#Odam
Muammomiz, bir paytlar ijobatini ko‘z oldimizga keltirolmagan, Uning va’dasiga tayanib qo‘llarimiz ko‘tarilgan, butun vujudimiz ila xohlab so‘raganlarimiz ustida ayni damda hozir bo‘la turib ular haqida unutganimizda. Shunaqa.
Tomog‘ingiz qattiq og‘rigani esingizdami? Esingizda. O‘shanda sog‘ damlaringiz ko‘z oldingizdan o‘tgan.
"Muzdek ichmaganimda edi", "sovuqqa chiqmaganimda edi" deb o‘zingizni ko‘p koyigansiz. Har yutingandagi azobli og‘riqdan xalos qilishini so‘rab duo qilgansiz.
Duoyingiz ijobat bo‘lganmi? Bo‘lgan. Lekin siz o‘sha damni hozir his qilmaysiz. Shunchaki unutgansiz. Unutganmiz.
Bizdagi boshqa ijobat bo‘lgan duolar o‘laroq
unutganmiz. Bu har narsa bo‘lishi mumkin: kasallikdan tuzalish, yaqin kishisini hidoyat topishi, imtihondan o‘tib olish, yaxshi turmush o‘rtoq so‘rash, yaxshi ish topish va h.k.
Hozir esa yangi ehtiyojlar bilan bandmiz.
Vaholanki bizdagi kabi sharoitni qanchadan-qancha kishi duo qilib so‘rayapti ekan-a? Shunda ham qarang, biz so‘rayveramiz, U Zot O‘z fazli ila beraveradi. Hatto U Zotga hamd aytishni unutsak ham rahmatidan doim nasibamiz bor. Darhaqiqat, ne’matlarga shukr qilishda va U Zot buyurgandek ibodat qilishda doim nuqsonlimiz.
Allohim, Seni zikr etishda, Senga shukr qilishda va ibodatingni go‘zal bajarishda bizlarga yordam ber!
👉
@OdamOlam — Tafakkur qiling!
