Seb's

- Oyda kechasi harorat -173 darajagacha bo'ladi
- Farangeytdami yoki selsiyda?
- Avval birinchisida keyin ikkinchisida

Futurama

2/3

Yozning 500 kuni o‘zi qanday film? U faqat sevgi haqidami? Yo‘q albatta. Bu haqida bizni hikoyachi ham ogohlantiradi: bu sevgi hikoyasi emas, bu yigit va qiz uchrashgani haqidagi hikoya deya. Lekin keeling biz bunday deb aytamiz: bu sevgi hikoyasi emas, bu sevgi haqida hikoya. Bu faqat sevgi haqida hikoya emas, bu inson o‘ziga yaqin bo‘lganlarni o‘z xotirasining qayeridadir baribir olib qo‘yishini bizga aytadigan hikoya: Tom Sammer bilan ajralgandan keyin ancha vaqt eslamay qo‘yadi uni, yoki shunga harakat qiladi, lekin uni keyinroq poyezdda uchratadi, o‘sha paytdagi suhbatga e’tibor bersangiz, hali ham bu ikkisini o‘rtasidagi iliqlik tarqamaganiga guvoh bo‘lasiz, xuddiki ikkalasi ajralmaganday. Bu faqat sevgi haqidagi hikoya emas, bu bizga hayot doim ham biz kutganlarimizni beravermasligi haqida aytadigan hikoya: Tom ancha vaqt o‘ziga atalgan qiz Sammer ekaniga ishonib keldi, buni u rad qilishni istamadi eng so‘ngigacha. Tomning singlisini “kimnidir sen bilan bir xil rasvo narsani yoqtirishi, o‘sha odamni sening sevgiling qilib qo‘ymaydi” degan gaplari balki biz uchun ham saboq bo‘lishi kerakdir. Bu faqat sevgi hikoyasi emas, bu bizni oldinga intilishimiz kerakligini aytadigan, bizga to‘xtamaslik kerakligini uqtiradigan hikoya: agar filmdan jahlingiz chiqqan bo‘lsa ham bir narsani tan oling, agar Sammer bo‘lmaganda Tom o‘sha o‘zi yoqtirmaydigan joyda qancha payt ishlagan bo‘lardi kim biladi. Hozir esa u, o‘zi biladigan soha bo‘yicha izlanayotgan inson, arxitekturaga qaytgan, balki o‘zini bir vaqtlar unutgan orzusini yana tiklayotgan inson. Film bizga doim oldinga yurish kerakligini aytadi, film oxirida Tom endi men bilaman, taqdir degan narsani o‘zi yo‘q deb aytadi. Men sizlarga buni aniq qilib aytib bera oladigan odam emasman-u, lekin bir narsani bilaman, Tom endi o‘ziga yoqadigan ish izlayapti, do‘stlari bor uning, balki hozir Kuz bilan baxtli bo‘lib ketgandir ham – umumiy qilib aytganda u oldinga intilayapti, to‘xtab qolgani yo‘q shunisi asosiy g‘oya.

Xullas filmni ko‘ring azizlar, u haqida sizga nimadir yaxshi narsa bera oldim deb umid qilaman. Ayniqsa hozir Josef Gordon- Levitt o‘rta yoshdagi oq sochli odam bo‘lib qolgan paytida ham, uning yoshlik paytini eslash imkoni sizda bor ekanidan foydalanib ko‘ring. Balki film tomoshasidan keyin The Smiths guruhini ham eshitib yuborarsiz, har xolda sizda ularni yomon ko‘rishga sabab yo‘q bo‘lsa kerak. Bizda hozircha shular.

