Йўлларингиз равон бўлсин ёр!
Биз ҳали яшашдан тўйганимиз йўқ,
Бу дунёдан ҳали умидимиз бор,
Биздан айроликда бўлса ҳам майли,
Энди йўлларингиз равон бўлсин ёр!
Ҳар неда аввали - сўнги муқаррар,
Биз севдик замину самолар қадар,
Сизсизлик юртига бошладик сафар,
Энди йўлларингиз равон бўлсин ёр!
Сабрда синалдик, алҳамдулиллаҳ,
Сизга дуоларда сўрадик паноҳ.
Агар кўнглингизда бор бўлса Аллоҳ,
Энди йўлларингиз равон бўлсин ёр!
Қаддини ростлади йиқилган ғурур,
Баъзан кетишлар ҳам ҳайрли эрур,
Чиройли кунларга айтдик ташаккур,
Энди йўлларингиз равон бўлсин ёр!
Кўнглимиз кўшкида тахту равони,
Дард берар олдидан шайлар давони,
Бизга суймоғимиз етар Худони,
Энди йўлларингиз равон бўлсин ёр!
Малика Тавфиқ
@Malika_Salimova_sheriyati
Биз ҳали яшашдан тўйганимиз йўқ,
Бу дунёдан ҳали умидимиз бор,
Биздан айроликда бўлса ҳам майли,
Энди йўлларингиз равон бўлсин ёр!
Ҳар неда аввали - сўнги муқаррар,
Биз севдик замину самолар қадар,
Сизсизлик юртига бошладик сафар,
Энди йўлларингиз равон бўлсин ёр!
Сабрда синалдик, алҳамдулиллаҳ,
Сизга дуоларда сўрадик паноҳ.
Агар кўнглингизда бор бўлса Аллоҳ,
Энди йўлларингиз равон бўлсин ёр!
Қаддини ростлади йиқилган ғурур,
Баъзан кетишлар ҳам ҳайрли эрур,
Чиройли кунларга айтдик ташаккур,
Энди йўлларингиз равон бўлсин ёр!
Кўнглимиз кўшкида тахту равони,
Дард берар олдидан шайлар давони,
Бизга суймоғимиз етар Худони,
Энди йўлларингиз равон бўлсин ёр!
Малика Тавфиқ
@Malika_Salimova_sheriyati