Al Asr ⏳

Umidini insonlarga bog’lagan odam bir kunmas bir kun albatta ozorlanadi.
Har bir insonning ichida biz tanimaydigan yana bir boshqa inson bor. Va uning qachon yuzaga chiqishini kimsa bilmaydi.

Shuning uchun hech kimdan hech narsa kutmaslikka o’rgatishga harakat qilaman o’zimni.
Buning oxiri shifo. Buning oxiri to’g’ri manzil bo’ladi chunki.

Robbimga boradigan yo’lni yolg’iz bosib o’tishim kerak.
Hammaning qadami o’ziniki. Har kimning yo’li alohida bu safarda.
So’rasam Undan so’rab,
Kutsam Undangina kutishim kerak.
Qalbning g’arizasi faqat shu bilan to’ladi.

@Mutawakkilun

Hayit barchamizga muborak bo’lsin!
Alloh bizdan qabul qilgan va gunohlarimizni mag’firat qilgan bo’lsin amiyn!

InshaAlloh judayam foydali kanal bo’lishiga ishonchim komil.

Agar hali qo’shilmagan bo’lsangiz, albatta qo’shilib olishingizni tavsiya qilaman.

Aytishlari bo’yicha, inshaAlloh munosabatlar haqida ham postlar bo’lar ekan!

Aslida bu kanalni shunchaki o’zlarining xulosalarini va olgan anglashlarini qayd qilib borish uchun ochdilar, O’zlarining obunachi yig’ish kabi na xohishlari va na hayollari bor edi lekin men iloji boricha ko’proq inson qo’shilib foyda olishini va ularning ajri Zawjimga bo’lishini judayam istadim.(vasila bo’lganim uchun menga ham :D)

Shuning uchun shiddatla tavisiya qilaman!

https://t.me/insights_i_get

By Abu Ibrohiym✍️

#familyinIslam
#halallove

Instagramga qo’ymoqchi bo’lib kechadan beri o’ng’ayini topolmayabman.
Shu yerga yozaqolaman.

Kecha AbdurRohman bilan gaplashayotgan edik men oilamizga qarab qanchalik xursand bo’lib ketaverishim haqida gap ochdim. Shunaqa huzurli va sokin munosabatimiz borligidan, inshaAlloh farzandlarimiz urush janjallar va behurmatliklargamas, hamjihatlik va go’zal muomalaga shohid bo’lib katta bo’lishlarini o’ylashdan qanchalik xursandligimni aytib berayotgan edim, birdan ajoyib gap aytib qoldilar.

Zawjim menga aslida O’ZLARINI O’YLAGANLARI uchun yaxshi muomala qilar ekanlar bilsam!

Aytdilarki:(inglizchada gapirdila shunchun birinchi original versionini yozaman) “A noble man wants noble woman along by his side. A noble woman should be approached nobally as well. If a man disrespects his wife and approaches her as a slave, it means he is living with a slave-kind woman. But if a man has a beautiful attitude towards his wife it will mean he lives with a queen, which makes him the king as well.”

Noble ni haqiqiy o’zbekcha variantini topomadim. Ruschada благородный ga to’g’ri keladi.

tarjimasi:
“Oliyjanob erkak o’z yoniga ham oliyjanob ayol xohlaydi. Unday ayolga esa o’ziga munosib muoamalada bo’lish kerak. Agar erkak ayoliga xuddi xizmatkorga qilgandek muomala qilsa, demak xizmatkor bilan yashayotgan bo’ladi. Qirolicha kabi ayol bilan yashashni istagan erkak ayoliga ham qirolichaga qilgandek muomala qiladi, bu uning o’zini ham qirolga aylantiradi.”

Mening fikrimcha esa, ruhan kuchli erkaklargina (chunki jismonan hamma ham kuchli bo’la oladi) ayoliga ovozini ko’tarishga ehtiyoj sezmaydilar.

Ayol kishining turli hollari, kelib ketib turadigan injiqliklari, shoshqaloqligi va hayajonga, hislarga berilishi haqiqiy rijolni o’z pozitsiyasidan qo’zg’atmaydi, aksincha u erkakni yana ham toblantiradi. Erkak kishi ayolining holatidan qat’iy nazar vazmin, mulohazali va qat’iyatli bo’lib qola olishi kerak, u shunisi bilan erkak, ayol esa shunisi bilan ayol.

Faqat jismda emas, ruhida va qalbida ham rijollikni tashiganlar ayoliga go’zal muomala qilishdan, u bilan maslahatlashishdan, undan nasihat qabul qilishdan va uning fikrlarini inobatga olishdan qochmaydi. Qo’rqmaydi. Chunki u o’z pozitsiyasiga amin. Chunki bu ishlar uning erkakligiga putr yetkazmasligiga ishonchi komil.

Faqat haqiqiy erkakning yonidagina ayol ayolligini qila oladi, zaifaligini ko’rsata oladi.
Chunki erkakligi faqat jismida qolganlarning yonidagi ayollar kuchli bo’lishga, ichiga yutishga va xavfda yashashga majbur bo’ladilar.

Allohim ummatning erkaklaridagi qoviylikni ziyoda qilsin, ulardagi rujulatga barakasini yog’dirib hikmat bilan ziynatlasin va Jannatining eng oliy maqomlari bilan rizqlantirsin amiyn!

@Mutawakkilun

Ramazon muborak!
Allohim barchamizga xayrli qilsin, bu oydan eng unumli shaklda foydalanib chiqishimizga tavfiq bersin.

