Shaxnoza Xolmaxamatova

Ramazoni sharifning nurli kunlari muborak bo‘lsin!

Ushbu muborak kunlarda qalbimizdan ezgu duolar, tilimizdan shukronalar tushmasdan yurtimiz tinch, xalqimiz farovon, xonadonlarimiz fayzli, barakali, yaqinlarimiz esa sog‘-salomat bo‘lsin deymiz!!!

Muborak oyda qilgan duolarimiz, ibodatlarimiz qabul bo’lsin!

Saylovchilar bilan uchrashuvlarimizda ota-onalar farzandlarining xavfsizligi bo‘yicha muhim masalani ko‘tarishgandi. Ta’lim tashkiloti joylashgan hududda piyodalar yo‘lagi va svetofor yo‘qligi sababli bolalar yo‘lni kesib o‘tishda qiyinchiliklarga duch kelayotgan edi.

Bu muammo bo‘yicha

Ichki ishlar vazirligiga murojaat qildik

va masalaga tezkorlik bilan e’tibor qaratildi.

Piyodalar yo‘lagi va svetofor o‘rnatilib

, muammo ijobiy hal etildi. Bu esa

ota-onalar, pedagoglar va eng asosiysi – bolalar uchun katta qulaylik

yaratdi.

Prezidentimiz ta’kidlaganlaridek

, muammolarni o‘z vaqtida ko‘tarish va ularni hal qilish yo‘lida

muloqot va hamkorlik katta ahamiyatga ega.

Ushbu hamkorlikdagi ishlarimiz izchil davom etadi!

Davlatimiz rahbari bugun ijtimoiy sohada davlat-xususiy sheriklik (DXSh) loyihalarini samarali tashkil etish borasidagi vazifalar taqdimoti bilan tanishdi.

2019 yilda qabul qilingan

“Davlat-xususiy sheriklik to‘g‘risida” qonun

bu boradagi vazifalarning huquqiy asosi bo’lib xizmat qilmoqda.

Taqdimotda

Osiyo taraqqiyot banki, Xalqaro moliya korporatsiyasi, Yevropa taraqqiyot va tiklanish banki

kabi tashkilotlar bilan

Maktabgacha va maktab ta’limi

– 745 million dollarlik 6 ta loyiha,

Oliy ta’lim

– 100 million dollarlik loyiha,

Tibbiyot

– 1,2 milliard dollarlik 5 ta loyiha amalga oshirilishi belgilandi.

Mahalla – bu aholining hayot tarzi, mehnati, sa’y-harakatlari va kelajakka bo‘lgan ishonchi namoyon bo‘ladigan hudud. Fuqarolarimizning kayfiyati, muammolari va takliflarini o‘zlaridan eshitish, ularning tashabbuslari va ehtiyojlarini o‘rganish maqsadida Shahrisabz tumanidagi Oqdaryo va Duxchi MFY lardagi xonadonlarga bordik.

Oqdaryo mahallasida aholi o‘z tomorqasidan unumli foydalanib, qishloq xo‘jaligi, chorvachilik va tadbirkorlik bilan samarali shug’ullanib kelishmoqda.

Mahalladagi 85 yoshli Abdullaeva Maloxat ona 12 sotix yer maydonida issiqxona tashkil etib, farzand va nabiralari bilan birga bodring, bulg‘or qalampiri, baqlajon va boshqa poliz mahsulotlari ko‘chatlarini yetishtirmoqda.

Bundan tashqari, mahallada sutni qayta ishlash va pishloq ishlab chiqarish ham rivojlanmoqda. Ulug‘ov Asad aka rahbarlik qilayotgan xususiy korxona mahalliy aholining sut mahsulotlarini qabul qilib, ularni qayta ishlash orqali sifatli pishloq mahsulotlarini ishlab chiqarib, bozorga yetkazib bermoqda.

Duxchi mahallasi aholisi asosan savdo-sotiq, ishlab chiqarish, bog‘dorchilik va chorvachilik bilan shug‘ullanib kelishmoqda. Mahallada Tadbirkorlikni rivojlantirish maqsadida 20 nafar fuqaroga jami 1 milliard so‘m kredit mablag‘lari ajratilgan.

Ro‘zieva Feruza opa mahallada kichik tadbirkorlikni tashkil qilib, 4 nafar xotin-qizni ish bilan ta’minlagan.

Bunday loyihalar mahallada bandlikni oshirib, oilalarning daromadini barqaror qilishga xizmat qilmoqda.

Aholi yaratib berilayotgan imkoniyatlardan minnatdorligini bildirib, o‘z tashabbuslari bilan mahallani obodonlashtirish, ish o‘rinlarini ko‘paytirish va tadbirkorlikni rivojlantirishga hissa qo‘shayotganliklarini aytib o’tishdi.

Shu bilan birga, ba’zi muammolar yuzasidan amaliy yordam so‘rashdi. Xususan, Chiqindilar o‘z vaqtida olib ketilmayotgani, Jamoat joylariga videokuzatuv kameralarini o‘rnatish zarurligi ularning xaqli e’tirozlariga sabab bo’layotganiga guvox bo’ldik.

Ushbu masalalar yuzasidan tegishli mutasaddilar bilan bog‘lanib, muammolarni bartaraf etish bo‘yicha ish olib boramiz.

Prezidentimiz boshchiliklarida

tadbirkorlarni qo‘llab-quvvatlash, aholining bandligini ta’minlash borasidagi

islohotlar izchil davom etmoqda

.

Bu jarayonda har bir rahbar o‘z mas’uliyatini chuqur anglab, xalq manfaatiga xizmat qilish uchun bor kuch-g‘ayratini safarbar etishi lozim.