🟠 Маънан эскирган ва фойдаланишга яроқсиз бўлган 2 383 та лифт ускуналари янгиланади ва таъмирланади

Бу ҳақда АОКАда ўтказилган брифингда Қурилиш ва уй-жой коммунал хўжалиги вазирлиги Ахборот хизмати раҳбари Саидносир Усмонов маълум қилди.

🟢Бугунги кунда кўп квартирали уйлардаги лифт ускуналарини 2025–2028 йилларда янгилаш ва таъмирлаш дастури тасдиқланди.

🟢Эндиликда янгидан қурилиб фойдаланишга топширилаётган кўп квартирали уйлардаги лифт ускуналари Саноат, радиация ва ядро хавфсизлиги қўмитаси томонидан “Хавфсиз лифт” ягона идоралараро электрон платформаси негизидаги электрон реестрга киритилгандан кейингина фойдаланишга қабул қилинади.

🟢Диспетчерлик хизматини бошқариш, лифт ускуналарининг техник ҳолатини мониторинг қилиш ва авария ҳолатларини реал вақт режимида қайд этадиган “Хавфсиз лифт” ягона идоралараро электрон платформаси жорий йил 1 майидан тўлиқ жорий қилинади.

🟢Ушбу платформа ишга туширилгач, барча кўп квартирали уйлардаги лифт ускуналарини реал вақт режимда кузатиб бориш имкони яратилади.

🟢Аҳоли томонидан фойдаланувда бўлган лифтларнинг қачон ўрнатилганлиги, қайси ташкилот томонидан техник хизмат кўрсатилиши, техник кўрикдан ўтганлигига оид маълумотлар кузатиб бориш мумкин бўлади.

✍️ Батафсил

Telegram | Facebook | Instagram | Youtube | Медиабанк