3/3

Janr sevimlisi sifatida sizlar uchun yorqin lahzalar ilinib: Seb's

1/3

Lekin bu bizga Sammer haqida gaplashmaslik imkonini bermaydi. Filmda bizga Sammer oddiy hamma qizlarday qiz, masalan, bo‘yi o‘rtacha, vazni o‘rtacha, oyoq o‘lchami o‘rtachadan picha oshiqroq qiz sifatida aytiladi, lekin uning boshqalardan ozgina farqli jihati bor, uning bitiruv rasmi ostida iqtibos keltirilgan guruh chartlarda yuqorilab ketishi, ishlagan joylarida savdo miqdori oshib ketishi kabilar. Uning Tom bilan munosabatida ham aynan shunday yaxshi damlar bo‘lgan, faqat vaqtincha. Lekin bunda uning o‘zini ham ayblab bo‘lmaydiku, u Tomga eng boshidan o‘ziga yigit qidirmayotgani, sevgiga ishonmasligi, do‘st bo‘lib qolishni istashini aytib keldiku. Aynan Sammerning ham ba’zi ishlarini biz tushuna olmasmiz, lekin bir narsani bilamizki u ham odam, uning ham kayfiyati, kechinmalari har xilcha bo‘ladi, o‘zgarib turadi: bir xil IKEA mebellari do‘konidagi, singan jo‘mrak haqidagi hazilga uning ikki xil munosabatda bo‘lishi aynan shuning ifodasi emasmi. Xo‘sh bu yerda nima xato ketdi, yoki muammo nimada? Balki muammo Tomning yanglishganidadir, balki ular ikkalasi bir-biri uchun emasdir, balki hammasi o‘tkinchi bo‘lganidadir rostdanam. Chunki Sammer Tomning oldiga kelib o‘zining turmushga chiqqanida shunday tushuntirdiku. Menimcha yana oldinlab ketdik Tomga qaytamiz.

{Yana Tom} Tom kim? U ulg‘aygan inson bo‘lsada, ba’zi munosabatlar oldida hali ham yoshligicha qolgan inson, u asosiy maslahatlarini o‘zining singlisidan oladi. Bunda ham albatta oldinroq eslaganimiz Skottning qo‘li bor, u o‘zini ba’zi shunday paytlarda yosh boladay his qilishini aytgan, shu sababli ham Tomning personajiga shu xarakter qo‘shilgan. Tom hayotni yorqin ranglarda ko‘ruvchi inson, masalan uni Sammer uyiga bayramga taklif qilganda uning kutilmalariga qarab buni aytish mumkin [expectations vs reality sahnasi fonda], o‘zi umuman olganda aynan shu kutilmalarni reallik bilan solishtirgan sahna bu filmni qolgan o‘z janridagilardan ajratib turadi, mening ham bu filmdan eng yoqtirgan sahnam hisoblanadi. Tom hissiyotlar og‘ushida yashovchi inson: uning Sammerni bizga aynan bir xil jihatlarini tariflashi buning misolidir, u qizning tizzalarini qanday yaxshi ko‘rishi va keyinroq xuddi shu tizzalarni yomon ko‘rishi, Sammerning kulishi unga qanchalar yoqishi keyinroq esa bu kulgidan u qanchalar nafratlanishini aytib o‘tadi, Smiths guruhini ham boshida qanchalik yoqtirishini keyinroq esa bu guruhni endi eshitishni xohlamasligini ham aytadi.

2/3

Yozning 500 kuni – romkomdanda ko‘proq.

Yozning 500 kuni, yokida Sammerning (Summer) 500 kuni filmi bundan 14yil oldin dunyo yuzini ko‘rgandi, shundan to hozirgacha u o‘z janri orasidagi filmlar ichida kult darajasida qolmoqda. Xo‘sh nima uni hozirgacha bunchalik muhokamali qilib turibdi, nima uchun u o‘z janridagi boshqa filmlardan farqli, va nihoyat nima uchun ko‘pchilik uni horror janrining yetakchi filmlari sirasiga qo‘shadi ?

Diqqat oldinda spoylerlar!!!

Filmni to‘liq tushunish uchun keling uni bir necha qismlarga bo‘lib qarab chiqamiz.

