Dunyoning 80 dan ortiq mamlakatlarida nishonlanadigan ushbu tadbirning asosiy maqsadi jamiyatning sifat haqida xabardorligini oshirish orqali mamlakatlar iqtisodiyotini barqaror rivojlantirishdan iborat.

O‘zbekiston texnik jihatdan tartibga solish agentligida Sifat kuni munosabati bilan bayram tadbiri tashkil etildi. Unda Agentlik direktori Akmal Jumanazarov barcha ishlab chiqaruvchi va xizmat koʻrsatish korxonalari sifat va menejment tizimlariga asosiy e’tiborini qaratishi raqobatbardosh boʻlish bilan birga uning brendi, xalqaro miqyosdagi oʻrni va obroʻsini oshirishga bevosita xizmat qilishini ta’kidlab, barchani sifat bayrami bilan samimiy tabrikladi.

Tadbir doirasida mahsulotlarning sifatini ta’minlash orqali yurtdoshlarimizning salomatligi, isteʼmolchilarning farovon hayotiga munosib hissa qo‘shib kelayotgan bir guruh soha fidoyilariga esdalik sovg‘alari topshirildi.