Bayramlarni yomon ko‘rishimga sabablar ko‘p. Hammasi haqida bir-bir to‘xtalishga esa toqat yo‘q.
Ayni paytdagi asosiy sabablardan biri - kutubxonalar ishlamasligi. Ijara uyda esa yurak siqilib ketadi. Tunni amallab o‘tkazish yetmaganidek, endi kunga ham chidab berish kerak. Yaxshi ham dunyoda ko‘ngli bo‘sh insonlar bor. Mung‘ayib turishimni ko‘rib ming ikkilanishlar bilan axiyri kiritdi kutubxonaga. Bo‘lmasa o‘zimni yeb qo‘yardim. Chalg‘itish kerak. Inson o‘zi bilan yolg‘iz qolmasligi kerak. Savol-javobi qiyin kechadi...
Dunyoda yaxshi insonlar ko‘p. Lekin ular rasmiyatchilikdan qo‘rqishadi, ko‘ngillariga qarshi chiqishga majbur bo‘lishadi tinch hayot kechirish uchun. Xuddi qorovul amaki meni tushunganidek, siz ham rasmiyatchiliklar hayotini egovlab tashlab, o‘zi asab bo‘lib qolgan insonlarni tushunishga harakat qiling...

🍃@Sohibjon_Saydullayev