#masal
MASHHUR MASALNING DAVOMI
O‘rmondagi qozilar
Mahkamaga keldilar.
Ona Qo‘yning arzini
Muhokama qildilar.
Majlisda ko‘z yosh to‘kib,
Da’vogar shunday dedi:
“Qo‘zichog‘im beozor,
Sodda va yuvosh edi.
Jazolanglar muttaham,
Jinoyatchi Bo‘rini.
Yo‘qsa quritaverar
Qo‘y-qo‘zining sho‘rini...”
“Yo‘q”, - der advokat Tulki,
“Farqlaylik qora-oqni,
O‘zim ko‘rdim, qo‘zichoq
Loyqalatdi buloqni.
Boshqalarni o‘ylab Bo‘ri,
Chora ko‘rdi Qo‘ziga.
Dalil, guvoh, isbot yo‘q,
Ona Qo‘yning so‘ziga...”
“Aybdoru, qotil emas,
Bo‘ri polvon hoynahoy.”
Bahslashuvga qo‘shildi,
Qoralovchi Ayiqvoy.
“Uning bir kichik aybi
O‘zimman deganida.
Yuqoriga bildirmay
Qo‘zini yeganida...”
“To‘g‘ri, - der keksa Shoqol,
Bizlar shunday qilardik.
O‘ljamizning yarmini
Kattalarga berardik...”
Uzoq tortishuvdan so‘ng,
Bo‘ri hayfsan oldi.
Ona Qo‘yning arz-dodi,
Yana havoda qoldi.
Majlisning yakunida
Ajrim qildi qozilar.
Qarorning bir chetiga
Shunday deya yozdilar:
“Bundan buyon hech jonzot,
Faqat o‘zim demasin.
Kattalarga aytmasdan
O‘ljasini yemasin!..”
©️Yor MUHAMMAD
https://t.me/YIAhujjat
MASHHUR MASALNING DAVOMI
O‘rmondagi qozilar
Mahkamaga keldilar.
Ona Qo‘yning arzini
Muhokama qildilar.
Majlisda ko‘z yosh to‘kib,
Da’vogar shunday dedi:
“Qo‘zichog‘im beozor,
Sodda va yuvosh edi.
Jazolanglar muttaham,
Jinoyatchi Bo‘rini.
Yo‘qsa quritaverar
Qo‘y-qo‘zining sho‘rini...”
“Yo‘q”, - der advokat Tulki,
“Farqlaylik qora-oqni,
O‘zim ko‘rdim, qo‘zichoq
Loyqalatdi buloqni.
Boshqalarni o‘ylab Bo‘ri,
Chora ko‘rdi Qo‘ziga.
Dalil, guvoh, isbot yo‘q,
Ona Qo‘yning so‘ziga...”
“Aybdoru, qotil emas,
Bo‘ri polvon hoynahoy.”
Bahslashuvga qo‘shildi,
Qoralovchi Ayiqvoy.
“Uning bir kichik aybi
O‘zimman deganida.
Yuqoriga bildirmay
Qo‘zini yeganida...”
“To‘g‘ri, - der keksa Shoqol,
Bizlar shunday qilardik.
O‘ljamizning yarmini
Kattalarga berardik...”
Uzoq tortishuvdan so‘ng,
Bo‘ri hayfsan oldi.
Ona Qo‘yning arz-dodi,
Yana havoda qoldi.
Majlisning yakunida
Ajrim qildi qozilar.
Qarorning bir chetiga
Shunday deya yozdilar:
“Bundan buyon hech jonzot,
Faqat o‘zim demasin.
Kattalarga aytmasdan
O‘ljasini yemasin!..”
©️Yor MUHAMMAD
https://t.me/YIAhujjat