#PREMYERA
TUSHDAGI SOʻZ
Iltimos, qalbimni ogʻritmay soʻzlang,
Taʼna toshingizga nishon emasman.
Sal nari borganda kuchlisiz mendan,
Ortiq soʻzingizga ishonolmasman.
Iltimos, nodonga oʻxshatmang meni,
Har holda sizchalik emas gʻururim.
Yaxshisi dunyoda yashatmang meni,
Agar yongingizda boʻlmasa qadrim.
Oʻrnim boʻshatilgan koʻnglingizdan to,
Illo, boʻlganmidi qachondir izi?
Bilmam parishonmi, yo parda tortiq?
Sizni, koʻrgunicha qalbimning koʻzi.
Gʻulgʻula soladi uyqudagi tush,
Saharga ergashib ketar hikoya.
Yotibman hozir ham tushimda behush,
Qanday tugar ekan, deya nihoya!
Iltimos, qalbimni ogʻritmay soʻzlang,
Taʼna toshingizga nishon emasman...
✍️Maftuna Amirzoda
26.11.2024-yil
⏰01:00
https://t.me/Maftuna_Amirzoda_ijodi