2024 yilga mo'ljallangan ipoteka dasturi doirasidagi ishlar va 2025 yilgi rejalar bo'yicha Prezidentimiz raisligida o'tkazilgan videoselektor yig'ilishida aholini uy-joy bilan ta'minlash va yashil tehnologiyalarni joriy etish bo'yicha bir qator muhim tashabbuslar ko'tarildi.

Yig'ilishda ta'kidlanganidek, yangi ko'p qavatli uylarni "yashil energiya" tamoyillarini hisobga olib qurish atrof-muhitga ijobiy ta'sir ko'rsatish va energiya manbalaridan samarali foydalanishni ta'minlaydi.

Shuningdek, developerlar uchun yaratilgan imtiyozlar, xususan, soliq imtiyozlari berilishi, kredit stavkalarining 2 foizga pasaytirilishi, ularning xarajatlarini sezilarli darajada qisqartiradi.

Prezidentimiz eski uylarni zamonaviy ko'p qavatli binolarga aylantirish jarayonining aholi turmush darajasini yaxshilashdagi muhim rolini alohida ta'kidladi. Joriy yilda renovatsiya asosida 20 mingta yangi xonadon qurilishi rejalashtirilgan bo'lib, bu kommunikatsiyalar xarajatlarini 2 baravarga qisqartirishga olib keladi va resurs tejamkorligiga ijobiy ta'sir ko'rsatadi.

Eng muhimi zamonaviy uylarda yashash imkoniyati fuqarolarimizning ijobiy kayfiyatini oshirib, ularning turmush darajasini yaxshilashga xizmat qiladi.
Bunday o'zgarishlar avariya holatidagi uylarida yashayotgan fuqarolar uchun katta umid va imkoniyatlarni taqdim etadi.

Bu kabi tashabbuslar kelajak avlodlarga qulay va barqaror turmush sharoitlarini yaratishda muhim ahamiyat kasb etadi.

@Shaxnoza_Xolmaxamatova