“Seningsiz”

Sukunat qo’ynida nurayapman jim,
Vo darig’, bu g’amga yurak ko’nikmas.
Seningsiz umrimni so’raysan nechun,
Holimning bayoni eshitgulikmas.
Kapalak qonidan simirsam to’yib,
Qizg’aldoqni o’tin o’rnida yorsam.
Qovjiroq yalapizning ildizini yeb,
Sog’inch daraxtidan marvarid qoqsam.
Ko’nglimni ag’darar mayin yelvizak,
Sirpanchiq tuyular baxting yo’llari.
Bahorga yam yashil sarg’aygan kuzak,
Umrimning saningsiz kechgan yillari.
Sarobat manzili ko’rinar tiniq,
Faqir orzularning singan shulasi.
Nahot shu ketishda o’tamiz yonib,
Bizga nasib etmay sevgi jumlasi.
Seningsiz bu qadar ayanchli turmush!
Go’yo etilganman umrimdan surgun.
Osmonda bo’lsang kel zaminga tush,
Yerda bo’lsang agar ko’rinish bergin!!!