Muhammad Rasul | blog

Farzand oldida gaplashmaslik kerak bo‘lgan masalalar

Farzandlar ota-onaning har bir so‘zini diqqat bilan kuzatadi va ular orqali hayotiy qarashlarini shakllantiradi. Shuning uchun ota-ona o‘z gaplariga alohida e’tiborli bo‘lishi kerak. Quyida farzandlar oldida gaplashmaslik lozim bo‘lgan ba'zi masalalar keltiriladi:

1. Oilaviy mojarolar va nizolar. Farzand ota-onaning janjaliga guvoh bo‘lsa, bu uning ruhiyatiga salbiy ta’sir qiladi. Kelishmovchilik yuzaga kelganda darhol alohida gaplashib olish kerak.

2. Xos munosabatlar haqida. Er-xotin to'shak hayotiga doir gaplarni nafaqat bolalar oldida, balki hech kimning oldida gapirmasligi kerak!

3. Yosh bolalar tushunmaydigan kattalar mavzulari. Siyosat, qiyin hayotiy muammolar yoki ularga qiyin bo‘lib tuyuladigan mavzularni farzand oldida muhokama qilish ularda chalkashlik va tushunmovchilikka sabab bo‘ladi.

4. Bolalar tarbiyasi haqida. Hatto uning aka-ukalari, opa-singillarining xulqi, tarbiya borasida tutmoqchi bo'lgan yo'lingiz haqida ham bolalar oldida gaplashmang.

Farzandlar bilan muomala qilishda ehtiyotkor bo‘ling. Ular ota-onasining nafaqat so‘zlaridan, balki munosabatidan ham saboq oladi. Shu sababli har bir so‘z va harakat tarbiyaviy ahamiyatga ega ekanini unutmang.

#tarbiya

@GiyosiddinYusuf

#Savol:

❓Montessori ustozlari hamma narsani (life skills, matematika, til, science va hkz) maxsus tayyorlangan , yuqori sifatli materiallar orqali o'rgatishar ekan. Lekin ular insoniy fazilatlarni qanday o'rgatishadi? Ya'ni bolalarda saxiylik, mehribonlik va boshqalarni qanday rivojlantiramiz? Boshqa ta'lim falsafalarida bu hikoyalar o'qish, kitoblar orqali amalga oshiriladi deb o'ylayman. Iltimos shu haqida ham amaliy tavsiyalar beringlar. Rahmat😘

=============================

Dildora Kalonkhujayeva
AMI( Foundation for Montessori Education 2021-2022 , Toronto Canada) Diplom sohibi

✅Insoniy fazilatlar, odobnoma darslari juda muhim . Hamma mavzularni yoritib berishga imkoniyat bo’lmayaptida. Amaliy hayot darslari bir necha bo’limlardan iborat bo’ladi, bularga masalan, o’z -o’zini parvarish qilish, atrof muhitni parvarish qilish  va grace and courtesy - go’zalik va xushmuomalalik( odobnoma darsi desak ham bo’ladi ) degan bo’limlar kiradi . Bu darslarda bolalar sinfda o’zlarini qanday tutishlari , savol  qanday so’rash , nima deb javob berish, ovqatlanish odoblari, hattoki burun  qoqish , yo’talganda qanday qilib yo’talish odoblari ko’rsatib beriladi . Bu darslar madaniyat va urf- odatlariga mos holda har bir Montessori maktablarida har hil bo’ladi.  O’qituvchi ham shu go'zalik va xushmuomalalikka rioya qilgan holda dars o’tadi . Chunki bu davrda bolalar atrof-muhitdan o’rnak oladi. Bu darslarni kichik bir sahnalashtirilgan teatr ko’rinishida har bir yoki bir necha bolalar bilan amaliy  qo’llanilgan holda o’tib, ko’rsatib beriladi . Islamic Montessori schoollar ham bor. Dinimizdagi odoblarni dars sifatida o’tib amaliy qo’llab ketaverishadi .

Kitoblarga kelsak, Montessori uslubida kitoblarga e’tibor juda katta bo’ladi. Hattoki kitob javondan qanday olib va qanday varaqlash  to’g’risida ham darslar bor. Kitobni o’qib berish va tanlash uchun alohida darslar  ham o’tiladi  o’qituvchilarga . Hayotiy , tabiatda sodir bo’ladigan real voqealardan tuzilgan hikoyalar( 0-6 yosh ) ,  sherlar , finger plays, sinf xonalarida  bo’lishi maqsadga muvofiq bo’ladi. Alohida reading area(o'qish burchagi) bo’lishi kerak. Bu o’qish zonasi tinch panaroq joyga qilinadi va bolani jalb qilish uchun estetik jihatdan chiroyli qilib tashkil etiladi.

@englishmontessori_withmykids

Telegram | Instagram |Telegram