#sheriyat
“Kim oladi-yo, shuginani-yo – 2025” tanloviga
UYOLMASLAR
Beparvo, hissiz, bedard
hamrohlar uyolmaslar,
Yolg‘onga to'n kiydirgan
guvohlar uyolmaslar.
Quvib solsang bu yondan,
kelaverar u yondan,
Bezbetga gap kor qilmas,
sullohlar uyolmaslar.
Taftish qilar bus-butun
boshingdan tovongacha,
O'qday qadalib yuzga
nigohlar uyolmaslar.
Hayo yo'qdur, ibo yo'q,
xijolat chekmagay hech,
"Sharmandaga shahar keng",
gunohlar uyolmaslar.
Dono birla bahs qilur,
O'git, tanbeh behuda,
O'zin mavlono chog‘lar
gumrohlar uyolmaslar.
Mansabga tavozeda,
ifoda yo'q yuzida,
Qarsakboz, maqtovparast
maddohlar uyolmaslar.
Sinalmagan ot – xatar,
pand bermas o'z eshshaging,
Noshudga bo'lib fattoh
panohlar uyolmaslar.
Dilning tor ko'chasidan
chiqolmas no'noq qalam,
Oq qog‘ozni qoralab
siyohlar uyolmaslar.
Bir yonda zorlik, xorlik,
bir yonda kibru isrof,
So'z demaslar ogohlar,
dodxohlar uyolmaslar.
Rustam QURBONOV.
Samarqand viloyati, Past Darg‘om tumani
t.me/YIAhujjat
“Kim oladi-yo, shuginani-yo – 2025” tanloviga
UYOLMASLAR
Beparvo, hissiz, bedard
hamrohlar uyolmaslar,
Yolg‘onga to'n kiydirgan
guvohlar uyolmaslar.
Quvib solsang bu yondan,
kelaverar u yondan,
Bezbetga gap kor qilmas,
sullohlar uyolmaslar.
Taftish qilar bus-butun
boshingdan tovongacha,
O'qday qadalib yuzga
nigohlar uyolmaslar.
Hayo yo'qdur, ibo yo'q,
xijolat chekmagay hech,
"Sharmandaga shahar keng",
gunohlar uyolmaslar.
Dono birla bahs qilur,
O'git, tanbeh behuda,
O'zin mavlono chog‘lar
gumrohlar uyolmaslar.
Mansabga tavozeda,
ifoda yo'q yuzida,
Qarsakboz, maqtovparast
maddohlar uyolmaslar.
Sinalmagan ot – xatar,
pand bermas o'z eshshaging,
Noshudga bo'lib fattoh
panohlar uyolmaslar.
Dilning tor ko'chasidan
chiqolmas no'noq qalam,
Oq qog‘ozni qoralab
siyohlar uyolmaslar.
Bir yonda zorlik, xorlik,
bir yonda kibru isrof,
So'z demaslar ogohlar,
dodxohlar uyolmaslar.
Rustam QURBONOV.
Samarqand viloyati, Past Darg‘om tumani
t.me/YIAhujjat