Albatta bunda ishni bosh qahramon bo‘lgan Tomdan qarab chiqishni boshlaylik. Tom – bu sevgi- muhabbat, taqdir va shu kabi narsalarga ishonadigan, optimistroq, hayotga ishonchi baland, o‘zi arxitektura bo‘yicha o‘qigan, lekin hozirda post kartalari yasovchi bir joyda ishlaydigan yigit hisoblanadi. U o‘z hayotida uning taqdiriga bitilgan jufti borligiga ishonadi, bundanam ko‘proq bu jufti Summer ekaniga ishonadi. Garchi ular do‘st bo‘lib qolishga kelishgan, keyinroq bu munosabatlar jiddiylashgan, yanayam keyinroq bu munosabatlar chigallashgan pallalarda ham u bunga ishonishdan to‘xtamagan toki … ha mayli ozgina ildamlab ketdik, Tomga qaytamiz. Bizning filmimiz boshqa o‘z janridagilaridan ajralib turishining bosh sababchisi Tom, sababi boshqa romantik filmlardan farqli o‘laroq bizning hikoyamizda yigit romantik, qiz esa ozgina sinikroq (циник) qilib tasvirlangan. Yana bir qolgan melodrammalardan bu filmning ajralib turadigan jihati, bu uning chiziqli bo‘lmagan syujet liniyasidir, ya’ni kunlar bizga tartib bilan ko‘rsatilmaydi. Va aynan kunlarning ko‘rsatilishida ham e’tibor bersangiz orqa fon o‘zgaradi: agar Tom xafa bo‘lsa to‘q ranglar, xursand bo‘lsa och ranglar ko‘rsatiladi. Filmda ham xuddi shunday, masalan, Tom Sammerning uyiga birinchi marta kelganda ular xursand - qahramonlar ochiq kiyimda, ikkalasi bardagi mushtlashuvdan keyin xonaga kirganlarida xafa - ikkalasi ham qora kiyimda. Xullas sizda qahramonlarning kayfiyatini aniqlash davomida muammo bo‘lmaydi. Lekin siz hech o‘ylab ko‘rganmisiz nimaga ekranda asosan Tom ko‘rsatiladi, qizni ham bizga ko‘rsatishganda ularni tushunishimiz ozgina yengillashmasmidi deb.

Keling bu savolingizga javob berishga harakat qilaman. Boshlanishiga tanishing: Skot Noystedter (Scott Neustadter) – film ssenaristi (Maykl Ueber bilan birga). Filmdagi bosh qahramon Tomga aynan Skotning o‘zi prototip bo‘lib bergan, ya’ni aynan unga asoslanib Tomning personaji qurilgan. Uning so‘zlariga ko‘ra aynan o‘zida bir necha marta qizlar bilan o‘xshamagan munosabatlar bo‘lgan. Eslaysizmi filmda Tomga do‘sti “Ayolni unutishning eng yaxshi yo‘li bu uni adabiyotga aylantirish” deb aytadi. Bizning ssenaristimiz Skot shu ishni aynan qilgan desak ham mubolag‘a bo‘lmaydi, aynan qog‘ozga muxrlagan u o‘zining o‘xshamagan ishqiy munosabatlarini. Biz filmning markazida Tomni ko‘ramiz sababi ssenarist aynan Tomning o‘rnida o‘zi yashab ko‘rgan, Sammerni ko‘rmaymiz sababi bizga uning qanday bo‘lishini, nima o‘ylashini ssenarist yetkazib bera olmasdi. Agar yetkaza olganda qizlar bilan munosabati o‘xshab ketib balki bu filmni ko‘rmagan bo‘larmidik. Xullas qisman tushundingiz nimaga Tom yetakchi ro‘lda ekanini.

1/3

Bugungi kun uchun, shu film haqida sal uzunroq taqrizni ham o'qib bergan bo'lardingiz-a shunaqa emasmi?

Nimadir savolilar bo'sa yozib qo'yasilar degan maqsadda tashlovdim, comment ham ishlamay qoldi nimagadir shu payt )

O'tinglar

Yumor turlari (darajalari):

Oddiy
Qora
Qop-qora
Tim-qora
Family guy
South Park

Tosh orasidagi olmoslar turkumidan:

Audition (1999) -
#horror #tavsiya #TakashiMiike

O'z xotining o'limidan so'ng qahramonimiz o'g'li bilan yolg'iz qoldi, uni o'zi ulg'aytiryapti. Hayoti ham unchalik yomon emas, o'zi boshlagan kompaniyasi yaxshi rivojlanmoqda. Lekin bir kun o'g'li unga uylanishi kerakligini aytgach, o'zi ham boshini qotirib uylanishga qaror qildi. Endi bir-bir uchrashib yuradigan yoshdan o'tib qoldimmi deb ham tashvishlanib o'tirmadi baxtni qarang, bir prodyuser tanishi yordam bermoqchi bo'ldi. Ikkalasi aslida bo'lmaydigan kino uchun kasting o'tkazishni reja qilishdi, o'sha kastingdagi nomzodlar orasidan esa bizning qahramonimiz o'ziga yangi nomzodni tanlab olaveradi. . .

