Муҳаммад Юсуфнинг “САЙЛАНМА” китобидан

ҚИЗИЛ ОЛМА

С. га

Баланд шохда қизил олма
Пишган экан.
Узиб олиб қарасам, қурт
Тушган экан.

Мен олмани ирғитворсам,
У дод солди:
Ташлаб кетар экан мени
Нега олди?!

Қизил олма, қизил олма,
Мен енгилдим.
Дунёи-дун деганларин
Энди билдим...

Юрагим-ей, сени не ўй
Ўртамоқда?
Севгига йўл бўлсин бизга
Бу чорбоғда.
Баланд шохда қизил олма
Пишган экан...
Бизнинг бошга шундай савдо
Тушган экан.

Муҳаммад Юсуф