Надежда Кеворкова
ФАЛАСТИН:
Агар ўлишим лозим бўлса…
Ер ости болалари
Туннелларни кўрсатиш учун олиб борар экан, менинг кўзларимни боғлашмади. Шундай бўлсада, фақат ичкарига киргандан кейин ва фақат деворларни суратга олишга рухсат берилди – туннель қазиётган ва юкларни ташиётган одамларни эмас.
Мен кўрган биринчи туннель оддий турар-жой мавзеси орасида жойлашган эди. Қанчалик уринма уни ташқаридан ҳеч қандай усулда кўриб бўлмасди. Ундан олиб чиқиладиган ҳамма нарса кичик-кичик қисмларга ажратилиб, яширин жойларга ташилади ва фақат ўша ерда юкланади. Туннель 28 метр чуқурликдаги бўш қудуққа ўхшайди. Чиғирда занжир, занжирда эса ўриндиқ бор. Йигитча ўриндиққа ўтириб, бошини пастга эгиб, ҳазил-мутойиба билан тезда қудуққа тушиб кетди. Тўсатдан чироқ ёнди ва қудуқ тубида ҳам ёруғлик пайдо бўлди. Бундай туннелларда кислород баллонлари билан ишлашади. Улар баъзан портлаб кетади, одамлар ҳалок бўлади, лекин уларсиз нафас олиш мумкин эмас.
Қўрқа-писа пастга қарар эканман йигитлар хушчақчақлик билан, пастга тушишга ундашади ва агар электр тугаб қолса, менинг пастда қолиб кетишимга йўл қўймасликка ваъда беришади.
Бунақа иссиқда туннель қазиш учун нимадан "куч олишини", бунинг устига ҳазил-мутойибага қандай имкон топишини сўрайман. Улар қандайдир энергетиклар ва антидепрессантлар истеъмол қилади, деган миш-мишлар ҳам юради.
Бир аптекачи менда бундай дорилар йўқ, лекин қўшнимда бор, уни туннель қазувчилар сотиб олишади, деб мени ишонтирмоқчи бўлади. Шунинг учун қўшниси бойиб кетяпти эмиш...
- Хўш, биринчидан, биз тетик бўлишимиз керак - иш шунақа. Россиядан Ғазога келганингиздан хурсандмиз. Бундай ташриф учун ҳам тетиклик керак-ку? Биз бунақа нарсалар билан "кучга тўлмаймиз". Бу хавфли, ахир ҳар сонияда хушёрлик керак. Ибодат қиламиз ва ишга киришамиз," - деб тушунтиради ҳозиргина қудуқ бўйлаб нинзадай юқорига ва пастга югуриб юрган азамат.
Туннелларни Исроил бомбардимон қилмоқда. Уларда исталган вақтда тупроқ ўпирилиши мумкин - улар қумли ҳудудда қазилган ва монастирь ғорларига ўхшайди.
Ёмғир пайтида туннеллардан фойдаланилмайди – бундай вақтда тупроқ кўчиши муқаррардир. Ёмғирдан кейин уларни қайта тозалашга тўғри келади. "Илгари, туннеллар кам эди ва ишчиларга катта пул тўланарди. Ҳозир эса кунига 30 шекел. Туннелларнинг шундай турлари ҳам бор-ки, уларни қазиш учун 100 шекелдан тўлашади," - дейди ер ости боласи.
Бу соҳадан узоқда бўлган одамлар, бу ерда кунига 100 доллардан ишлаб топиш мумкинлигига мени ишонтиришган эди. Бир доллар учун 3,7 шекел курсида бу жуда катта муболағадир.
Суҳбатдошларим аниқ бунча пул оладиганга ўхшамайди.
Туннеллар орқали гиёҳванд моддалар, спиртли ичимликлар, қурол ва пул ўтказиш тақиқланади. Буни туннель эгаларининг ўзлари назорат қилиб боришади. Агар улар бу қоидаларга амал қилишмаса, муаммога дуч келиши мумкин. Ишчилар менга шундай тушунтиришди. Буни парламентда ҳам тасдиқлашган экан.
Мен кўрган иккинчи туннель кенг йўлак бўйлаб пастга қараб кетган бўлиб, баъзи жойларидан арава ҳам ўтиши мумкин эди. У ерда ҳам ҳаво кам, лекин юкларни тортиб олиш мумкин бўлган арқонлар бор.
Бу ердаги ишчилар япон каскадёрларига ўхшамайди.
Булар оғир-босиқ одамлар. Лекин улар ҳам мени туннелга олиб кираётганларида ҳазил мутойиба қилаётганди. Менга маълум қилишларича, шу пайтгача улар чет элликларни саёҳатга олиб кирмаган эканлар.
Миш-мишларга қараганда, автомобиль ўтадиган жуда кенг туннеллар ҳам бор эмиш.
Дарҳақиқат, Ғазода янги машиналарни ҳам кўриш мумкин - уларнинг барчаси туннеллар орқали келтирилган. Айтишларича, улар учун икки баравар ҳақ тўлашади.
