ВАТАН ҲАҚИДА
БАЙТЛАР
Ботирларнинг юраклари зиёд бўлар,
Юраклардан элу Ватан бунёд бўлар.

Мардларнинг мард ишларида зиё бўлар,
Мард ишлардан Ватан деган дунё бўлар.

Фидокорнинг кўз ёшлари пинҳон бўлар,
Бу пинҳонлик ичра Ватан осмон бўлар.

Шеър – кўнгилдир! Кўнгли бор юрт улуғ бўлар,
Ҳатто кўнгли ярим эрса, тўлиқ бўлар.

Номардлардан ёруғ дунё носоз бўлар,
Мард инсондан гулдай Ватан мерос бўлар.

Усмон Азим

https://t.me/UsmonAzimijodi

Ватан химоячилари куни муборак.
Ватанни севиш, уни асраш барчамизнинг бурчимиз.
Ватан обод, ҳалқ фаровон бўлсин.