📌"Nufuzga murojaat" (Argumentum ad verecundiam) – bu mantiqiy xato bo‘lib, unda fikr yoki da’vo asosli dalillar bilan emas, balki obro‘li shaxs yoki tashkilotning gapiga tayanib isbot qilinadi. Ya’ni, "Bu gap to‘g‘ri, chunki uni mashhur yoki bilimli odam aytdi" degan noto‘g‘ri mantiq ishlatiladi. Bu xatoda dalil o‘rniga kimningdir obro‘siga ishonish taklif qilinadi. Albatta, mutaxassislarning fikri muhim, lekin ularning ham xatosi bo‘lishi mumkin. Muhimi, ularning fikri dalillarga asoslanganmi yoki yo‘qmi, shuni tekshirish.