bolalarda o‘z-o‘zini boshqarish ko‘nikmalari hali rivojlanmagan bo‘ladi. Ular xulq-atvor qoidalarini to‘liq tushunmaydilar, shuning uchun o‘z pozitsiyalarini mavjud imkoniyatlar bilan himoya qiladilar — ba'zan itarish orqali. Bunday holatlardan keyin bolaga muloyimlik bilan bunday xatti-harakatlar qabul qilinmasligini tushuntirish kerak. Birinchi sinfga borguncha bu odatda o‘tib ketadi. Agar impulsiv xulq davom etsa, shifokorga murojaat qilish kerak bo'ladi.

🗣 Sizga og‘riqli gaplar aytishi.

Bu bola sizni haqiqatan yomon ko‘rayotgani degani emas. 7 yoshgacha bolalar sizga bunday gapirish qanchalik og‘ir yetishini tushunmaydi. Shunchaki, unga bunday so‘zlar sizni ranjitishini sokin va samimiy tarzda tushuntiring.

🥗 Bolaning ovqatga nisbatan injiqligi.

Masalan, u go‘sht yemaydi yoki kashadan voz kechadi... Bu holat ko‘pincha normal rivojlanish bosqichi hisoblanadi. Vaqt o‘tishi bilan u boshqa taomlarni sinab ko‘rishga qiziqadi. Oilaning umumiy ovqatlanish dasturini iloji boricha xilma-xil qilishga harakat qiling.


🟡 Bitta kitobni qayta-qayta o‘qish yoki bir xil o'yinni o'ynash.

Buning siri shundaki, takrorlash bola uchun barqarorlik va xavfsizlik kafolati bo‘lib xizmat qiladi. Shuningdek, aynan takrorlash orqali bola yangi so‘zlarni o‘zlashtiradi va xotirasini mustahkamlaydi.

✅ Farzandingiz oiladagi holatini qanday his qilayotganini bilishning oddiy usuli❓

Hammasi juda oddiy: farzandingizdan o‘z oilasini chizib berishini so‘rang 👨‍👩‍👧

❗️ E'tibor berish kerak bo‘lgan jihatlar:

1️⃣ Juda ko‘p mayda detallar — bolada yashirin bezovtalik borligini ko‘rsatadi.

2️⃣ Juda kam detal — bola o‘zini yopiq va ishonchsiz his qilayotganidan darak beradi.

3️⃣ Oila a'zolarining chizmada nechog‘lik katta tasvirlangani — ular bolaning hayotida qanchalik muhim o‘rin tutishini ko‘rsatadi. (Masalan, agar it ota-onalardan ham katta chizilgan bo‘lsa — bu xavotirli signal.)

4️⃣ Agar bola o‘zini kichik va sezilmaydigan qilib chizsa — bu past o‘zini baholash belgisi. Agar o‘zini ota-onalar bilan teng va kuchli qilib chizsa — o‘ziga ishonchi yaxshi.

5️⃣ Agar kimdir umuman chizmada bo‘lmasa — bu bolaning u a'zosi bilan hissiy aloqasi yo‘qligidan darak beradi.

Bolaning ruhiy holati yaxshi bo‘lishini ko‘rsatadigan belgilar:

✅ Oila a'zolari bir-biriga nisbatan mos o‘lchamda chizilgan bo‘lsa va hammasi chizmada bo‘lsa.

✅ Bola oilasini chizishdan zavq olsa.

✅ Barcha a’zolar bir darajada, bir safda tasvirlansa. Ideal holatda, ular qo‘l ushlab turgan bo‘ladi.

✅ Chizma yorqin ranglarda bo‘yalgan bo‘lsa.

‼️ Xavotirli belgilar:

- Bola chizishni istamasa — bu oilaviy muammolar haqida signal.

- Barcha a’zolar juda kichik chizilgan bo‘lsa — bu boladagi tashvish va tushkunlik alomati.

- Har bir a'zo o‘z alohida joyida chizilgan bo‘lsa — bu o‘zaro sovuqlikni bildiradi.

Bola o‘zini oxirida chizsa — oiladagi o‘z o‘rnini past baholashini ko‘rsatadi.

- Chizmada oila a’zolari bir-biridan yuz o‘girgandek tasvirlansa.

- Bola o‘zini qo‘llari bilan yuzini berkitgan holatda chizsa — bu oilada o‘zini noqulay his qilishini bildiradi.

- Chizmada asosan qorong‘u ranglardan foydalanilsa — bu xavotir va salbiy his-tuyg‘ular belgisi.

🎨 Natijalaringiz bilan post ostida izohlarda bo‘lishishni unutmang!