Ehtiyojim

Nolishim hirgoyi qilar bulbullar,
To'tiga yo'q mening ehtiyojim.
Osmonimda parvoz etar burgutlar,
Zahchalarga yo'q mening ehtiyojim.

Tunlarim yulduzlar yoritar hamon,
Shamchiroqqa yo'qdir mening ehtiyojim.
Kunduzimda bordur porloq quyoshim,
Yortgichga yo'q mening ehtiyojim.

Sengacha o'tgandi umrim bir tekis,
Kimsaga bo'lmagan mening ehtiyojim.
Uchratgan onimdan angladim shuni,
Sendan o'zgasiga yo'qdir mening ehtiyojim.

Uyqusiz tunlarga o'ylarim yetar,
O'zga o'ylarga yo'q mening ehtiyojim.
Sengacha o'tgandi umrim shundayin,
Hech kamga yo'qdayin mening ehtiyojim.

Ko'zlaring qarosi g'arq etdi meni,
Ko'zlarga yo'qdur mening ehtiyojim.
Kulguching tubiga dafn etsalar,
Lahatga yo'qdur mening ehtiyojim.

Shirk emas so'zlarim, asrasin o'zi,
Yolg'iz o'zigadur barcha ehtiyojim.
O'zidan so'ragan yolg'iz tilagim,
Dunyoda bir senga bordur ehtiyojim.

© Oybek G'ofurov
2024. 3-NOYABR
TOSHKENT