Samarqand.uz

#mutolaa

MEN ANGLAB YETGAN FALSAFA

Bozorga o‘xshaydi asli bu dunyo, 
Bozorga o‘xshaydi bunda ham ma’ni. 
Ikkisi ichra ham ko‘rmadim aslo, 
Molim yomon degan biror kimsani.

* * *

Oqar daryoga ham kimdir band bergan, 
Hayot kimga zahar, kimga qand bergan. 
Ey, g‘ofil, sarkash deb, meni kamsitma, 
G’anim senga emas, menga pand bergan.

* * *

Deydilar it hurur - o‘tadi karvon, 
Ranju balolardan yonmasin joning, 
Lekin alam qilar bir umr giryon 
Itlar orasidan o‘tsa karvoning.

✍️ Abdulla Oripov

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

#xorij_xabarlari

▶️ Chexiya prezidenti Pyotr Pavel Lex Ukraina qonunini imzoladi

Qonun Chexiyada ukrainalik qochqinlarning vaqtinchalik himoyasini uzaytirishga qaratilgan. Bundan tashqari, u Rossiya pasportidan voz kechmagan shaxslarga Chexiya fuqaroligini berishni taqiqlaydi.

Pasportdan voz kechilgan taqdirda ham, aksariyat rossiyaliklar Ukrainadagi urush tugamaguncha Chexiya fuqaroligini ololmaydi. Siyosiy qochqinlar va 15 yoshgacha bo‘lgan bolalar uchun istisnolar bor. Fuqarolik olish uchun ilgari topshirilgan barcha arizalar muzlatiladi.

______

Filippinda AQSH harbiy samolyoti qulab tushdi, bortdagi to‘rt kishining barchasi halok bo‘ldi

Samolyot “AQShning filippinlik ittifoqchilari so‘roviga ko‘ra” kuzatuv va razvedka missiyasini bajarayotgan edi.

______

Fransiyaning birinchi Mirage 2000 qiruvchi samolyotlari Ukrainaga yetkazildi

Bu haqda Fransiya mudofaa vaziri Sebastyan Lekornyu ma’lum qildi.

______

Donald Tramp transgender sportchilarga ayollar o‘rtasidagi musobaqalarda ishtirok etishni taqiqladi

AQSH prezidenti farmonini bir guruh qizlar davrasida o‘tirib imzolagan. «Erkaklarni ayollar sportiga qo‘ymaslik haqida»gi hujjat Oq uy saytida e’lon qilingan.

______

Yaponiya shimolida uch kundan buyon rekord darajada kuchli qor yog‘ishda davom etmoqda

Qor tufayli kamida bir kishi halok bo‘ldi, to‘qqiz kishi jarohatlandi. Ba’zi hududlarda avtomobil va temir yo‘l transporti to‘xtatilgan, maktablar yopilgan.

______

Google sun’iy intellektni qurol yoki kuzatuv uchun ishlatmaslik va’dasidan voz kechdi

Google kompaniyasi sun’iy intellekt bo‘yicha axloqiy tamoyillarini yangiladi va unda AI texnologiyalarini qurol sifatida yoki kuzatuv vositasi sifatida ishlatmaslik haqidagi majburiyatlarni olib tashladi.

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

Sulton Idris ta’lim universiteti bilan hamkorlik qilamiz

Davlatimiz rahbarining Malayziyaga rasmiy tashrifi davomida O‘zbekiston Respublikasi va Malayziya o‘rtasidagi munosabatlar barcha sohalarda, jumladan, madaniy-gumanitar va innovatsion yo‘nalishlarda izchil rivojlanib borayotganiga guvoh bo‘ldik.

Batafsil ▶️ Samarkandnews.uz

📱 Web-sayt | 📱 Instagram | 📱 Facebook | 📱 You Tube

Samarqand shahar sektor rahbarlari huzurida mahallalarda xavfsiz muhitni yaratish va huquqbuzarliklarning barvaqt oldini olish bo‘yicha amalga oshirilayotgan ishlar tanqidiy muhokama qilindi.

Yigʻilishda Oʻzbekiston Respublikasi Prezidentining “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi PQ-1-son Qarori ijrosi yuzasidan amalga oshirilishi lozim boʻlgan chora-tadbirlar hamda ustuvor vazifalar muhokama etildi.

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

Tadbirkorning muammosi joyida o'rganildi

Kecha Samarqand shahar hokimi Fazliddin Umarovning tadbirkorlar bilan navbatdagi uchrashuvi bo‘lib o‘tgan edi.

Unda tushgan murojaatlarning ayrimlari bugun hokim ishtirokida joyida o‘rganildi.

Xususan, Lohutiy mahallasida xususiy bolalar bog‘chasi faoliyatini boshlashda yuzaga kelgan muammolar bo‘yicha murojaat qilgan tadbirkor Zarina Baxriyeva bilan suhbat olib borildi. Uning muammosi joyida o‘rganilgach mas’ullarga barcha qonuniy yechim choralarini ko‘rib, bog‘chani ishga tushirish bo‘yicha ko‘rsatma berildi. 

