Наманган вилоятида контрабанда тамаки маҳсулотлари билан боғлиқ бир неча ҳолатлар аниқланди. Жумладан, Давлатобод туманида 4 000 қути, Янгиқўрғон туманида ҳам 4 000 қути “Милано” тамаки маҳсулотлари ва Наманган шаҳрида тахминий қиймати 175 миллион сўмлик 11650 қути турли хил тамаки маҳсулотлари қўлга олинди.

Маълум қилинишича, жорий йилнинг ўтган 10 ойида вилоятда жами 48 та ҳолатда 2 миллиард 598 миллион сўмдан зиёд, 219598 қути ноқонуний тамаки маҳсулотлари аниқланган.

Маълумки, акциз маркаси бўлмаган тамаки маҳсулотини ноконуний саклаш ва сотиш – жиноят ҳисобланади ва у оғир оқибатлар: 12 йилгача озодликдан маҳрум этиш, товар мусодараси ва жаримага олиб келади. Қонунчиликда белгиланган жарима ва жавобгарликларга қарамай тамаки маҳсулотларини олиб кириш ҳолатлари тез-тез учрамоқда.

Бундан ташқари, берилаётган расмий хабарларда фақатгина ноқонуний тамаки маҳсулотларининг кўлга олинаётганини кўриш мумкин. Уларни йўқ қилиш тартиби ва жараёни ҳам ёритиб борилса, мақсадга мувофиқ бўларди.