16- январ — шоира Кумуш Ўсарова туғилган кун.

*  *  *

Сен севиб тинглайсан, франсузларнинг,
Қалбни ўйнатувчи наволарини,
Сен севиб ўқийсан, қирғиз элининг,
Айтматовдек буюк даҳоларини.

Ҳар тонг хаёлингни партфелга солиб,
Нонушта қилмасдан шошасан ишга.
Қуп-қуруқ хонангга кетасан шўнғиб,
Севимли ишингга, гўзал ташвишга!

Вақтнинг жиловини бўлмайди тортиб,
Ўта расмийлашиб кетган хонада.
Сен севиб кутасан, ҳар куни бир хил,
Севимли тушлиг-у ва қаҳвахона.

Сен севган нарсалар жудаям кўпдир.
Майли, кўзларимдан ҳижронлар тилан.
Мен сени севаман, олис қишлоқнинг,
Кўчага чиқмаган юраги билан!

Кумуш  ЎСАРОВА

Бизни кузатиб боринг:
Telegram|  Facebook | web-sayt