СЕНИ ЯХШИ КЎРАМАН

Бедор бўлиб сени ҳар куни,
Ухламасдан кутиб тураман.
Билиб қўйгин ҳаётим шуни,
Чунки сени яхши кўраман.

Севги бунча гўзал бу туйғу,
Ўйламаган бир кун куним йўқ.
Сен бўлмасанг келмайди уйқу,
Чунки сени яхши кўраман.

Малҳам бўлиб яша ҳар нафас,
Соғинч ёмон, тутмагин осон.
Мен дакаси ҳеч ким бўлолмас,
Чунки сени яхши кўраман.

Севги деган шу бўлса керак,
Ҳар бир лаҳзам сен билан тотли.
Демак менга доим сен керак,
Чунки сени яхши кўраман.

Доим бирга қилсин, Аллоҳим,
Икки дунё бўлай хотиржам.
Жаннатда ҳам бўлгин ҳамроҳим,
Чунки сени яхши кўраман.

Ошиғингман, телбангман ўзим,
Узоқлашиб кетмасанг бўлди.
Сен учундир ҳар битта сўзим,
Чунки сени яхши кўраман.

✍ Солиҳабегим
Дилафруз Шаҳрихоний

💝𝐓𝐞𝐥𝐞𝐠𝐫𝐚𝐦 | 💞💝💞
👉@Solihabegimsherlariii