Ba'zida din qiyindek tuyulib ketadi, taqiqlar, talablar ko'pdek, ularga amal qilish imkonsizdek tuyulib ketadi. Aslida, unday emas, Alloh bandasiga toqati yetmaydigan ishni yuklamaydi.

Shunday paytda mana bunaqa hay'atda, oddiy so'zlar bilan qilingan jamlovchi nasihatlar ham qo'l keladi. Go'rkov akaning gaplariga umringiz oxirigacha amal qiling, chindanam qo'rqmag, uyog'i yaxshi bo'ladi, inshaalloh. Chunki, Alloh mehribon — O'zining haqqida qilgan xato kamchiliklarimiz, gunohlarimizni kechiradi, inshaalloh.

Ammo, bandalar o'rtasidagi haqqa aralashmaydi, dunyoda haqqi poymol bo'lgan kishiga uning haqqini yegan odamning savoblari olib beriladi, savoblari yetmasa, narigining gunohlari bunga yuklanadi. Chunki, haqni qaytaraman desa u dunyoda mol-mulki bo'lmaydi. Ana shu haqiqiy muflis — qayta o'nglanmaydigan bo'lib kasodga uchragan odam bo'ladi, Alloh saqlasin. Buyog'i yaxshi bo'lmaydi, iloji boricha o'lmang — ya'ni, tavba qilib kishilarning sizdagi haqqini ado qilmasdan o'lib qolmang.

@Shuhrat_Ali_blogi