Солижон сой бўйида архитекторни кутиб ўтирди. Сойнинг нариги томонида катта тол бор, унинг тагида устунларини ерга ботириб скамейка қилиб қўйишган. Скамейкада ўзи тенги иккита йигит шахмат ўйнаб ўтиришибди. “Қанийди, шу ерда кўприк бўлганида уларнинг ёнига ўтиб ўтирардим”, деб ўйлади Солижон. Томорқасининг четида қатор қилиб экилган тутлар бор. Уларнинг сояси ҳам етарли даражада, лекин ҳозирги кунларда сояда ўтирмаса ҳам бўлаверади. Солижон сойнинг нариги томонидаги қурилган уйларни кўрди. Улар сой қирғоғига эллик метр ҳам келмайди. Мен бемалол қураверсам ҳам бўлади. Агар архитектор “йўқ, бу ерга уй қуриб бўлмайди”, деса ҳам, барибир қураман.

Давоми бор...

Ҳамид ШОДИБОЕВ,
2025 йил.