(Бу дунёдан ўткан Онажонларимизни охиратлари обод, рухлари шод бўлсин илоҳим.Тирикларини умрлари-узоқ, ризқлари улуғ бўлсин. Ота-онангизни борида қадрига етинг)


ТУШЛАРИМГА!

Оппоқ харир рўмоллар ўраб,
Кунда бир бор ҳолимни сўраб,
Юзим ўпиб, пешонам силаб,
Тушларимга киринг онажон.

Аллоҳимдан ёлвориб сўрай,
Йўлингизни гулларга ўрай,
Бир бор сизни тушимда кўрай,
Тушларимга киринг онажон.

Юракларим дардларга тўлиб,
Кундан-кунга боряпман сўлиб,
Рози эдим сўнг кетсам ўлиб,
Тушларимга киринг онажон.

Она деган сўзни ўқисам,
Ўз-ўзимча ичаман қасам,
Қўйвормайман энди топволсам,
Тушларимга киринг онажон.

Қуриб кетсин мансабу-пули,
Қайтмас экан инсонни умри,
Тўкилганда бодомлар гули,
Тушларимга киринг онажон.

Чўққилар ҳам чўққимас қорсиз,
Дод десам ҳам қайтмас бахорсиз,
Юрагимдан тўкилган зорсиз,
Тушларимга киринг онажон.

Мухтож бўлсанг банда қўлига,
Қарар экан ўнгу-сўлига,
Ака-укам ўзин йўлига,
Тушларимга киринг онажон.

Тўкиламан девордек нураб,
Кунда сизни Худодан сўраб,
Чидолмайман, бўлди бас Ёраб,
Тушларимга киринг онажон.

Рўзғор дедим, тўрт томон чопдим,
Қанча молу-дунёни топдим,
Пул топдиму, сизни йўқотдим,
Тушларимга киринг онажон.

Худойимдан ёлвориб сўрай,
Йўлингизни гулларга ўрай,
Хеч бўлмаса тушимда кўрай,
Тушларимга киринг онажон.

(Душман экан сўнги пушаймон, Тушларимга киринг онажон.)

📘-Камронбек Исмоилов.

https://t.me/joinchat/AAAAAEedMMkpOCmB_9gwkw