Birlashgan Millatlar Tashkilotining taraqqiyot dasturi (UNDP) bilan hamkorlikda "Markaziy Osiyoda savdoni rivojlantirishga ko‘maklashish" qo‘shma loyihasi doirasida navbatdagi seminar Farg‘ona viloyatida bo‘lib o‘tdi.

O‘zbekiston texnik jihatdan tartibga solish agentligi tashabbusi bilan tashkil qilingan mazkur seminarda xalqaro ekspertlar tomonidan qishloq xo‘jaligi mahsulotlarini yetishtiruvchi, qayta ishlovchi va oziq-ovqat mahsulotlarini ishlab chiqaruvchi eksportyor korxonalar uchun xalqaro "HACCP – ISO 22000 talablariga muvofiq oziq-ovqat xavfsizligi" mavzusi yuzasidan ma’lumotlar berildi.

Savol-javob tarzida o‘tkazilgan ushbu muloqot doirasida xalqaro standartlarning ahamiyati, talablari va ularni joriy etishning afzalliklari borasida batafsil tushunchalar berildi.