Avval boshdan aytib qo'yay, o'zi bu horror kim uchun?
Mabodo siz "Arra" franshizasining katta muxlisi bo'lsangiz aniq film tugaganda 'Qanday qilib bu filmni o'tkazib yubordim ekan' deb o'ylab qolasiz ehtimol. Demak standartlarni to'g'ri qo'ydik: Slasher filmlarini ishqibozlari uchun haqiqiy sovg'a.
Lekin horror sizning janringiz bo'lmasa yaxshisi filmni ko'rmay qo'ya qoling.

Endi filmni o'ziga qaytsak, men bekorga tosh orasidagi olmoslar turkumidan deb boshlamadim. Buni izohlashga harakat qilib ko'raman:

Shunday horrorlar bor hamma biladi, hamma aytib yuradi. Misol g'orda yashagan odam bo'lmasa "Arra", "Sokin hudud", "Astral", "La'nat" degan franshizalar haqida eshitgan bo'ladi kami u. Hamma o'zi shularni ko'radi bizda, sevimlilar. Lekin, nomi chiqmagan kichik horror kinolarchi? Boshqa davlatlar ishlagan, mashhur bo'lmagan rejissyorlar ishlagan yaxshi horrorlar ham bor, ammo ular boshqa ko'plab ko'rishga yaramaydiganlari orasida yotadi. Ular bir kichik olmos bo'lgani bilan, boshqa kichik toshlar orasida o'ralashib yotadi, topish qiyin ularni.

Shaxsan men filmni mukammal deb aytishdan ancha yiroqman, lekin bu filmni yaxshi ekanligini inkor etolmaydi. O'zi umuman oddiy bir qo'rqinchli filmdan ko'ra ko'proq narsa so'zlamoqchi bo'lgan rejissyorlar bizga bu aniq. Bu yerda sizni yaxshigina hikoya ham qarshi oladi, ota-bola munosabati, do'stlarning o'zaro yaqinligi. Umuman, ikkinchi aktga kirganda esa buyog'ini aniq tushuntirib bera olmayman, aralash hislarda qoldim men, bir Devid Linchni eslasam, bir Jeyms Vanning "Arra"si esga tushadi. To'liq olib qaraganda unda bir yaponlarga xos uslub bor deb aytgan bo'lardim, aynan bu uslub ba'zi tomoshabinlar uchun filmning birinchi yarimini zerikarli qilishi mumkin. Qolgan masalalar bo'yicha gap yo'q.

Yaponlarning originallari fanatiga aylanib boryapman o'zi, Satoshi Konning animelari odamni o'ziga tortgandi, endi bu film ham meni ancha hayratda qoldirdi. Shunchaki oldimdan tasodifan chiqib qolgan, hatto o'rtacharoq ham biron narsa kutmagan filmimdan bunchalik hissiyot olish, bu katta natija. Xullas, Yaponlarning original loyihalari fanati bo'lsangiz unda bu film siz uchun.

O'zi filmga psixologik horror deb yozilgan janr sifatida, bu esa sizni oldinda tomoshadan so'ng uzoq o'ylantirib qo'yadigan nimadir kutib turibdi degan signal beradi odatda. Filmni o'zida nimalar bo'lishiga to'xtalib o'tirmayabman, sababi nimadir sizni hayratda qoldirishi kerak bo'lsa, yaxshisi filmda hayratda qoldirsin.

Filmni ko'rish (Yapon tili + inglizcha subtitrlarda)

Rus tilida ko'radiganlar uchun film nomi "Кинопроба" ekanini aytishdan ortiq yordam qila olmayman, uzr

O'zimizni o'zbek tilida ko'radiganlar uchun esa chuqur hamdardlik bilan sabr tilayman, izlamasdan turib taxmin qila olamanki filmning bizni tilda dublyaji yo'q.

Barcha davrlarning eng qo'rqinchli filmi hisoblanadigan loyihaning jaz klubini qadrlovchilar uchun hurmat bilan: Seb's

Odatiy, har doim o'zimiznikilarni og'zida yuradigan horrorlardan charchagan qalblar uchun shu bugun bitta yaxshi horror tavsiyasi bo'ladi. (Balki Halloweengacha oxirgi qo'rqinchli film tavsiyasi bo'lar shu)