@Hamid_Sodiq
@TurkistonUz24
ФАЛАСТИН:
Агар ўлишим лозим бўлса…
Ер ости болалари
Туннелларни кўрсатиш учун олиб борар экан, менинг кўзларимни боғлашмади. Шундай бўлсада, фақат ичкарига киргандан кейин ва фақат деворларни суратга олишга рухсат берилди – туннель қазиётган ва юкларни ташиётган одамларни эмас.
Мен кўрган биринчи туннель оддий турар-жой мавзеси орасида жойлашган эди. Қанчалик уринма уни ташқаридан ҳеч қандай усулда кўриб бўлмасди. Ундан олиб чиқиладиган ҳамма нарса кичик-кичик қисмларга ажратилиб, яширин жойларга ташилади ва фақат ўша ерда юкланади. Туннель 28 метр чуқурликдаги бўш қудуққа ўхшайди. Чиғирда занжир, занжирда эса ўриндиқ бор. Йигитча ўриндиққа ўтириб, бошини пастга эгиб, ҳазил-мутойиба билан тезда қудуққа тушиб кетди. Тўсатдан чироқ ёнди ва қудуқ тубида ҳам ёруғлик пайдо бўлди. Бундай туннелларда кислород баллонлари билан ишлашади. Улар баъзан портлаб кетади, одамлар ҳалок бўлади, лекин уларсиз нафас олиш мумкин эмас.
Қўрқа-писа пастга қарар эканман йигитлар хушчақчақлик билан, пастга тушишга ундашади ва агар электр тугаб қолса, менинг пастда қолиб кетишимга йўл қўймасликка ваъда беришади.
Бунақа иссиқда туннель қазиш учун нимадан "куч олишини", бунинг устига ҳазил-мутойибага қандай имкон топишини сўрайман. Улар қандайдир энергетиклар ва антидепрессантлар истеъмол қилади, деган миш-мишлар ҳам юради.
Бир аптекачи менда бундай дорилар йўқ, лекин қўшнимда бор, уни туннель қазувчилар сотиб олишади, деб мени ишонтирмоқчи бўлади. Шунинг учун қўшниси бойиб кетяпти эмиш...
- Хўш, биринчидан, биз тетик бўлишимиз керак - иш шунақа. Россиядан Ғазога келганингиздан хурсандмиз. Бундай ташриф учун ҳам тетиклик керак-ку? Биз бунақа нарсалар билан "кучга тўлмаймиз". Бу хавфли, ахир ҳар сонияда хушёрлик керак. Ибодат қиламиз ва ишга киришамиз," - деб тушунтиради ҳозиргина қудуқ бўйлаб нинзадай юқорига ва пастга югуриб юрган азамат.
Туннелларни Исроил бомбардимон қилмоқда. Уларда исталган вақтда тупроқ ўпирилиши мумкин - улар қумли ҳудудда қазилган ва монастирь ғорларига ўхшайди.
Ёмғир пайтида туннеллардан фойдаланилмайди – бундай вақтда тупроқ кўчиши муқаррардир. Ёмғирдан кейин уларни қайта тозалашга тўғри келади. "Илгари, туннеллар кам эди ва ишчиларга катта пул тўланарди. Ҳозир эса кунига 30 шекел. Туннелларнинг шундай турлари ҳам бор-ки, уларни қазиш учун 100 шекелдан тўлашади," - дейди ер ости боласи.
Бу соҳадан узоқда бўлган одамлар, бу ерда кунига 100 доллардан ишлаб топиш мумкинлигига мени ишонтиришган эди. Бир доллар учун 3,7 шекел курсида бу жуда катта муболағадир.
Суҳбатдошларим аниқ бунча пул оладиганга ўхшамайди.
Туннеллар орқали гиёҳванд моддалар, спиртли ичимликлар, қурол ва пул ўтказиш тақиқланади. Буни туннель эгаларининг ўзлари назорат қилиб боришади. Агар улар бу қоидаларга амал қилишмаса, муаммога дуч келиши мумкин. Ишчилар менга шундай тушунтиришди. Буни парламентда ҳам тасдиқлашган экан.
Мен кўрган иккинчи туннель кенг йўлак бўйлаб пастга қараб кетган бўлиб, баъзи жойларидан арава ҳам ўтиши мумкин эди. У ерда ҳам ҳаво кам, лекин юкларни тортиб олиш мумкин бўлган арқонлар бор.
Бу ердаги ишчилар япон каскадёрларига ўхшамайди.
Булар оғир-босиқ одамлар. Лекин улар ҳам мени туннелга олиб кираётганларида ҳазил мутойиба қилаётганди. Менга маълум қилишларича, шу пайтгача улар чет элликларни саёҳатга олиб кирмаган эканлар.
Миш-мишларга қараганда, автомобиль ўтадиган жуда кенг туннеллар ҳам бор эмиш.
Дарҳақиқат, Ғазода янги машиналарни ҳам кўриш мумкин - уларнинг барчаси туннеллар орқали келтирилган. Айтишларича, улар учун икки баравар ҳақ тўлашади.
@Hamid_Sodiq
@TurkistonUz24