#fikr
Birdan boshlangan narsa birdan tugaydi

Bir kun otam bilan koʻchada ketayotgan edik, birdan kuchli yomgʻir yogʻa boshladi

Otam bilan pana joy topib, tez yugurib oʻtib oldik, ota undan koʻra uyga ketavermadik baribir toʻxtamaydi yomgʻir deganimda,

"bolam tez, jadal boshlangan harakat tez toʻxtaydi, hozir tinadi, keyin uyga yetib olamiz",- degan edilar

Biror qurilmani eng yuqori holatida ishlatsangiz qiziy boshlaydi va buzilmasin hozir deb, toʻxtatasiz

Tez birdan yugursangiz tez charchaysiz, qattiq holdan toyasiz, uzoq vaqt bunaqa tezlikda yugura olmaysiz

Xulosa shuki, davomiy boʻla olmaydi hech biri

Lekin, shivirlab yoqqan yomgʻir, bir necha soatlab, kunlab yogʻadi, birdan yomgʻir yogʻsa birdan oqib, sel boʻladi, ortidan quyosh chiqib bulut tarqaydi, asar ham qolmaydi

Shivirlab yoqqan yomgʻir esa asta sekin, yogʻib yerga singadi, oʻt-oʻlan unadi, yerlar chuqur nam boʻladi

Yillar mobaynida qanchadir miqdordagi suv tomchilab toshni teshadi, lekin oʻsha miqdordagi suvni birdan quyib yuboring toshga bir foiz ham taʼsir qila olmaydi

Yuguruvchi uzoq masofaga bir tekisda yugurib boradi, oxirgi masofada biroz tezlik qoʻshib gʻalabaga yetishadi

Odatlar ham shunday, siz bir necha ishni koʻp miqdorda qilib tez natija olmoqchi boʻlasiz, lekin harakatlaringiz uzoqqa bormaydi, motor qiziydi va oldingidek holatga qaytasiz

Shoshmang, buncha shoshasiz, oʻzingizni bosib oling va oz-ozdan davomli harakat qiling, Alloh taologa ham eng mahbub amal oz boʻlsa-da davomli amal-ku

Bilaman oʻylaysiz qolib ketyabman deb ichingiz qiziydi

Unutmang natija xos boʻladi, u faqat siz uchun xos kimdir erta kimdir kech yetadi, lekin hammaga oʻsha vaqti uchun xayrli boʻladi

Shivirlab yogʻuvchi yomgʻir kabi boʻling, birdan yogʻib oʻtib ketuvchi yomgʻir kabi emas😊

Borliq qonuniyatlari ham oz boʻlsa-da davomli harakat ustiga qurilgan, unutmang

@assodiqblog