APL bilan bog‘liq vaziyat haqida

Uch kun oldin menga Zo'r TV APL uchrashuvlarini ko‘rsatishi haqida xabar berishdi. Har bir turda ikkitadan o‘yin: biri MS, ikkinchisi Arsenal, Chelsea va boshqa ingliz brendi ishtirokidagi o‘yin. Ma’lumotlarni ishonchli manbadan olganman

Bungacha telegram-kanallarimda Zo'r TV Yevropa chempionati, Ispaniya La Ligasi, UEFA Chempionlar ligasini efirga uzatishi haqida xabar bergan edim. Xuddi shu manbadan olingan bu ma’lumotlarning barchasi detallargacha 100% ishonchli bo‘lib chiqqan edi. Shu bilan birga, bu yangiliklarning barchasi Zo'r TV rasmiy press-relizidan oldin chiqqan edi

APL haqidagi ma’lumotni e’lon qilish uchun og‘zaki ruxsat olgach, yangilikni o‘z telegram-kanallarimga joyladim. Kecha menga boshqa manbalardan xabar berishdi, Zo'r TV MS va boshqa yirik klublarning o‘yinlarini ko‘rsatishi mumkin-ku, balki Angliya Kubogi doirasida, ammo APL emas. Chalkashlik, tushunmovchilik yuz bergan bo‘lishi mumkin, deyishdi

Ma’lumotni qayta tekshirdim

Men dastlab Zo'r TV aynan APL matchlarini namoyish etishini to‘g‘ri tushundim. Lekin endi savol tug‘iladi: qachondan ko'rsatiladi? Juda katta ehtimol bilan – yangi mavsumdan boshlab. Ushbu mavsumdan – kam ehtimol. Ammo deyishdi... Xullas, men ham hodisalar rivojini kutaman

#jurayevotabek