Amaldagi qonunchilikka ko‘ra jismoniy shaxslar tomonidan ekvivalenti 100 000 000 (yuz million) so‘mga teng yoki undan oshmaydigan miqdordagi naqd valyuta mablag‘larini O‘zbekiston Respublikasidan tashqariga bojxona nazorati qoidalariga rioya etilgan holda cheklovlarsiz olib chiqishlari mumkin.

Samarqand xalqaro aeroportida bojxonachilar hamda viloyat DXX boshqarmasining Aviatsiya xavfsizlikni tekshirish bo‘linmasi xodimlari tomonidan “Samarqand-Abu-Dabi” aviareysi bilan xorijga uchib ketayotgan fuqaroning qo‘l yuklari bojxona nazoratidan o‘tkazildi.

Fuqaroning qo‘l sumkasidan yo‘lovchi bojxona deklaratsiyasida yozib ko‘rsatilmagan hamda olib chiqish me’yoridan ortiqcha 15 ming AQSH dollari borligi aniqlandi.

Bojxonachilar yo‘lovchiga olib chiqish mumkin bo‘lgan 7 800 AQSH dollarini qaytarib berib, fuqaroning mazkur xatti-harakati yuzasidan tegishli tartibda hujjatlar rasmiylashtirib, 7200 AQSH dollarini holatga oydinlik kiritilgunga qadar vaqtincha saqlovga olishdi.

Hozirda holat yuzasidan bojxona organlari tomonidan tergovga qadar tekshiruv o‘tkazilmoqda.

Telegramdagi rasmiy sahifamizga obuna bo'ling ▶️ Samarqand.uz

📱 Web-sayt | 📱 Instagram | 📱 Facebook | 📱 You Tube