O‘zbekiston texnik jihatdan tartibga solish agentligi direktori Akmal Jumanazarov Navoiy davlat konchilik universitetining Metrologiya kafedrasi mudiri, professor Odil Jumayev bilan uchrashuv o‘tkazdi.

Oliy ta’lim bilan hamkorlikda sohani rivovjlantirish masalalariga bag‘ishlangan mazkur uchrashuvda "Kvant metrologiyasi" mavzusida o‘quv qo‘llanma tayyorlash borasida e’tibor qaratilishi lozim bo‘lgan jihatlar muhokama qilindi.
Muloqot davomida O‘zbekiston milliy metrologiya instituti Navoiy filialida Navoiy davlat konchilik universiteti metrologiya kafedrasining filialini tashkil etish bo‘yicha amalga oshirilayotgan ishlarga alohida to‘xtalib o‘tildi.

Shuningdek, soha bo‘yicha kadrlar tayyorlashda qabul kvotalar sonini ko‘paytirish, ilmiy tadqiqot ishlarini amalga oshirishda tizim tashkilotlari xodimlarini mutaxassis sifatida jalb etish, laboratoriyalarda himoya qilinadigan dissertatsiyalarda o‘rganiladigan mavzularning sinovlarini o‘tkazish yuzasidan kelishuvga erishildi.