Бир неча оилаларни ўлдиришда гумонланаётган шахсларга нисбатан жиноят ишлари қозғатилган. Қамоққа олинган тўртала шахс ҳам 26 ёшдан 36 ёшгача бўлган эркаклар бўлиб, улар Конибодамнинг Гулбоғ, Лоҳути ва Ҳамробоев қишлоқ жамоаларида туғилган.

Прокуратура терговчиларнинг иши мамлакат раҳбарияти томонидан бевосита назорат қилинаётгани ва тергов давом этаётганини таъкидлади.

Эслатиб ўтамиз, Конибодамдаги қотилликлар занжири 2024-йилнинг апрел ойида бошланган бўлиб, бу воқеалар бир-бирига боғлиқми ёки алоҳида ҳодисалрми, ҳозирча номаълум. Ушбу туманда аллақачон 20 дан ортиқ одам сирли тарзда ҳалок бўлган ва ҳукумат ҳанузгача бу жиноятларни фош эта олмаяпти.

Яқинда атиги 8 кун ичида тумандаги 10 нафар аҳолининг жасади зўравонлик белгилари билан топилган. Шу муносабат билан Суғд вилояти ҳокими Раҷаббой Аҳмадзода Конибодам туманига бориб, у ердаги аҳоли билан учрашган. У куч ишлатувчи ва ҳуқуқни муҳофаза қилувчи тузилмалар жиноятларни очиш ва айбдорларни жазолаш учун сафарбар этилгани, жиноятчиларни қидиришда барча чоралар кўрилаётганини таъкидлаган.