Tabriklarimiz ila
@Mutawakkilun

#muammo
Solishtirish va solishtirilish insonni ichdan qulatadigan eng katta qurol.
Tashqaridan darrov sezilmasa ham, uning ta’siri uzoq davom etuvchidir. Asta-asta o’ldiradi u.
Ko’zdagi uchqunni..
Yurakdagi shavqni..
Ishtiyoq va orzularni.

Farzandimizni, juftimizni, ota-onamizni doimiy boshqalarniki bilan solishtiraverish yaqinlarimizdan avval o’zimizning ichimizni qoraytirib yuboradi. Hayotga qiziqishimizni so’ndiradi. Shikoyatimizni ko’paytirib, shukrimizni ozaytiradi.

O’zingizga ham, yaqinlaringizga ham bunday zulmatni ravo ko’rmang.🤍

@Mutawakkilun

Stereotiplar singgib ketgan odam yangi ilm o’rganolmaydi ham, qo’llay ham olmaydi.

Stereotiplarga emas, asosli ilmga ko’ra qurish kerak hayotni. Bo’lmasa mana, ko’rib turganimizdek mezonlar buziq holida qolaveradi. Islohni istab botqoqlikka botib ketaveramiz, yo’limiz qing’ir bo’lgani uchun.

Oydinlikka chiqish faqat ilm bilan.

@Mutawakkilun

22.11.22
Alhamdulillah!

Tabriklaringizni qabul qilamiz, biz ota-ona bo’ldik!😊

Tavhid otasi, Islom millatining otasi, Allohning O’ziga eng yaqin tutgan bandasi, halimligi, vafosi va tavbakorligi bilan Alloh tomonidan xos maqtalgan Zot Ibrohiym alayhissalam kabi barokatli bo’lishingni Allohdan umid qildik, O’g’lim!
Al Vahhab Robbimizdan bizga ota-onalikni sevdiradigan xayrli zurriyot bo’lishingni so’raymiz, Ibrohiymim✨

Alhamdulillahillażiy bini’matihi tatimmusšoolihaat!
@Mutawakkilun

#eslatma
#farzand_tarbiyasi
#munosabatlar
#nikoh

Hurmat

Ota o’z farzandlariga ayoli haqida faqat yaxshi gaplar aytishi kerak. Ona ham xuddi shunday qilsa, farzandlar ikkisiga ham birdek hurmatli bo’lishadi, Allohni izni bilan.
Ona bir tarafdan dada haqida, ota bir tarafda ona haqida farzandlariga bir birini yomonlab o’tirsa- birinchidan farzandning qalbi sinadi, chunki hech kim uchun o’z ota-onasi haqida salbiy fikr eshitish yoqimli emas. Ikkinchidan bora bora o’zi ham ularga nisbatan tanqidiy nazar bilan qarashni boshlaydi va hurmati pasayadi.

Undan tashqari, ota-onalar aslo va aslo farzandlarning ko’z oldida bir-birlarini behurmat qilmasliklari lozim. Na so’z va na amal bilan.
Farzand oila ichidagi muhitda hurmatga ko’zi o’rganib, bu tushuncha unga singgan holda yetishsa, jamiyatda o’zi ham hurmatga loyiq shaxs sifatida shakllanadi ulg’aygani sari, inshaAlloh.

Va yana,
Er xotin bir birini, ortidan faqatgina yaxshi gap bilan zikr qilishi kerak, deb hisoblayman. Masalan men uchun orqamdan mening sha’nimni va obro’yimni qal’a kabi qo’riqlashiga amin bo’lgan insonim borligini bilish mukammal xavfsizlik hissini beradi. Hotirjam yuraman. Shaytonga ham bu eshikdan kirish yo’llari yopiq. Alhamdulillah!
Bu esa munosabatimizda biz uchun katta yengillik.

Juftingiz- sizning tanlovingiz. Va u haqida uning orqasidan aytadigan har qanday so’zingiz o’zingizning qilgan tanlovingiz haqida bo’ladi aslida.
Oilangizdagilar haqida atrofdagilarga biror nima deyishdan oldin biling- siz bir kuni osonlikcha kechirib ketishingiz mumkin lekin insonlar unutishmaydi. Insonlarning ko’zida siz o’sha qizg’in paytingiz bergan ta’rif bilan muhrlanib qolaveradi yaqinlaringiz.

Er o’z oilasidagilarga ayoli haqida yomon gap yoki hazillar qilmasligi va boshqalarga ham ayoli haqida yomon gapirishlariga qo’yib bermasligi, ayol ham erining ortidan uning va oilasining obro’sini to’kmaslikka diqqatli bo’lishi munosabatlarni jipslashtiradi.

Hurmat bor joyda boshqa tuyg’ularga ham yo’l ochilishi mumkin. Lekin hurmat bo’lmasa, bor tuyg’ular ham zadalanib, oxir oqibat yo’qlikka mahkum bo’lib qoladi…

@Mutawakkilun

We can never be grateful enough to Allah. But we certainly can be more grateful.
-“Heaven under Your feet” by Umm Hasan bint Salim
•
Alloh taolo bergan ne’matlari uchun yetarlicha shukr qilishimiz imkonsiz. Ammo doimo ko’proq shukr qiluvchilardan bo’lishimiz mumkin.

@Mutawakkilun

Dunyoda bir Onani xursand qila oladigan nima bo’lsa, bitta ham qoldirmay hammasini Sizni xursand qilish uchun ishlatolsam qaniydi Onajonim…

Onaginamni nima qilib ko’zlarini kuldira olaman, nima qilsam dunyoda eng baxtlisi U bo’ladi..?

Sog’ bo’lishdan,
O’z holatim yaxshi bo’lishidan tashqari…