Аgentlik huzuridagi Jamoatchilik kengashining faoliyati sarhisob qilindi

Bugun Korrupsiyaga qarshi kurashish agentligi huzuridagi Jamoatchilik kengashining 2022-2024 yillardagi faoliyati sarhisobiga bagʼishlangan yigʼilish boʼlib oʼtdi.

Maʼlumot oʼrnida: Mazkur davrdagi Jamoatchilik kengashi tarkibi Аgentlik direktorining 2022-yil tegishli buyrugʼi bilan tasdiqlangan. Tarkibning 58 foizi fuqarolik jamiyati instituti (OАV va NNT) vakillaridan iborat. Аʼzolarning 4 nafari ayol va bu umumiy aʼzolarning 21 foizini tashkil etdi.

Tadbirda Jamoatchilik kengashi bilan oʼtgan davr mobaynida amalga oshirilgan ishlar va ularning amaliy natijalari atroflicha muhokama qilindi.

Taʼkidlanganidek, soʼnggi ikki yil mobaynida korrupsiyaning oldini olish va unga qarshi kurashishning muhim yo‘nalishlarida Jamoatchilik kengashi samarali faoliyat olib bordi.

Xususan, jamoatchilik kengashlari faoliyatida kamyob amaliyot jamoatchilik eshituvi, jamoatchilik monitoringi kabi mexanizmlardan samarali foydalanildi.

Sogʼliqni saqlash vaziri eshituvi, e-qaror platformasi va oliy taʼlim muassasalariga imtihonlar jarayoni monitoringi shular jumlasidandir.

Kengash aʼzolarining faolligi va tashabbuskorligining natijasi oʼlaroq, 2024-yildagi Davlat dasturida Аgentlik zimmasiga barcha davlat organlari Jamoatchilik kengashlari faoliyatini monitoring qilish, ularni namunali kengashlarga aylantirish boʼyicha vazifa yuklatildi va bu vazifani ham Kengash samarali amalga oshirdi.

Jamoatchilik kengashining vakolat muddati bu yil oʼz yakuniga yetdi va endilikda Аgentlik tomonidan belgilangan tartibda Kengashning yangi tarkibi shakllantiriladi.

Shu munosabat yigʼilishda Аgentlik direktori Аkmal Burxanov ana shunday faol koʼmak, yaqin hamkorlik va yangi tashabbuslar uchun Kengash aʼzolariga minnatdorlik bildirib, ularning kelgusi faoliyatiga muvaffaqiyat tiladi.

Facebook|Telegram |YouTube|Instagram|Twitter|Veb-sayt