Remarkdan qaydlar

Remark ranglari

✍️“Yo‘qotilgan avlod”ning tushkun yozuvchisi E.M.Remarkning o‘zbek tilidagi kitoblari soni 9 taga yetdi. Ma’lumki, Remark – XX asr urushlarining badiiy solnomachisi bo‘lib tarixda qolgan. Uning deyarli barcha kitoblarida ikkita urush va uning asoratlari odamlarning jismi va ruhiga qanday zarbalar bergani tahlil qilinadi.

⚔️Turli guruhlarga bo‘linadigan o‘zbek kitobxonlarining ayrimlari sayoz turk kundaliklarini o‘qisa, ma'lum bir qismi Dostoyevskiy, Tolstoy va Remarkka mubtalo bo‘lgan. Buni internetdagi bloglardan, shu bilan birga kitob do‘konlardagi sotuvlardan darrov ilg‘ab olasiz...

Xullas, Remarkdan tarjimalar soni 9 taga yetdi. Shularning 7 tasi hozircha “Yangi asr avlodi”ning lotincha, rangdor seriyasida ketma-ket nashr qilinmoqda. (“Ortga yo‘l” va “Qora haykal” avvalroq “Factor Books” nashriyotida bosilgan edi)

🎨Remark asarlariga rang berish mumkin bo‘lsa, oq va qora rang bilan ifodalash mumkindir, ammo chuqurroq kirib borilsa, har bir romanining o‘ziga xos bo‘yoqlari bor. Nashriyot yangi lotincha nashrida aynan rang-tuslarga e’tibor qaratmoqda.

📕“Gʻarbiy Frontda o'zgarish yo'q” – qizil (urush va qon timsoli)
📒“Uch og‘ayni” – sariq (ayriliq va dard, so‘lg‘inlik ramzi)
📘“Qarzga olingan umr” – to‘q ko‘k (umidsizlik, hayot va o‘lim orasidagi sukunat ramzi)
📓“Lissabondagi tun” – qora (zulmat ramzi)
🟦“Jannatdagi soyalar” – moviy (osmon, jannat timsoli)
🔋“Umid uchquni” – yashil (tiriklik ramzi)
🔰“Zafar darvozasi” – zumrad rang (umid va ozodlik ramzi)

⏳Remark seriyasi davom etadi. Oldinda bizni “Ortga yo‘l, “Qora yodgorlik”, “Hayot-mamot pallasi” kabi yangi nashrlar kutmoqda...

📚Bu chiroyli nashrlarni sotib olsangiz, ham mutolaadan, ham muqovadan estetik zavq olasiz...
❗️Faqat, o‘qiyotganda meyordan chiqib ketmang! Chunki Remarkning pessimistik ruhiyati juda yuqumli...

@timur_books