* * *
Dunyo yashillangan.
Ko‘chamdan bahor
Sachratib o‘tarmish harir kulgusin.
Menam maysa edim,
Ko‘nglimda tumor –
Tovoning siypalab o‘lmoq orzusi.
Daraxtlar to‘n kiygan –
Zarbof, beqasam,
Bog‘larni rindona kezarman uchib.
Menam yaproq edim axir, azizam,
Boshingni avaylab soya solguvchi.
Senmi, xech kimsaga bermasdan tutqich
Beg‘am yashayotgan ozod – kapalak?
Qara, ko‘zlarimda sarg‘aygan ilinj,
Qancha kishanlar bor umrimda, malak!
Dunyo huvillagan.
Ko‘chalar – befayz,
O‘tarman nenidir qo‘msab faromush.
Senam bahor eding, qachondir besas
Yashil tushlarimdan uchib ketgan qush.
Tomog‘im qaqragan.
Nogoh hayqirsam –
Na maysa, na yaproq tushunar dardim.
Menam banda edim,
Kelsang, azizam,
Inson ekanimni anglab yashardim.
© Muhammad Siddiq
Dunyo yashillangan.
Ko‘chamdan bahor
Sachratib o‘tarmish harir kulgusin.
Menam maysa edim,
Ko‘nglimda tumor –
Tovoning siypalab o‘lmoq orzusi.
Daraxtlar to‘n kiygan –
Zarbof, beqasam,
Bog‘larni rindona kezarman uchib.
Menam yaproq edim axir, azizam,
Boshingni avaylab soya solguvchi.
Senmi, xech kimsaga bermasdan tutqich
Beg‘am yashayotgan ozod – kapalak?
Qara, ko‘zlarimda sarg‘aygan ilinj,
Qancha kishanlar bor umrimda, malak!
Dunyo huvillagan.
Ko‘chalar – befayz,
O‘tarman nenidir qo‘msab faromush.
Senam bahor eding, qachondir besas
Yashil tushlarimdan uchib ketgan qush.
Tomog‘im qaqragan.
Nogoh hayqirsam –
Na maysa, na yaproq tushunar dardim.
Menam banda edim,
Kelsang, azizam,
Inson ekanimni anglab yashardim.
© Muhammad Siddiq