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

#mutolaa

XAYRLI KECH

Tilak qadrin bilar odamlar,
Yaxshi niyat qilar odamlar.
Do`stga tungi orom oldidan
Xayrli kech tilar odamlar.

Xayrli kech — hikmatli istak,
Bu istakni buyurmish yurak.
Xayrli kech — farahli tuning
Osoyishta, tinch bo`lsin, demak.

Yer yuzida yashagan inson
Mayliga, u qayerlik bo`lsin,
Tinch mehnatda kunlari shodon,
Kechalari xayrli bo`lsin.

✍️ Erkin Vohidov

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

Samarqand shahrida qalbaki aksiz markali alkogol va noqonuniy tamaki mahsulotlari savdosi fosh etildi

Bosh prokuratura huzuridagi Departamentning Samarqand shahri bo‘limi va IIB xodimlari hamkorligida “O‘zbekkenti” MFY hududida o‘tkazilgan tezkor tadbirda “X.S.” oilaviy korxonasi rahbari M.X. savdo do‘konida 37 turdagi 795 dona qalbaki aksiz markali alkogol va turli nomdagi 745 quti tamaki mahsulotlarini sotuvga qo‘yganligi aniqlanib, ushbu mahsulotlar ashyoviy dalil sifatida olingan.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.

▶️ @Samarkandnews_uz

📱 Web-sayt | 📱 Instagram | 📱 Facebook | 📱 You Tube

Shahardagi alimentchi ayollar "safi"— 175 nafar!

Avval xabar berganimizdek, viloyat Matbuot uyida o‘tkazilgan matbuot anjumanida Majburiy ijro byurosi Samarqand viloyat boshqarmasi mas’ullari tomonidan 2024 yil davomida amalga oshirilgan ishlar yuzasidan OAV vakillariga ma’lumot berildi. Ta’kidlanishicha, o‘tgan yil davomida 11,5 trln. so‘mlik ijro hujjatlari bo‘yicha majburiy ijro harakatlari olib borilib, 8,5 trln. so‘mlik hujjatlar ijrosi ta’minlangan, 2,9 trln. so‘mdan ortiq qarzdorliklar undirilgan. Shahar miqyosida esa 646 mlrd. so‘m qarzdorlik undirilganligi ma’lum qilindi.

Batafsil ▶️ samarkandnews.uz

Telegramdagi rasmiy sahifamizga obuna bo'ling ▶️ Samarqand.uz

📱 Web-sayt | 📱 Instagram | 📱 Facebook | 📱 You Tube

"Samarqand" gazetasining 2025-yil 6-fevral kunidagi 5-soni mutolaa uchun havola qilinmoqda.

Bugungi sonda:

▶️ Shahardagi alimentchi ayollar "safi"— 175 nafar!

▶️ “Samarqand noni” geografik koʻrsatkich sifatida davlat roʻyxatidan oʻtkazildi

▶️ Sportchilarga — "Prezident socg'asi"

▶️ ERKAKlarning ori do‘ppidir, atlas esa AYOL ibosi

▶️ Ikki siymo beshligi

▶️ Yuqumli kasalliklar kamaymoqda

Gazetadagi maqolalarni va Samarqand hayotiga oid yangiliklarni samarkandnews.uz sayti hamda ijtimoiy tarmoqlardagi sahifalarimizda o'qishingiz mumkin.

Telegramdagi rasmiy sahifamizga obuna bo'ling ▶️ Samarqand.uz

📱 Web-sayt | 📱 Instagram | 📱 Facebook | 📱 You Tube

#mutolaa

DO‘PPI
__________
Do‘ppi kiymay qo‘ydi odamlar,
Bir shoir, bir nosirdan boshqa.
Sochlar silliq,
Silliq qadamlar,
U og‘irlik qilyapti boshga...
______
Rost do‘ppilar,
Yolg‘on do‘ppilar,
Kinolarda qolg‘on do‘ppilar.
Chust do‘ppilar,
Anjon do‘ppilar,
Munchoqdek Marg‘ilon do‘ppilar...
______
Do‘ppi kiymay qo‘ydi odamlar,
Bir shoir, bir nosirdan o‘zga,
Men ham sizga berdim savollar,
Shlyapamni bostirib ko‘zga.
______
Do‘ppi kiymay qo‘ydi odamlar,
Ko‘ngil esa ko‘rmoq tusaydi.
Madaniyat gullagan damlar,
Kallaga e’tibor susaydi.
______
Do‘ppi kiymay qo‘ydi odamlar,
Na uyda va na ko‘chada.
Mirtemirlar, G‘afur G‘ulomlar
Yechgan do‘ppi qoldi tokchada...
______
Bu qandayin ko‘rgulik savdo,
Do‘ppi kiymay qo‘ydi xaloyiq.
Boshga loyiq do‘ppi yo‘qdir yo —
Bosh qolmadi do‘ppiga loyiq.
______
✍ Muhammad Yusuf

Telegramdagi rasmiy sahifamizga obuna bo'ling ▶️ Samarqand.uz

📱 Web-sayt | 📱 Instagram | 📱 Facebook | 📱 You Tube