Ayni damda Samarqand shahridagi Xalqaro turizm akademiyasi binosida Samarqand shahrida yashovchi shaxmat bo‘yicha ikki karra jahon chempioni Afruza Hamdamovaning shu kungacha sportda erishgan yutuqlarini munosib taqdirlash maqsadida tadbir bo‘lib o‘tmoqda.

Unda chempionning ota-onasi, ustozlari, Samarqand shahar hokimligi mas'ullari va u tahsil olayotgan maktab o'quvchilari ishtirok etmoqda.

Tadbirda Samarqand shahar hokimi Fazliddin Umarov so'zga chiqib, chempionning tirishqoqligi hamda intiluvchanligini alohoda e'tirof etib, chempionning ota-onasi va ustozlariga minnatdorchilik bildirdi. Yurboshimiz tomonidan yoshlarga va sportga qaratilayotgan etibor alohida e'tirof etildi.

Shahar hokimi tomonidan Afruzaning o'ziga va ota-onasiga shahar hokimi tashakkurnomasi va esdalik sovg'alari topshirildi.

Tadbir davomida Afruza Hamdamova havaskor shaxmatchilar va shaxmatga qiziquvchi yoshlar bilan shaxmat o'ynadi. Bu albatta, yoshlarning shaxmatga bo'lgan qiziqishini yanada oshirishga xizmat qiladi.

📱 Web-sayt | 📱 Telegram | 📱 Facebook | 📱 You Tube